Responsive Ad Slot

இம்முறை வெல்வது தமிழகமாக இருக்கட்டும்.‌‌... சரத்குமாருக்கு கமல் நன்றி தெரிவித்தார்....

No comments

Wednesday, 3 March 2021

 

முதல்வர் வேட்பாளராகக் கமல்ஹாசனை ஏற்றுக் கொள்வதாக சமக பொதுச் செயலாளர் சரத்குமார் தெரிவித்ததை அடுத்து, சரத்குமாருக்கு மநீம தலைவர் கமல் நன்றி தெரிவித்துள்ளார். இம்முறை வெல்வது தமிழகமாக இருக்கட்டும் என்றும் அவர் கூறியுள்ளார்.

தமிழகத்தில் தேர்தல் அறிவிப்பு வெளியானதை அடுத்து, அரசியல் களம் சூடுபிடித்துள்ளது. பல்வேறு கட்சிகளிடையே கூட்டணி, தொகுதி உடன்பாடு உள்ளிட்ட பேச்சுவார்த்தைகள் இறுதிக்கட்டத்தை எட்டியுள்ளன.

அதிமுக கூட்டணியில் இருந்து சரத்குமாரின் சமத்துவ மக்கள் கட்சி அண்மையில் விலகியது. சமீபத்தில் மநீம தலைவர் கமல்ஹாசனை சந்தித்துக் கூட்டணி குறித்துப் பேச்சுவார்த்தையை சரத்குமார் நடத்தினார்.

இதற்கிடையே இன்று புதுக்கோட்டையில் நடைபெற்ற சமத்துவ மக்கள் கட்சியின் 6-வது பொதுக்குழுக் கூட்டத்தில், மக்கள் நீதி மய்யத்துடன் கூட்டணி அமைப்பதாகவும் முதல்வர் வேட்பாளராகக் கமல்ஹாசனை ஏற்றுக் கொள்வதாகவும் அக்கட்சியின் பொதுச் செயலாளர் சரத்குமார் தெரிவித்துள்ளார்.

இந்நிலையில் இதுகுறித்துத் தனது ட்விட்டர் பக்கத்தில் பதிவிட்டுள்ள மக்கள் நீதி மய்யம் கட்சியின் தலைவர் கமல்ஹாசன், ''மக்கள் விரும்பும் கூட்டணியின் முதல்வர் வேட்பாளராக என்னை முன்மொழிந்த சமத்துவ மக்கள் கட்சியின் தலைவர், அன்புச் சகோதரர் சரத்குமாருக்கு என் மனமார்ந்த நன்றிகளைத் தெரிவித்துக்கொள்கிறேன்.

மக்கள் நலனில் அக்கறையுள்ளவர்கள் எதிர் வரும் நாட்களில் எம்மோடு கைகோர்ப்பார்கள். இம்முறை வெல்வது தமிழகமாக இருக்கட்டும்'' என்று தெரிவித்துள்ளார்.

திமுகவில் இருந்து விலகிய எம்.எல்.ஏ பாஜகவில் இணைந்தார்.

No comments
 

திமுகவில் இருந்து விலகிய ஆயிரம் விளக்கும் தொகுதி எம்.எல்.ஏ கு.க.செல்வம் பாஜகவில் இணைந்தார்.

ஆயிரம் விளக்கு சட்டமன்ற தொகுதி உறுப்பினர் கு.க.செல்வம் கடந்த சில மாதங்களுக்கு முன்பு திமுக மீது அதிருப்தி இருப்பதாக கூறி பரபரப்பை ஏற்படுத்தினார்.

பாஜகவுக்கு மட்டும் அவர் செல்லவில்லை, மற்றபடி திமுகவை குறை கூறுவது, டெல்லி சென்று பாஜக தேசியத் தலைவர் ஜே.பி.நட்டாவை சந்திப்பது என பரபரப்புடன் இருந்தார்.

மேலும் கமலாலயத்தில் ராமர் படத்திற்கு மரியாதை செலுத்தி திமுகவுக்கு அதிர்ச்சி கொடுத்தார் இவர். டெல்லி சென்று பாஜக தலைவர்களை சந்தித்த பிறகு பேசிய இவர், எம்எல்ஏ பதவியில் இருந்து விலக போவதில்லை என தெரிவித்தார்.

இந்நிலையில் அவர் கட்சியின் அடிப்படை உறுப்பினர் உள்ளிட்ட அனைத்து பொறுப்புகளில் இருந்தும் நிரந்தரமாக நீக்கப்படுவதாக திமுக தலைவர் மு.க.ஸ்டாலின் தெரிவித்தார். அதை தொடர்ந்து பாஜகவில் இணையாமல் , அக்கட்சியின் நிகழ்ச்சிகளில் பங்கேற்று வந்தார்.

இந்நிலையில் சென்னையில் பாஜக மாநிலத் தலைவர் எல்.முருகன், தமிழக தேர்தல் பொறுப்பாளர் சி.டி.ரவி, கரு.நாகராஜன் ஆகியோர் முன்னிலையில் சட்டமன்ற உறுப்பினர் கு.க.செல்வம் பாஜகவில் இணைந்தார்.

தேர்தல் நெருங்குவதால் கட்சிகள் அனைத்தும் மாற்று கட்சியில் உள்ள முக்கிய நபர்களை தங்கள் வசம் இழுக்க முயற்சித்து வருகின்றன. அந்க வகையில் பாஜகவில் திமுகவில் இருந்து நீக்கப்பட்ட கு.க.செல்வம் இணைந்துள்ளார்.

பாஜகவில் இணைய எல்.முருகனை சந்தித்த பிரபல இயக்குநர்

No comments
 

தமிழகத்தில் ஏப்ரல் 6ம் தேதி சட்டமன்ற தேர்தல் நடைபெற உள்ளது. எனவே அரசியல் கட்சிகள் அனைத்தும் தேர்தல் பணிகளில் தீவிரம் காட்டி வருகின்றனர். தேர்தல் அறிக்கை தயாரிப்பு, கூட்டணி பேச்சுவார்த்தை, தொகுதி பங்கீடு உள்ளிட்ட விவகாரங்கள் குறித்து ஒருபுறம் வேலைகள் நடத்துவந்தாலும், மறுபுறம் பிரபலங்கள் அரசியல் கட்சி இணைவு, கட்சி விட்டு கட்சி மாறுவது போன்றவையும் நடைபெற்று வருகிறது. கடந்த சில மாதங்களுக்கு முன்பு காங்கிரஸ் கட்சியில் இருந்து விலகிய நடிகை குஷ்பு பாஜகவில் இணைந்தார். பாஜகவில் இணைந்த முதல் நாளில் இருந்தே தீயாய் வேலை செய்து வரும் குஷ்புவின் வேகத்தை பார்த்து வியந்து, திருவல்லிக்கேணி தொகுதி தேர்தல் பொறுப்பாளராக பாஜக தலைமை நியமித்துள்ளது.

இந்நிலையில் நடிகை குஷ்புவின் கணவரும், பிரபல இயக்குநருமான சுந்தர் சி இன்று பாஜக அலுவலகத்தில் அதன் தலைவர் எல்.முருகனை நேரில் சந்தித்து பேசியதாக தகவல்கள் வெளியாகின. அப்போது எல்.முருகனிடம் சுந்தர் சி தான் பாஜகவில் இணைய தயாராக உள்ளதாக விருப்பம் தெரிவித்ததாகவும் கூறப்படுகிறது. விரைவில் சுந்தர் சி பாஜகவில் இணைவார் என்றும், மனைவியுடன் இணைந்து தேர்தல் பிரச்சாரத்தில் ஈடுபட வாய்ப்புள்ளதாகவும் தகவல்கள் வெளியாகியுள்ளன.

வாக்காளர் அடையாள அட்டை இல்லையென்றாலும் வாக்களிக்கலாம்

No comments

வாக்காளர் பட்டியலில் பெயரை சேர்க்க விண்ணப்பித்து, வாக்காளர் இறுதிப் பட்டியலில் உங்கள் பெயர் இணைக்கப்பட்டிருப்பதை உறுதி செய்து கொண்டவர்களா நீங்கள்?

வாக்காளர் அடையாள அட்டை இல்லையே? எவ்வாறு வாக்களிப்பது என்ற கவலை வேண்டாம். புதிதாக வாக்காளர் பட்டியலில் பெயரை சேர்த்தவர்களுக்கு, இணையதளம் அல்லது செல்லிடப்பேசி வாயிலாக வாக்காளர் அடையாள அட்டையை பதிவிறக்கம் செய்து பயன்படுத்தும் வசதியை அறிமுகம் செய்துள்ளது. அதனைப் பயன்படுத்தியும் வாக்காளர் அடையாள அட்டையை பதிவிறக்கம் செய்து கொள்ளலாம்.

அதற்கான வசதி இல்லாதவர்கள், தேர்தல் ஆணையம் அங்கீகரித்த சில ஆவணங்களைக் கொண்டும் வாக்களிக்கலாம்.

அவையாவன.. 
1. வாக்காளர் அடையாள அட்டை
2. ஆதார் அட்டை
3. மகாத்மா காந்தி தேசிய ஊரக வேலை வாய்ப்பு பணி அட்டை
4. வங்கி / அஞ்சலக கணக்குப் புத்தகம்
5. ஓட்டுநர் உரிமம்
6. மத்திய / மாநில அரசின் பணியாளர் அடையாள அட்டை
7. வருமான வரி நிரந்தர கணக்கு அட்டை (பான் அட்டை)
8. கடவுச் சீட்டு
9. ஓய்வூதிய ஆவணம்
10. ஸ்மார்ட் கார்ட் (தேசிய மக்கள் தொகை பதிவேட்டின் கீழ் இந்தியத் தலைமைப் பதிவாளரால் வழங்கப்பட்டது.
11. மருத்துவக் காப்பீட்டு ஸ்மார்ட் அட்டை
12. நாடாளுமன்ற / சட்டப்பேரவை உறுப்பினர்களது அலுவலக அடையாள அட்டை என இவற்றில் ஏதேனும் ஒன்றைக் காட்டி வாக்களிக்கலாம் என்று தேர்தல் ஆணையம் அனுமதி வழங்கியுள்ளது.

அதிமுக-தமாகா பேச்சுவார்த்தை தொடங்கி 10 நிமிடத்தில் முடிந்து விட்டது.....!

No comments
 

அதிமுக-தமாகா பேச்சுவார்த்தை தொடங்கி 10 நிமிடத்தில் முடிந்து விட்டது. சைக்கிள் சின்னத்தை மீட்க 12 தொகுதி வேண்டும் என்று கேட்டதாக தமாகா தரப்பில் தெரிவித்தனர்.

அதிமுக கூட்டணியில் பாமக மட்டுமே தொகுதியை இறுதி செய்த நிலையில் பாஜக, தேமுதிக இழுபறியில் உள்ளது. பாமகவை விட பாஜக அதிக தொகுதிகளை கேட்பதால் இழுபறி உள்ளது. பாஜக வாங்கிய அதே அளவு வாக்கு சதவீதம் பெற்றுள்ள நாங்கள் அதே அளவு தொகுதியை பெறாமல் ஓயமாட்டோம் என தேமுதிக தரப்பில் பிடிவாதம் பிடிக்க இழுபறி நீடிக்கிறது.

இந்நிலையில் நான்காவது முக்கிய கட்சியான தமாகாவுடன் இன்று பேச்சு வார்த்தை தொடங்கியது, தமாகா தரப்பில் நிர்வாகிகள் கோவைத்தங்கம், வெங்கடேசன் ஆகியோர் பங்கேற்றனர்.

அமைச்சர் எஸ்.பி.வேலுமணி இல்லத்தில் அமைச்சர்கள் வேலுமணி, தங்கமணியுடன் பேச்சு வார்த்தை நடத்தினர்.

இன்று நடந்த முதல்கட்ட பேச்சு வார்த்தையில் தமாகா சார்பில் நடந்த பேச்சு வார்த்தை 10 நிமிடங்கள் மட்டுமே நடந்த நிலையில் 12 தொகுதிகளை கேட்டதாகவும் முதல்வரிடம் பேசி நாளை பொதுச் செயலாளர் வாசனிடம் தெரிவிப்பதாக அதிமுக தரப்பில் தெரிவித்ததாக கூறினார்.

பின்னர் செய்தியாளர்களை சந்தித்த துணைச் செயலாளர் கோவைத்தங்கம் கூறியதாவது:

'எங்கள் கோரிக்கை 2001-ல் தலைவர் மூப்பனார் பெற்றுத்தந்த சைக்கிள் சின்னத்தை பெற 12 தொகுதிகள் எங்களுக்கு தேவைப்படுகிறது. 12 தொகுதிகள் கொடுத்தால் நன்றாக இருக்கும் என்று தெரிவித்தோம். சைக்கிள் சின்னம் கிடைத்தால் தமாகா வெற்றிப்பெற வசதியாக இருக்கும் என்று தெரிவித்தோம்.

உங்கள் கருத்தை முதல்வர், துணை முதல்வரிடம் தெரிவித்து வேண்டிய பதிலைப்பெற்று ஜி.கே.வாசனிடம் தெரிவிப்பதாக பதில் அளித்தார்கள். சைக்கிள் சின்னத்தை மீட்க எங்களுக்கு 12 தொகுதிகள் வேண்டும் அதை அவர்களிடம் தெரிவித்துவிட்டு வந்துள்ளோம்'.

இவ்வாறு அவர் தெரிவித்தார்.

கமல்ஹாசனை முதல்வர் வேட்பாளராக ஏற்று மூன்றாவது அணி உதயம்....!

No comments
 

கமல்ஹாசனை முதல்வர் வேட்பாளராக ஏற்று மக்கள் நீதி மய்யத்துடன் கூட்டணி அமைக்கிறது என சரத்குமார் அறிவித்துள்ளார்.

தூத்துக்குடியில் சமத்துவ மக்கள் கட்சி பொதுக்குழு கூட்டத்தில் பேசிய சரத்குமார், மக்கள் நீதி மய்யம், சமத்துவ மக்கள் கட்சி மற்றும் ஐ.ஜே.கே. கூட்டணி உறுதியானது. எங்கள் கூட்டணியில் முதல்வர் வேட்பாளர் கமல்ஹாசன் தான் என சரத்குமார் அறிவித்துள்ளார். மக்கள் நீதி மய்யத்துடன், சமத்துவ மக்கள் கட்சி கூட்டணி நேற்று இரவு உறுதி செய்யப்பட்டது.


மக்கள் விரும்பும் கூட்டணியாக எங்கள் கூட்டணி இருக்கும். கொள்கை ரீதியாக ஒன்று சேர்கிறோம். மக்களுக்காக சிந்திக்க வேண்டும்.

ஓட்டுக்காக சிந்திக்க கூடாது. சமத்துவம் இல்லையென்றால் நாடு வீணாய் போகும் எனத் தெரிவித்தார். கடந்த வாரம் கமலை சந்தித்து கூட்டணி குறித்து சரத்குமார் பேச்சுவார்த்தை நடத்திய நிலையில் தற்போது கூட்டணி உறுதியாகியுள்ளது என்பது குறிப்பிடத்தக்கது.

ராதிகா வேளச்சேரி தொகுதியில் போட்டி.... அதிரடி அறிவிப்பு

No comments
 

தமிழக சட்டமன்ற தேர்தல் ஏப்ரல் 6 ஆம் தேதி நடைபெற உள்ள நிலையில், அரசியல் கட்சிகள் தேர்தல் பணிகளில் தீவிரமாக ஈடுபட்டு வருகின்றனர். அந்த வகையில், அகில இந்திய சமத்துவ மக்கள் சட்சி, ஐஜேகே இணைந்து மாற்றத்திற்கான புதிய கூட்டணியை உருவாக்கின. இந்நிலையில் தூத்துக்குடியில் உள்ள திரவியபுரத்தில் அகில இந்திய சமத்துவ மக்கள் கட்சியின் 6வது பொதுக்குழு கூட்டம் நடைபெற்று வருகிறது. கூட்டத்திற்கு முன்னதாக கட்சி நிர்வாகிகளுக்கான தேர்தல் நடைபெற்றது. அதில் தலைவர் மற்றும் பொதுச் செயலாளராக சரத்குமார் மீண்டும் தேர்வு செய்யப்பட்டார். புதிதாக கட்சியில் தோற்றுவிக்கப்பட்ட முதன்மை துணைப் பொதுச் செயலாளராக ராதிகா சரத்குமார் தேர்வு செய்யப்பட்டார்.

பொருளாளராக A.N. சுந்தரேசன் மீண்டும் தேர்வு செய்யப்பட்டார். தேர்வு செய்யப்படவர்கள் பதவி பிரமாணம் ஏற்றுக் கொண்டனர். அதன் பின்னர் ராதிகா சரத்குமார் குத்து விளக்கேற்றி பொதுக்குழு கூட்டத்தை தொடங்கிவைத்தார். பொதுக்குழு கூட்டத்தில் பேசிய துணை பொதுச்செயலாளர் விவேகானந்தன், வரும் சட்டமன்ற தேர்தலில் சமத்துவ மக்கள் சார்பில் ராதிகா வேளச்சேரி தொகுதியில் போட்டியிட உள்ளதாக அறிவித்தார். கணவரின் சமத்துவ மக்கள் கட்சியில் இணைந்து தீவிர அரசியலில் ஈடுபட உள்ளதால் சின்னத்திரையிலிருந்து முற்றிலும் விலகிய ராதிகா, அக்கட்சியின் வேட்பாளராக அறிவிக்கப்பட்டுள்ளது தொண்டர்களை மகிழ்ச்சியில் ஆழ்த்தியுள்ளது. மற்றொருபுறம் கமலின் மக்கள் நீதி மய்யத்துடன் கூட்டணி அமைப்பது குறித்து சமத்துவ மக்கள் கட்சி பேச்சுவார்த்தை நடத்தி வருவது குறிப்பிடத்தக்கது.

அதிமுக-தேமுதிக இன்று மீண்டும் பேச்சுவார்த்தை

No comments

அதிமுக - தேமுதிக இடையேயான கூட்டணி பேச்சுவாா்த்தையில் தொடா்ந்து இழுபறி நீடித்து வந்த நிலையில், தொகுதி பங்கீடு தொடர்பாக சென்னையில் புதன்கிழமை அதிமுகவுடன் மீண்டும் தேமுதிக பேச்சுவார்த்தை நடத்துகிறது. 

சட்டப்பேரவைத் தோ்தலிலும் அதிமுக கூட்டணியில் இடம்பெறப் போவதாகவும் பேச்சுவாா்த்தையை உடனே தொடங்க வேண்டும் என்று தேமுதிக பொருளாளா் பிரேமலதா விஜயகாந்த் தொடா்ந்து வலியுறுத்தி வந்தாா்.

இந்நிலையில் தேமுதிகவுடன் தொகுதி பங்கீடு தொடர்பாக அதிமுக மூன்று கட்ட பேச்சுவார்த்தையில் பாமகவைப் போலவே தங்களுக்கும் அதிமுக கூட்டணியில் 23 தொகுதிகளும், ஒரு மாநிலங்களவை உறுப்பினா் பதவியும் தர வேண்டும் என்று தேமுதிக வலியுறுத்தியது. 12 முதல் 15 தொகுதிகள் வரையே ஒதுக்க முடியும் என அதிமுக தரப்பில் தெரிவிக்கப்பட்டது. இதனால், அதிமுக - தேமுதிக கூட்டணிப் பேச்சுவாா்த்தையில் இழுபறி நீடித்தது. 

இந்நிலையில், அதிமுக - தேமுதிக இடையே புதன்கிழமை நடைபெறும் 4 ஆம் கட்ட பேச்சுவார்த்தையில் தொகுதி பங்கீடு இறுதியாக வாய்ப்பு உள்ளதாக கூறப்படுகிறது. 

தேமுதிக தரப்பில் தமிழகத்தில் 5 மண்டலங்களில் 5 தொகுதிகள் என 25 தொகுதிகளின் பட்டியலை தேமுதிக கொடுத்துள்ளது. ஒவ்வொரு மண்டலத்திற்கும் குறைந்தது 3 தொகுதிகளை பெற்றுவிட வேண்டும் என்பதில் தேமுதிக உறுதியாக உள்ளது. 

விருத்தாசலம், விருதுநகர், ராதாபுரம், மேட்டூர், மயிலாதுறை, பண்ருட்டி, பேராவூரணி, ஆம்பூர், சேந்தமங்கலம், சேலம் வடக்கு, சோளிங்கர், தருமபுரி, திட்டக்குடி, மதுரை மத்தியம், ஆலந்தூர், விருகம்பாக்கம், எழும்பூர், அம்பத்தூர், ரிஷிவந்தியம், ஈரோடு கிழக்கு, சூலூர் தொகுதிகள் பட்டியலில் இடம்பெற்றுள்ளன. 

தூத்துக்குடியில் இன்று சமக பொதுக்குழுக் கூட்டம்.... 3-வது அணி தொடர்பான முக்கிய முடிவு

No comments
 

அகில இந்திய சமத்துவ மக்கள் கட்சியின் மாநில பொதுக்குழுக் கூட்டம் தூத்துக்குடியில் இன்று (மார்ச் 3) நடைபெறுகிறது. சரத்குமார் அதிமுக கூட்டணியில் இருந்து வெளியேறி மூன்றாவது அணிக்கு முயற்சி செய்து வரும்நிலையில், இக்கூட்டம் நடைபெறுவதால் அது தொடர்பாக முக்கிய முடிவுகள் எடுக்கப்படும் என எதிர்பார்க்கப்படுகிறது.

அகில இந்திய சமத்துவ மக்கள் கட்சியின் மாநில பொதுக்குழுக் கூட்டம் தூத்துக்குடியில் இன்று(மார்ச் 3) காலை 10 மணிக்கு நடைபெறுகிறது. இதற்காக தூத்துக்குடி அருகேயுள்ள மறவன்மடம் பகுதியில் பிரம்மாண்ட பந்தல் அமைக்கப்பட்டுள்ளது.

கட்சியின் தலைவர் ஆர்.சரத்குமார் தலைமை வகிக்கிறார். மகளிரணிச் செயலாளர் ராதிகா சரத்குமார் உள்ளிட்ட மாநில நிர்வாகிகள் கலந்து கொள்கின்றனர்.

கட்சியின் பொதுக்குழு உறுப்பினர்கள் 1,800 பேருக்கு இக்கூட்டத்தில் பங்கேற்க அழைப்பு விடுக்கப்பட்டுள்ளது.

நேற்று தூத்துக்குடி வந்த சரத்குமார் செய்தியாளர்களிடம் கூறியதாவது: அதிமுகவோடு 10 ஆண்டுகள் கூட்டணி வைத்திருந்தோம். இதனால், எந்த தேர்தலையும் முழுமையாக சந்திக்க முடியாமல் போய்விட்டது. எங்களுடைய வாக்கு சதவீதம் என்ன என்பதே தெரியாமல் போய்விட்டது. எனவே, இந்த முறை சீட்டுக்காக யாரிடமும் நிற்கவேண்டாம். தனி சின்னத்தில் போட்டியிட வேண்டும் என கட்சி நிர்வாகிகள், தொண்டர்கள் கூறியதன் அடிப்படையில் அதை நோக்கி பயணித்து வருகிறோம்.

நாங்கள் அமைப்பது மூன்றாவது அணி அல்ல, பிரதான அணி. தமிழகத்தில் திராவிட கட்சிகள் அல்லாமல், மாற்று கட்சிகள் ஆட்சிக்கு வரவேண்டும் என்பதே எங்கள் நோக்கம். இந்த பிரதான அணியை அமைக்க தொடர்ந்து முயற்சி எடுத்து வருகிறோம். இப்போதைய நிலையில் விஜயகாந்த் எங்கள் அணிக்கு வருவதற்கு வாய்ப்பு இல்லை.

பெட்ரோல், டீசல் விலை உயர்வு இந்த சட்டப்பேரவை தேர்தலில் நிச்சயம் எதிரொலிக்கும். இந்த விவகாரம் உள்ளிட்ட பிரச்சினைகள் தொடர்பாக பொதுக்குழுவில் தீர்மானம் நிறைவேற்றப்படும். ராதிகாஉட்பட கட்சி நிர்வாகிகள் யார்,யார் எந்த தொகுதியில் போட்டியிடுவது என்பது குறித்தும் முடிவு செய்யப்படும் என்றார் அவர்.

திராவிட கட்சிகளுக்கு மாற்றாக, மூன்றாவது அணியை அமைக்க சரத்குமார் முயற்சி மேற்கொண்டு வருகிறார். இது தொடர்பாக சசிகலா, கமல்ஹாசன் உள்ளிட்டோரை அவர் சந்தித்து பேசியுள்ளார். இந்நிலையில் சமகமாநில பொதுக்குழுக் கூட்டம் நடைபெறுவதால், 3-வது அணி தொடர்பான முக்கிய முடிவுகள் எடுக்கப்படும் என எதிர்பார்க்கப்படுகிறது.

அதிமுகவில் இனி இவர்களுக்கெல்லாம் சீட் இல்லை..... அதிர்ச்சியில் அமைச்சர்கள்..‌‌.!

No comments
 

நடைபெறவுள்ள சட்டமன்ற தேர்தலுக்காக தமிழகத்தின் பிரதான கட்சிகளான அதிமுகவும் திமுகவும் தீவிரமாக செயல்பட்டு வருகின்றன.ஏறக்குறைய அதிமுகவில் கூட்டணி கட்சிகளுடனான தொகுதி பங்கீடு ஆரம்பித்து முடியும் தருவாயில் உள்ளது.பாஜக மற்றும் தேமுதிக கட்சிகளுடனான பேச்சு வார்த்தை இழுபறியாக சென்று கொண்டிருக்கும் நிலையில் அதிமுக தலைமை தங்களது கட்சியில் போட்டியிடும் வேட்பாளர் தேர்வில் கவனம் செலுத்தி வருவதாக கூறப்படுகிறது.

இந்த வேட்பாளர் தேர்வில் தான் அதிமுக நிர்வாகிகளுக்கு அதிமுக தலைமை அதிர்ச்சி வைத்தியத்தை கொடுத்துள்ளது.வழக்கமாக மூத்த நிர்வாகிகள் பெரும்பாலோனோர் தங்களுக்கு அடுத்த அவர்களின் வாரிசை அரசியலில் களமிறக்குவது வழக்கமானது தான்.கடந்த மக்களவை தேர்தலில் துணை முதல்வர் ஓபிஎஸ் மகன் ரவீந்தரநாத்,அமைச்சர் ஜெயக்குமார் மகன் ஜெயவர்த்தன் மற்றும் மதுரையை சேர்ந்த எம்எல்ஏ ராஜன் செல்லப்பா அவர்களின் மகன் ராஜ்சத்யன் உள்ளிட்டோர் களமிறங்கினர்.இதில் ரவீந்தரநாத் மட்டும் வெற்றி பெற்றார் என்பது குறிப்பிடத்தக்கது.

இதே போல தற்போது நடைபெறவுள்ள சட்டமன்ற தேர்தலிலும் தங்களது வாரிசுகளை களமிறக்க பல மூத்த நிர்வாகிகள் முயற்சி செய்து வருகின்றனர்.அதே போல கடந்த மக்களவை தேர்தலில் போட்டியிட்டு தோல்வியடைந்த அந்த இருவருக்கும் மீண்டும் வாய்ப்பு கேட்டுள்ளனர்.மேலும் துணை முதல்வர் ஓ.பன்னீர்செல்வத்தின் இரண்டாவது மகன் ஜெயபிரதீப்,துணை ஒருங்கிணைப்பாளர் கே.பி.முனுசாமி,திருச்சி வெல்லமண்டி நடராஜன் மற்றும் திண்டுக்கல் சீனிவாசன் அமைச்சர்களின் வாரிசுகளுக்கும் வாய்ப்பு கேட்டு குடைச்சல் தருவதாக தகவல்கள் தெரிவிக்கின்றன.

இதனால் கோபமடைந்த அதிமுக தலைமை இனி வாரிசுகள் யாருக்கும் சீட் இல்லை என்றும்,அப்படி அவர்களுக்கு சீட் கொடுத்தால் உங்களுக்கு சீட் இல்லை என்றும் சீனியர் நிர்வாகிகளிடம் கறாராக தெரிவித்து விட்டதாம்.எப்படியாவது தங்களுக்கு பிறகு வாரிசை அரசியலில் நுழைத்து விடலாம் என்று காத்திருந்த அனைத்து சீனியர் நிர்வாகிகள் மற்றும் அமைச்சர்களுக்கும் இது பெரும் அதிர்ச்சியை ஏற்படுத்தியுள்ளதாக கூறப்படுகிறது.

கூட்டணியின் வெற்றிக்காக உழைக்க வேண்டும்.... வெற்றியை உறுதி செய்ய வேண்டும்.... ராமதாஸ்

No comments
 

அதிமுகவை ஆட்சியில் அமர்த்த, பாட்டாளிகளின் கோட்டையான 121 தொகுதிகளில் தீவிரமாக களப்பணி ஆற்ற வேண்டும் என்று தொண்டர்களுக்கு பாமக நிறுவனர் ராமதாஸ் வேண்டுகோள் விடுத்துள்ளார்.

இதுதொடர்பாக அவர் நேற்று வெளியிட்ட அறிக்கை:

வன்னியர்களின் வாழ்க்கைத் தரத்தை உயர்த்துவதற்காக கடந்த40 ஆண்டுகளுக்கும் மேலாக போராடி வருகிறேன் என்றாலும்கூட, அந்த இடஒதுக்கீட்டை தற்போது வழங்கியுள்ளது முதல்வர் பழனிசாமி தலைமையிலான அதிமுக அரசுதான். நமது சமுதாயத்தின் முன்னேற்றத்துக்கு 10.5 சதவீத இடப்பங்கீட்டின் மூலம் அடித்தளம் அமைத்துள்ள அதிமுகவுக்கு நாம் என்ன நன்றிக்கடன் செலுத்தப் போகிறோம். அதிமுகவை மீண்டும் ஆட்சியில் அமர்த்துவதுதான் அந்தக் கட்சிக்கு பாட்டாளி சொந்தங்கள் செலுத்தும் நன்றிக் கடனாக இருக்கும்.

சென்னையில் தொடங்கி வடதமிழகத்தின் அனைத்து தொகுதிகள், மேற்கு தமிழகத்தின் அனைத்துதொகுதிகள், காவிரி பாசன மாவட்டங்களின் பெரும்பான்மையான தொகுதிகள் என தமிழகத்தில் 121 தொகுதிகளில் வெற்றியைத் தீர்மானிக்கும் இடத்தில் இருப்பவர்கள் பாட்டாளிகள்தான். வீடு வீடாக, கிராமம் கிராமமாக, ஒன்றியம் ஒன்றியமாக, தொகுதி தொகுதியாகச் சென்று அதிமுக கூட்டணி வேட்பாளர்களுக்காக இன்று முதலே பாமகவினர் திண்ணைப் பிரச்சாரம் செய்ய வேண்டும்.

கடுமையான நெருக்கடிகளுக்கு இடையிலும் அதிமுக இட ஒதுக்கீடு அளித்தது குறித்தும், அதை பொறுத்துக்கொள்ள முடியாமல், நீதிமன்றத்தில் வழக்கு தொடர்ந்து 10.5 சதவீத இடப்பங்கீட்டை ஒழித்துக்கட்ட திமுகவும், அதன் தலைமை குடும்பத்தினரும் சதி செய்வது குறித்தும் மக்களிடம் எடுத்துக் கூறி விழிப்புணர்வை ஏற்படுத்த வேண்டும். அமைதியான முறையில் இருசக்கர வாகனப் பேரணி நடத்தி, அதன்மூலமாகவும் பிரச்சாரம் செய்யலாம்.

நமது கோட்டையாக திகழும் 121 தொகுதிகளில் நமது முயற்சியால், உழைப்பால், பங்களிப்பால் அதிமுக தலைமையிலான கூட்டணிவேட்பாளர்கள் வெற்றி பெறவேண்டும். இந்த 121 தொகுதிகளிலும் அதிமுக சார்பில் எந்தக் கட்சிவேண்டுமானாலும் போட்டியிடலாம். யார் வேண்டுமானாலும் வேட்பாளராக களமிறக்கப்படலாம். அதைப்பற்றி பாமகவினர் கவலைப்படத் தேவையில்லை. அவர்கள் இன்று முதலே களத்தில் இறங்கி அதிமுக தலைமையிலான கூட்டணியின் வெற்றிக்காக உழைக்க வேண்டும். வெற்றியை உறுதி செய்ய வேண்டும். இவ்வாறு ராமதாஸ் தெரிவித்துள்ளார்.

12 தொகுதியில் போட்டியிட்டால்தான் தனிசின்னம்..... 8-ல் வென்றாலே அங்கீகாரம்.....

No comments
 

கட்சிக்கு அங்கீகாரம் கிடைக்க 8 தொகுதிகளல் வெற்றி பெற்றாலே போதும் என்று மதிமுக பொதுச்செயலளார் வைகோ தெரிவித்துள்ளார்.

தமிழக சட்டமன்ற தேர்தல் வாக்குப்பதிவு ஏப்ரல் 6-ம் தேதி நடைபெற உள்ள நிலையில் கூட்டணி கட்சிகளுடன் தொகுதிடு பங்கீடு குறித்து திமுக, அதிமுக தீவிரமாக பேச்சுவார்த்தை நடத்தி வருகிறது. திமுக கூட்டணியில் அங்கம் வகிக்கும் இந்திய யூனியன் முஸ்லீம் கட்சிக்கு 3 தொகுதிகளும், மனிதநேய மக்கள் கட்சிக்கு 2 தொகுதிகளும் ஒதுக்கப்பட்டுள்ளன. மற்ற கூட்டணி கட்சிகளுடன் திமுக பேச்சுவார்த்தை நடத்தி வருகிறது.

திமுக வரும் வெள்ளிக்கிழமைக்குள் அனைத்து கூட்டணி கட்சிகளுடன் தொகுதி பங்கீடை முடிவு செய்ய திட்டமிட்டுள்ளது.

இதனால் திமுக தொகுதி பங்கீடு குழு தீவிரமாக செயலில் ஈடுபட்டுள்ளது. சட்டமன்ற தேர்தலில் திமுக அதிக இடங்களில் போட்டியிட முனைப்பு காட்டி வருவதால் கூட்டணி கட்சிகளுக்கு குறைந்த தொகுதிகளியே ஒதுக்கி வருகிறது.

இந்நிலையில் திமுக நிர்வாகிகளுடனான சந்திப்புக்கு பின்னர் செய்தியாளர்களிடம் பேசிய மதிமுக பொதுச்செயலாளர் வைகோ, தனிச்சின்னத்தில் தான் போட்டியிடுவோம் என்று மீண்டும் உறுதிபட தெரிவித்தார். 8 தொகுதியில் வென்றாலே கட்சிக்கு அங்கீகாரம் கிடைக்குமெனவும் பேட்டியின்போது வைகோ குறிப்பிட்டார்.

12 தொகுதியில் போட்டியிட்டால்தான் தனிசின்னம், கட்சிக்கு அங்கீகாரம் கிடைக்கும் என்பதால் 12 தொகுதி எதிர்பார்க்கிறீர்களா என்ற கேள்விக்கு, 8-ல் வென்றாலே அங்கீகாரம் கிட்டும் என வைகோ பதில் கூறியுள்ளார். இதனால் மதிமுக-விற்கு 10-க்கும் கீழ் தான் தொகுதிகள் ஒதுக்கப்பட உள்ளதாக தகவல் வெளியாகி உள்ளது.

அமமுகவை இரட்டை இலை சின்னத்தில் போட்டியிட வைக்க வேண்டும்.... அதிரடி உத்தரவு

No comments
 

தமிழக சட்டப்பேரவைத் தேர்தல் ஏப்ரல் 6-ம் தேதி நடைபெறும் என தலைமை தேர்தல் ஆணையம் அறிவித்துள்ளது. இதனால் தமிழக தேர்தல் களம் சூடு பிடித்துள்ளது. தேர்தல் தேதி வெளியானதால் அரசியல் கட்சி தொகுதி பங்கீடு, கூட்டணி பேச்சுவார்த்தையில் வேகமாக ஈடுபட்டுள்ளன. அதிமுக கூட்டணியில் பாமக போட்டியிடுவது உறுதியாகியுள்ளது. இதற்காக பாமகவிற்கு 23 சட்டமன்ற தொகுதிகள் ஒதுக்கப்பட்டு, ஒப்பந்தமும் கையெழுத்தானது. பாமகவைப் போல் தங்களுக்கும் 23 தொகுதிகளை ஒதுக்க வேண்டும் என அடம்பிடிப்பதால் தேமுதிக - அதிமுக இடையே இழுபறி நீடித்து வருகிறது. ​கடந்த ஞாயிற்றுக்கிழமை அன்று சென்னை வந்த மத்திய உள்துறை அமைச்சர் அமித்ஷாவை, முதல்வர் இ.பி.எஸ்., துணை முதல்வர் ஓ.பி.எஸ்., ஆகியோர் நட்சத்திர ஓட்டலில் சந்தித்து பேசினர்.

இரவு 10:00 மணிக்கு துவங்கிய சந்திப்பு, நள்ளிரவு 1:00 மணிக்கு நிறைவடைந்தது. அப்போது, பா.ஜ.க, தரப்பில் 40 தொகுதிகள் கேட்கப்பட்டுள்ளது. அ.தி.மு.க., தரப்பில் 18 தொகுதிகள் தருவதாக கூறப்பட்டு, பின் 20 ஆக உயர்த்தி உள்ளனர். தொகுதி எண்ணிக்கையில் உடன்பாடு ஏற்பட்ட போதும் எந்தெந்த தொகுதிகளை ஒதுக்குவது என்பதில் கடும் சிக்கல் ஏற்பட்டுள்ளது.கொங்கு மண்டலத்திலும், தென் மாவட்டங்களிலும், அ.தி.மு.க.,விற்கு அதிக வெற்றி வாய்ப்புள்ள தொகுதிகளை, பா.ஜ., கேட்டதாக கூறப்படுகிறது.

இதில், இழுபறி ஏற்பட்டுள்ளது. மேலும், கூட்டணியில், அ.ம.மு.க.,வை சேர்க்க, அமித்ஷா வலியுறுத்தியதாகவும், தகவல் வெளியானது. ​ அமமுகவை அதிமுகவுடன் இணைக்காவிட்டாலும் பரவாயில்லை அவர்களை கூட்டணியிலாவது இணைத்து இரட்டை இலை சின்னத்தில் போட்டியிட வைக்க வேண்டும் என சொல்லிவிட்டாராம். இதற்கு எடப்பாடியார் சற்றும் பிடிகொடுக்கவில்லையாம். அதனால் டெல்லி சென்ற அமித் ஷா தமிழக தலைவர்களிடம், அதிமுக தொகுதி பங்கீடு குறித்த பேச்சுவார்த்தைக்கு அழைத்தால் அமமுக நிலைப்பாடு பற்றி கேளுங்கள். மார்ச் 5 வரை அவர்களுக்கு அவகாசம், அதன் பிறகே பாஜக என்ன முடிவு எடுக்கும் என்பது குறித்து தெரிவிக்கப்படும் என கூறியுள்ளாராம். இதுகுறித்து முக்கிய நிர்வாகிகளுடன் எடப்பாடி பழனிசாமி தீவிர ஆலோசனை நடத்தி வருவதாகவும் தகவல்கள் வெளியாகியுள்ளன.

திராவிட கட்சிகள் அல்லாமல் வேறு கட்சிகள் ஆட்சிக்கு வரவேண்டும்....

No comments

Tuesday, 2 March 2021

 

தமிழகத்தில் திராவிட கட்சிகள் அல்லாமல் வேறு கட்சிகள் ஆட்சிக்கு வரவேண்டும் என சமக தலைவர் சரத்குமார் தெரிவித்தார்.

அகில இந்திய சமத்துவ மக்கள் கட்சியின் மாநில பொதுக்குழுக் கூட்டம் தூத்துக்குடியில் நாளை (மார்ச் 3) நடைபெறுகிறது. சரத்குமார் அதிமுக கூட்டணியில் இருந்து வெளியேறி மூன்றாவது அணிக்கு முயற்சி செய்து வரும் நிலையில் இந்தக் கூட்டம் நடைபெறுவதால் அது தொடர்பாக முக்கிய முடிவுகள் எடுக்கப்படும் என எதிர்பார்க்கப்படுகிறது.

தமிழக சட்டப்பேரவைத் தேர்தல் அறிவிக்கப்பட்டு, அரசியல் கட்சிகள் அனைத்தும் கூட்டணிப் பேச்சுவார்த்தையில் தீவிரம் காட்டி வரும் நிலையில் அகில இந்திய சமத்துவ மக்கள் கட்சியின் மாநில பொதுக்குழுக் கூட்டம் தூத்துக்குடியில் நாளை (மார்ச் 3) காலை 10 மணிக்கு நடைபெறுகிறது.

இதற்காக தூத்துக்குடி அருகேயுள்ள மறவன்மடம் பகுதியில் பிரம்மாண்ட பந்தல் போடப்பட்டுள்ளது.

கட்சியின் தலைவர் ஆர்.சரத்குமார் தலைமையில் நடைபெறும் இந்த பொதுக்குழுக் கூட்டத்தில், மகளிரணி செயலாளர் ராதிகா சரத்குமார் உள்ளிட்ட மாநில நிர்வாகிகள் அனைவரும் கலந்து கொள்கின்றனர். மேலும், கட்சியின் பொதுக்குழு உறுப்பினர்கள் 1800 பேருக்கு இக்கூட்டத்தில் பங்கேற்க அழைப்பு விடுக்கப்பட்டுள்ளது.

இந்த பொதுக்குழு கூட்டத்தில் பங்கேற்பதற்காக சரத்குமார், ராதிகா சரத்குமார் ஆகியோர் இன்று பிற்பகல் விமானம் மூலம் தூத்துக்குடி வந்தனர். தொடர்ந்து பொதுக்குழுக் கூட்டம் நடைபெறும் இடத்தை பார்வையிட்டு ஆய்வு செய்தனர்.

பின்னர் சரத்குமார் செய்தியாளர்களிடம் கூறியதாவது:

கட்சியின் பொதுக்குழுக் கூட்டத்தில் பல்வேறு முடிவுகள் எடுக்கப்படவுள்ளன. கட்சி எதை நோக்கி பயணிக்க வேண்டும் என்பது தொடர்பாக இந்த கூட்டத்தில் முடிவெடுக்கப்படும். ஏற்கனவே சில அரசியல் முடிவுகளை எடுத்துள்ளோம். அதில் உள்ள முன்னேற்றம் குறித்து கூட்டத்தில் விவாதிக்கப்படும்.

அதிமுகவோடு 10 ஆண்டுகள் கூட்டணி வைத்திருந்தோம். இதனால் எந்த தேர்தலையும் முழுமையாக சந்திக்க முடியாமல் போய்விட்டது. எங்களுடைய வாக்கு சதவீதம் என்ன என்பதே தெரியாமல் போய்விட்டது. எனவே, இந்த முறை சீட்டுக்காக யாரிடமும் நிற்க வேண்டாம். தனி சின்னத்தில் போட்டியிட வேண்டும் என கட்சி நிர்வாகிகள், தொண்டர்கள் கூறியதன் அடிப்படையில் அதை நோக்கி பயணித்து வருகிறோம்.

நாங்கள் உருவாக்கும் பிரதான அணி வெற்றி பெறலாம். தமிழகத்தில் திராவிட கட்சிகள் அல்லாமல், வேறு கட்சிகள் ஆட்சிக்கு வரவேண்டும். அதுவே எங்கள் பிரதான கூட்டணி ஆட்சி அமைக்கும் நிலை வரலாம். நாங்கள் அமைப்பது மூன்றாவது அணி அல்ல, பிரதான அணி. இந்த பிரதான அணியை அமைக்க தொடர்ந்து முயற்சி எடுத்து வருகிறோம். இப்போதைய நிலையில் விஜயகாந்த் எங்கள் அணிக்கு வருவதற்கு வாய்ப்பு இல்லை.

பெட்ரோல், டீசல் விலை உயர்வு இந்த சட்டப்பேரவைத் தேர்தலில் நிச்சயம் எதிரொலிக்கும். இந்த விவகாரம் உள்ளிட்ட பிரச்சினைகள் தொடர்பாக பொதுக்குழுவில் தீர்மானம் நிறைவேற்றப்படும். ராதிகா உள்பட கட்சி நிர்வாகிகள் யார், யார் எந்த தொகுதியில் போட்டியிடுவது என்பது குறித்தும் முடிவு செய்யப்படும் என்றார் அவர்.

கடந்த சட்டப்பேரவைத் தேர்தலில் அதிமுக கூட்டணியில் இடம் பெற்றிருந்த சரத்குமார் தற்போது அந்தக் கூட்டணியில் இருந்து வெளியேறியுள்ளார். மேலும், மூன்றாவது அணியை அமைக்க முயற்சி மேற்கொண்டு வருகிறார். இது தொடர்பாக சசிகலா, கமல்ஹாசன் உள்ளிட்டோரை அவர் சந்தித்து பேசியுள்ளார்.

இந்நிலையில் அகில இந்திய சமத்துவ மக்கள் கட்சியின் மாநில பொதுக்குழுக் கூட்டம் நடைபெறுவதால், கட்சியின் நிலைப்பாடு தொடர்பாக முக்கிய முடிவுகள் எடுக்கப்படும் என எதிர்பார்க்கப்படுகிறது.

கொரோனா தடுப்பூசி போட்ட மோடி... நேற்று மட்டும் 34 லட்சம் பேர்பதிவு....

No comments
 

இன்று காலை வரை கொரோனா தடுப்பூசி இயக்கத்தை நிர்வகிக்கும் கோவின் போர்ட்டலில் கொரோனா தடுப்பூசிகளைப் பெற 40 லட்சத்துக்கும் மேற்பட்டோர் தங்களை பதிவு செய்துள்ளதாக மத்திய சுகாதார அமைச்சர் டாக்டர் ஹர்ஷ் வர்தன் இன்று செய்தியாளர்களிடம் தெரிவித்தார்.

“நேற்று மட்டும் 34 லட்சம் பேர்பதிவுசெய்துள்ளார்கள். கடைசியாக நான் இன்று காலையில் சோதனை செய்தபோது, 5 லட்சத்துக்கும் மேற்பட்டோர் புதிதாக தங்களை போர்ட்டலில் பதிவு செய்துள்ளனர்” என்று அவர் தெரிவித்தார்.

இருப்பினும், உண்மையான பதிவு எண்ணிக்கை அதிகமாக இருக்கலாம் என்று சுகாதார அமைச்சர் கூறினார். “ஒரு எண்ணிலிருந்து, ஒரு நபர் நான்கு பயனாளிகளைப் பதிவு செய்யலாம் என்பது உங்களுக்குத் தெரியும்.

நாங்கள் அதை இரண்டாகக் குறைத்தாலும், உண்மையான பதிவின் எண்ணிக்கை 70 லட்சத்தைத் தாண்டியிருக்கலாம்.” என்று அவர் யூகிப்பதாகத் தெரிவித்தார்.

டெல்லி இதயம் மற்றும் நுரையீரல் இன்ஸ்டிடியூட்டில் தனக்கு தடுப்பூசியை போட்டுக்கொண்ட பின்னர் ஊடகங்களுடன் உரையாடிய அவர் இந்த தகவலை வெளியிட்டார். அவர் தனது மனைவியுடன் வந்து இருவரும் தடுப்பூசி போட்டுக்கொண்டது குறிப்பிடத்தக்கது.

சுகாதார அமைச்சர் மற்றும் அவரது மனைவி என இருவரும் தடுப்பூசி போட்டுக்கொள்ள தனியார் மருத்துவமனையைத் தேர்ந்தெடுத்தனர். அங்கு அவர்கள் பெற்ற தடுப்பூசிக்கு தலா ரூ 250 செலுத்தினர். தடுப்பூசியின் செலவுகளைச் சமாளிக்கும் திறன் கொண்ட ஒரு நபர் ஒரு தனியார் மருத்துவமனையில் தடுப்பூசி போட வேண்டும் என்பதை மீண்டும் வலியுறுத்தினார்.

“தடுப்பூசியை வாங்கக்கூடியவர்கள், வீட்டிற்கு அருகிலுள்ள தனியார் மருத்துவமனையிலிருந்து அதைப் பெற வேண்டும் என்று நான் அனைவரிடமும் முறையிட விரும்புகிறேன்.” என்று அவர் கூறினார்.

மாநகராட்சி தேர்தல்களைப் போல குஜராத் உள்ளாட்சி தேர்தலிலும் பாஜக அமோக வெற்றி

No comments
 

மாநகராட்சி தேர்தல்களைப் போல குஜராத் உள்ளாட்சி தேர்தலிலும் பாஜக அமோக வெற்றி பெற்றுள்ளது.

அண்மையில் குஜராத் மாநகராட்சி தேர்தல்களில் பாஜக மிகப் பெரும்பாலான இடங்க்ளை கைப்பற்றி சாதனை படைத்தது. காங்கிரஸ் கட்சி 2-வது இடத்திலும் சில இடங்களில் ஆம் ஆத்மி கட்சியும் வென்றன.

இந்த நிலையில் குஜராத்தின் இதர உள்ளாட்சி அமைப்புகளுக்கான தேர்தலில் பதிவான வாக்குகள் இன்று எண்ணப்பட்டன. 980 மாவட்ட பஞ்சாயத்து இடங்களில் 403-ல் பாஜக வென்றுள்ளது; காங்கிரஸ் 75; ஆம் ஆத்மி 13 இடங்களில் வெற்றி பெற்றுள்ளன.

இதே போல் வட்டார பஞ்சாயத்துகளில் 1620 இடங்களில் பாஜக வென்றுள்ளது; காங்கிரஸ் 368 இடங்களிலும் வெற்றி பெற்றுள்ளது.


நகராட்சிகளில் பாஜக 1,395 இடங்களில்; காங்கிரஸ் 365 இடங்களில் வென்றுள்ளது.

குஜராத் உள்ளாட்சி தேர்தலில் ஆம் ஆத்மி கட்சி முதல் முறையாக களம் இறங்கியிருக்கிறது என்பது குறிப்பிடத்தக்க்கது.

அமித்ஷா உளவுத்துறை மூலமாக எடுத்த சர்வே.... எடப்பாடியாருக்கு கொடுத்த தகவல் ‌‌‌‌

1 comment
 

தென் மாவட்டங்களில் அதிமுக - பாஜக கூட்டணி மிகவும் வீக் ஆக இருப்பதாக உளவுத்துறை கொடுத்த அறிக்கையை வைத்து முதலமைச்சர் எடப்பாடி பழனிசாமியிடம் சுமார் ஒரு மணி நேரத்திற்கு மேலாக உள்துறை அமைச்சர் அமித் ஷா ஆலோசனை நடத்திய நிலையில் மறுநாள் ஓபிஎஸ் மற்றும் மூத்த அமைச்சர்களை அவசரமாக அழைத்து பேசியுள்ளார் இபிஎஸ். சென்னை ராயப்பேட்டையில் உள்ள அதிமுக தலைமை அலுவலகத்திற்கு நேற்று திடீரென முதலமைச்சர் எடப்பாடி பழனிசாமி வருகை தந்தார். அவர் வருவதற்கு முன்னரே துணை முதலமைச்சர் ஓபிஎஸ் அங்கு வந்து காத்திருந்தார். இதே போல் மற்ற அமைச்சர்கள் மற்றும் அதிமுக முக்கிய நிர்வாகிகளும் அதிமுக தலைமை அலுவலகத்தில் கூடியிருந்தனர். திடீரென அதிமுக தலைமை அலுவலகத்திற்கு முக்கிய நிர்வாகிகள் அனைவரும் திரண்டதால் அங்கு பரபரப்பான சூழல் காணப்பட்டது.

எதற்காக அவர்கள் இங்கு வந்துள்ளனர் என பத்திரிகையாளர்கள் தொடங்கி தொண்டர்கள் வரை பலரும் தெரியாமல் குழப்பத்தில் இருந்தனர். சுமார் ஒரு மணி நேரம் பூட்டிய அறைக்குள் முதலமைச்சர் எடப்பாடி பழனிசாமி ஆலோசனை நடத்தியுள்ளார். இந்த ஆலோசனையில் ஓபிஎஸ், எஸ்பி வேலுமணி, தங்கமணி, சி.வி.சண்முகம் உள்ளிட்ட அமைச்சர்கள் மற்றும் கே.பி.முனுசாமி, வைத்திலிங்கம் போன்ற அதிமுக நிர்வாகிகள் மட்டுமே இருந்தனர். துவக்கத்தில் தேமுதிக கூட்டணி தொடர்பாக ஆலோசனை நடைபெறுவதாக தகவல் வெளியானது.

ஆனால் தேமுதிக கூட்டணிக்காக இப்படி எடப்பாடி பழனிசாமி ரகசியமாக ஆலோசனை நடத்த வேண்டிய அவசியம் இல்லை என்று மூத்த அதிமுக நிர்வாகிகள் கூறிச் சென்றனர். பிறகு தான் முதல் நாள் இரவு உள்துறை அமைச்சர் அமித் ஷாவுடன் நடைபெற்ற ஆலோசனையின் தொடர்ச்சியாக அதிமுக நிர்வாகிகளுடன் முதலமைச்சர் எடப்பாடி பழனிசாமி ஆலோசனை நடத்தியிருப்பது தெரியவந்தது. ஒரு மணி நேர ஆலோசனை முடிந்து அமைச்சர்கள், அதிமுக நிர்வாகிகள் தலைமை அலுவலகத்தில் இருந்து புறப்பட்டனர். அதன் பிறகு கூட்டத்தில் பங்கேற்ற அமைச்சர் ஒருவர் பத்திரிகையாளரிடம் ரகசியமாக பேசினார்.

அப்போது அமித் ஷா தமிழகத்தில் உளவுத்துறை மூலமாக எடுத்துள்ள சர்வே குறித்து முதலமைச்சரிடம் பேசியிருந்ததாகவும் அது குறித்து முதலமைச்சர் தங்களிடம் பேசியதாகவும் எடுத்துக்கூறியுள்ளார். அமித் ஷா காட்டிய அறிக்கையில் தெற்கே சுமார் 9 மாவட்டங்களில் அதிமுக - பாஜக கூட்டணி மிகவும் பலவீனமாக உள்ளதாக கூறப்பட்டிருந்ததாகவும் அதனை சரி செய்ய சசிகலா, தினகரன் போன்றோர் அவசியம் என்று அமித் ஷா முதலமைச்சர் எடப்பாடி பழனிசாமியிடம் தெரிவித்ததாகவும் அந்த அமைச்சர் பத்திரிகையாளர்களிடம் கூறியுள்ளார். ஆனால் சசிகலா, தினகரனை சேர்த்துக் கொள்வது இத்தனை நாள் தாங்கள் செய்து வைத்துள்ள தேர்தல் ஏற்பாட்டில் பாதிப்பை ஏற்படுத்தும் என்றும் தென் மாவட்டங்களில் சசிகலாவால் ஏற்படும் பாதிப்புகளை சரி செய்ய முக்குலத்தோர் சமுதாய சங்கங்களை பயன்படுத்தலாம் என்று எடப்பாடி அமித் ஷாவிடம் கூறியதாகவும் சொல்லப்பட்டது. ஆனால் எடப்பாடி கூறியதை அமித் ஷா ஏற்கவில்லை என்றும் சசிகலா விவகாரத்தில் நல்ல முடிவு எடுக்குமாறு அமித் ஷா கூறிச் சென்றுள்ளதாகவும் அது குறித்தே தாங்கள் ஆலோசித்ததாகவும் அந்த அமைச்சர் கூறியுள்ளார். அதே சமயம் எடப்பாடி பழனிசாமி, எஸ்.பி.வேலுமணி, தங்கமணி, சி.வி.சண்முகம் என அமைச்சர்கள் ஒரே குரலில் இந்த விவகாரத்தில் சசிகலாவுக்கு எதிராக உள்ளதாகவும், சசிகலா உள்ளிட்ட யாரையும் மறுபடியும் சேர்க்கும் பேச்சுக்கே இடமில்லை என்று முடிவெடுத்துள்ளதாகவும் அந்த அமைச்சர் கூறிச் சென்றுள்ளார்.

மதிமுகவும் தனி சின்னத்தில் போட்டி.... திட்டவட்டம்

No comments
 

தமிழக சட்டப்பேரவைக்கு ஏப்ரல் 6 அன்று தேர்தல் அறிவிக்கப்பட்டுள்ள நிலையில், திமுக, அதிமுகவில் கூட்டணி பேச்சுவார்த்தைகள் சூடுபிடித்துள்ளன. திமுக கூட்டணியில் காங்கிரஸ், மதிமுக, சிபிஎம், சிபிஐ, விசிக உள்ளிட்ட கட்சிகளுடன் திமுக பேச்சுவார்த்தை நடத்திவருகிறது. இந்தியன் யூனியன் முஸ்லீம் லீக், மனிதநேய மக்கள் கட்சியுடன் தொகுதி பங்கீடு நிறைவடைந்துள்ள நிலையில், மதிமுகவுடன் முதல் கட்ட பேச்சுவார்த்தையை திமுக நடத்தி முடித்துள்ளது. சென்னை அண்ணா அறிவாலயத்தில் மதிமுக குழுவினர் பேச்சுவார்த்தை நடத்திய பிறகு, மதிமுக துணை பொதுச்செயலாளர் மல்லை சத்யா செய்தியாளர்களிடம் பேசினார். அப்போது அவர் கூறுகையில், "திமுக, மதிமுக இடையே கூட்டணிப் பேச்சுவார்த்தை சுமூகமாக நடைபெற்று வருகிறது.

அந்தப் பேச்சுவார்த்தை தொடர்ந்து நடைபெறும். சட்டபேரவைத் தேர்தலில் மதிமுக தனி சின்னத்திலேயே போட்டியிடும்" என்று மல்லை சத்யா தெரிவித்தார். அகில இந்திய யூனியன் முஸ்லீம் லீக் கட்சி கட்சி திமுக கூட்டணியில் 3 தொகுதியில் போட்டியிடும் சூழலில், அக்கட்சி தனி சின்னத்தில் போட்டியிடும் என்று அறிவித்துள்ளது. இந்நிலையில் மதிமுகவும் தனி சின்னத்தில் போட்டியிடும் என்று அறிவித்துள்ளது.

திமுக எம்பி மத்திய உள்துறை அமைச்சர் அமித்ஷாவையும் சந்தித்து பேச்சு.. ‌‌‌!

No comments
 

திமுகவை சேர்ந்த 3 எம்பிக்கள், முக்கிய மத்திய அமைச்சர்களை அடிக்கடி சந்தித்து பேசி வருகிறார்களாம்.. இப்படி ஒரு தகவலை ஓரிரு செய்தித்தாள்கள் இன்றைய தினம் கசிய விட்டுள்ளன.. எனினும் இது உண்மையா என்று தெரியவில்லை.

வழக்கமாக திமுக, அதிமுகவை பற்றின உறுதிப்படுத்தப்படாத தகவல்கள் தினந்தோறும் சோஷியல் மீடியாவில் வலம் வரத்தான் செய்யும்.. ஆனால், அவைகளின் நம்பகத்தன்மை குறித்து எதுவும் தெரியவதில்லை.. அந்த வகையில்தான் ஒரு செய்தி வெளியாகி உள்ளது.

திமுகவை சேர்ந்த 3 எம்பிக்கள் சில மத்திய அமைச்சர்களை சந்தித்து பேசி வருகிறார்கள்.. இதில், ஒரு அமைச்சர் முன்னாள் மத்திய அமைச்சராம்.. இவர் மத்திய அமைச்சர் நிதின் கட்கரியையும், இன்னொரு திமுக எம்பி மத்திய சட்ட அமைச்சர் ரவிசங்கர் பிரசாத்தையும், மற்றொரு திமுக எம்பி மத்திய உள்துறை அமைச்சர் அமித்ஷாவையும் சந்தித்து பேசுகிறார்கள்.

எதற்காக இந்த சந்திப்பு என்றுதான் தெரியவில்லை.. ஒருவேளை தங்களின் தொழில் தொடர்பாக மத்திய அமைச்சர்களை சந்தித்திருக்கலாம் என்று சொல்லப்படுகிறது.. அல்லது திமுக ஆட்சி அமைக்க நேர்ந்தால், மத்திய அமைச்சரவையில் சேருவது தொடர்பாகவும் இவர்கள் பேசியிருக்கலாம் என்று சொல்லப்படுகிறது. அல்லது மரியாதை நிமித்தமான சந்திப்பாகவும் இருக்கலாம் என்று தெரிகிறது.

எது எப்படி இருந்தாலும், தேர்தல் நெருங்கி கொண்டிருப்பதால், இந்த மாதிரி நேரத்தில் 3 எம்பிக்கள், முக்கிய பாஜக புள்ளிகளை சந்திப்பது பல்வேறு யூகங்களை மட்டுமல்ல, பரபரப்பையும் சேர்த்து கிளப்பி வருகிறது!

அதிமுக கூட்டணியை முறித்துக்கொள்வதை உறுதிப்படுத்திய... எல்.கே.சுதீஷி

No comments
 

தமிழகத்தில் சட்டமன்ற தேர்தல் வரும் ஏப்ரல் 6ம் தேதி நடக்கவுள்ளது. ஆளுங்கட்சியான அதிமுக கூட்டணி பேச்சுவார்த்தை, தொகுதிப்பங்கீடு பணிகளை முடுக்கிவிட்டுள்ளது. பாமகவுடனான கூட்டணியை உறுதி செய்து, பாமகவிற்கு 23 தொகுதிகள் ஒதுக்கப்பட்டுவிட்டன. பாஜகவுடனான தொகுதிப்பங்கீடு பேச்சுவார்த்தையில் இழுபறி நீடிக்கிறது. இன்னும் எத்தனை தொகுதிகள் என்பது உறுதியாகவில்லை. அதிமுக கூட்டணியில் பாஜகவிற்கு 18லிருந்து 23 தொகுதிகள் ஒதுக்கப்படலாம் என எதிர்பார்க்கப்படுகிறது. தமிழகம் வந்திருந்த மத்திய உள்துறை அமைச்சர் அமித் ஷாவுடன் அதிமுக ஒருங்கிணைப்பாளரும் துணை முதல்வருமான ஓபிஎஸ் மற்றும் அதிமுக இணை ஒருங்கிணைப்பாளரும் முதல்வருமான ஈபிஎஸ் ஆகியோர் ஆலோசனை நடத்தினர்.

இன்னும் தொகுதிகள் குறித்த உடன்பாடு எட்டப்பட்டு அறிவிக்கப்படவில்லை என்றாலும் அதிமுக - பாஜக கூட்டணி உறுதி. ஆனால் தேமுதிக தான் கெடுபிடி காட்டியதுடன், கூட்டணியையும் முறித்துக்கொண்டுள்ளது. முதற்கட்டமாக தேமுதிகவுடனான கூட்டணி குறித்து பேச, அமைச்சர்கள் தங்கமணி, வேலுமணி மற்றும் அதிமுக இணை ஒருங்கிணைப்பாளரான கேபி. முனுசாமி ஆகியோர் தேமுதிக தலைவர் விஜயகாந்த் இல்லத்தில் அவரை சந்தித்து பேசினர்.

இதையடுத்து 2ம் கட்ட பேச்சுவார்த்த அமைச்சர் தங்கமணி இல்லத்தில் நடந்தது. தேமுதிக சார்பில் அக்கட்சி நிர்வாகிகளான பார்த்தசாரதி, இளங்கோவன் மற்றும் அழகாபுரம் மோகன் ராஜ் ஆகியோர், அமைச்சர்களான தங்கமணி, வேலுமணி மற்றும் அதிமுக நிர்வாகிகளான கேபி.முனுசாமி, வைத்தியலிங்கம் ஆகியோருடன் பேச்சுவார்த்தை நடத்தினர். மணிக்கணக்காக நடந்த இந்த பேச்சுவார்த்தையும் உடன்பாடு எட்டப்படவில்லை. பாமகவிற்கு ஒதுக்கிய அதே 23 தொகுதிகளாவது ஒதுக்க வேண்டும் என்று அதிமுகவிடம் கோரியது தேமுதிக.

ஆனால் அதற்கு அதிமுக உடன்படவில்லை. அதிகபட்சம் 12 தொகுதிகளை மட்டுமே ஒதுக்க முன்வந்தது. இதையடுத்து கூட்டணியில் பிளவு ஏற்படலாம் என்ற தகவல் வலம்வந்த நிலையில், தேமுதிக துணை செயலாலர் எல்.கே.சுதீஷின் முகநூல் பதிவு அதை உறுதிப்படுத்தியுள்ளது. எல்.கே.சுதீஷ், நமது முதல்வர் விஜயகாந்த்; நமது சின்னம் முரசு என முகநூலில் பதிவிட்டுள்ளார். தேமுதிக, அதிமுகவுடன் கூட்டணியில் இருந்த நிலையில், அந்த கூட்டணியை முறித்துக்கொள்வதை உறுதிப்படுத்தியுள்ளது எல்.கே.சுதீஷின் பதிவு.

திமுக-காங்கிரஸ் கூட்டணி இடையே விரிசல்.... மூன்றாவது அணி....?

No comments
 

தமிழகத்தில் சட்டமன்ற தேர்தல் வருகிற ஏப்ரல் 6ஆம் தேதி நடைபெற உள்ளது. இதனால், தமிழக தேர்தல் களம் சூடு பிடித்துள்ளது. தேர்தல் தேதி அறிவிக்கப்பட்டதால், அரசியல் கட்சிகள் அனைத்தும் கூட்டணி பேச்சுவார்த்தை, தொகுதி பங்கீடு உள்ளிட்டவைகளில் ஈடுபட்டு வருகின்றனர்.

திமுக கூட்டணியில் காங்கிரஸ், விசிக, மதிமுக, இந்திய கம்யூனிஸ்ட், மார்க்சிஸ்ட் கம்யூனிஸ்ட் உள்ளிட்ட கட்சிகள் இடம் பெற்றுள்ளது. கூட்டணி கட்சிகளுடன் பேச்சுவார்த்தை நடத்துவதற்காக டி ஆர் பாலு தலைமையில் ஒரு குழு ஒன்று அமைக்கப்பட்டுள்ளது. திமுகவில் இந்திய முஸ்லீம் லீக் கட்சிக்கு 3 தொகுதிகளும், மனிதநேய மக்கள் கட்சிக்கு 2 தொகுதிகள் ஒதுக்கப்பட்டு ஒப்பந்தம் கையெழுத்தாகியுள்ளது.

ஆனால் திமுகவின் முக்கிய கட்சியாக விலகும் காங்கிரஸ் உடனான தொகுதி பங்கீட்டில் இழுபறி நீடித்து வருகிறது. காங்கிரஸ் 40 தொகுதிகளை கேட்டு வரும் நிலையில், திமுக 20 முதல் 25 தொகுதிகளை மட்டுமே ஒதுக்க முடிவு செய்து உள்ளது. இதனால் தொகுதி பங்கீட்டில் இழுபறி நீடித்து வருகிறது

மேலும் பிரச்சாரத்திற்காக ராகுல்காந்தி இரண்டு முறை தமிழகம் வந்தோம். இதுவரை ஸ்டாலினை சந்திக்கவில்லை. மேலும் பிரச்சாரத்தில் ராகுல் காந்தி எந்த ஒரு இடத்திலும் திமுகவின் பெயரையோ அல்லது ஸ்டாலின் பெயரையும் குறிப்பிடவில்லை. இவை திமுக-காங்கிரஸ் கூட்டணி இடையே ஏற்பட்டுள்ள விரிசலையே காட்டுகிறது. காங்கிரஸ் கட்சி திமுக கூட்டணியில் இருந்து விலகி மூன்றாவது அணியில் சேர வாய்ப்புள்ளதாகவும் கூறப்படுகிறது.

இமகவுக்கு ரோபோ சின்னத்தை தேர்தல் ஆணையம் ஒதுக்கீடு

No comments
 

நடிகர் ரஜினிக்கு நெருக்கமான அர்ஜுன மூர்த்தியின் இந்திய மக்கள் முன்னேற்ற கழகம் கட்சிக்கு ரோபோ சின்னத்தை தேர்தல் ஆணையம் ஒதுக்கீடு செய்துள்ளது.

நடிகர் ரஜினிகாந்த் தொடங்குவதாக இருந்த கட்சியின் தலைமை ஒருங்கிணைப்பாளராக இருந்த ரா. அர்ஜுன மூர்த்தி நேற்று முன்தினம் இந்திய மக்கள் முன்னேற்ற கழகம் (இமமுக) என்கிற கட்சியை தொடங்கினார். வரும் சட்டப்பேரவைத் தேர்தலில் 234 தொகுதிகளிலும் இமமுக போட்டியிட இருப்பதாகவும் அறிவித்தார். இந்நிலையில் அர்ஜுனமூர்த்தியின் கட்சிக்கு நடிகர் ரஜினிகாந்த் வாழ்த்து தெரிவித்தார்.

இந்நிலையில் நேற்று தலைமை தேர்தல் ஆணையம் அர்ஜுன மூர்த்தியின் இமமுக கட்சிக்கு 234 தொகுதிகளிலும் ரோபோ சின்னத்தை ஒதுக்கீடு செய்துள்ளது.

ரஜினி நடித்த 'எந்திரன், 2.0' ஆகிய திரைப்படங்களின் பிரதான கதாபாத்திரமான ரோபோ தனது கட்சிக்கு சின்னமாக கிடைத்திருப்பதால் அர்ஜுனமூர்த்தி மகிழ்ச்சி அடைந்துள்ளார்.

தலையே போனாலும் தேமுதிக தலைகுனிந்து போகாது.... விஜயகாந்த் மகன் பேச்சு

No comments
 

தலையே போனாலும் தேமுதிக தலைகுனிந்து போகாது என தேமுதிக தலைவர் விஜயகாந்த் மகன் விஜயபிரபாகர் பேசியுள்ளார்.

தேமுதிக, கடந்த நாடாளுமன்றத் தேர்தலில் அதிமுக கூட்டணியில் இடம்பெற்றது. அந்தக் கூட்டணி தற்போதும் தொடர்வதாக, இரு கட்சிகளின் தரப்பிலும் கூறப்பட்டு வருகிறது. ஆனால், சட்டப்பேரவைத் தேர்தல் தொடர்பாக, எவ்வித உடன்பாடும் இன்னும் எட்டப்படவில்லை. இதனால், தேமுதிக தொண்டர்கள் மத்தியில் மிகப்பெரிய குழப்பம் எழுந்துள்ளது.

இந்நிலையில், பெரம்பலூரில் நடந்த தேமுதிகவின் தேர்தல் குறித்த ஆலோசனைக் கூட்டத்தில் விஜயபிரபாகரன் கலந்து கொண்டார்.
அப்போது அவர் பேசுகையில், "தமிழகம் முழுவதும் அனைத்துத் தொகுதிகளிலும் தனித்தே போட்டியிடும் தகுதி நமது கட்சிக்கு உண்டு.

அமையவுள்ள புதிய சட்டப்பேரவையில் தலைவரின் குரல் நிச்சயம் ஒலிக்கும். கூட்டணி குறித்து தொண்டர்கள் கவலை கொள்ள வேண்டாம். நீங்கள் நினைப்பதைத் தான் நாங்கள் நடத்திக் காட்டுவோம்.

எந்தச் சூழ்நிலையிலும் தேமுதிக தலைகுனிந்து போகாது. நிச்சயம் அரசியல் அரங்கில் நமக்கான இடத்தை நாம் பெற்றே தீருவோம்" என்றார்.

இதற்கிடையில், தமிழக சட்டப்பேரவைத் தேர்தலில் தேமுதிக சார்பாகப் போட்டியிட விருப்ப மனு அளித்தவர்களிடம் வரும் 6-ம் தேதி முதல் 8-ம் தேதி வரை நேர்காணல் நடத்த உள்ளதாக, அக்கட்சியின் தலைவர் விஜயகாந்த் அறிவித்துள்ளார் என்பது குறிப்பிடத்தக்கது.

தமிழகத்தின் நம்பர் ஒன் கட்சி தேமுதிக காமெடி பேச்சு..‌‌....பிரேமலதா

No comments

Sunday, 28 February 2021

 

தொகுதிப் பங்கீடு குறித்து விரைந்து பேச்சுவார்த்தையைத் தொடங்குங்கள் என அக்கறையோடு கூறியதை, நான் அவரசப்படுகிறேன், டென்ஷன் ஆகிறேன், கெஞ்சுகிறேன் என்றெல்லாம் விமர்சனம் செய்தனர். தேமுதிகவுக்கு கெஞ்சிப் பழக்கமில்லை என்று அக்கட்சியின் பொருளாளர் பிரேமலதா பேசினார்.

கள்ளக்குறிச்சியில் மாவட்ட தேமுதிக செயல்வீரர்கள் கூட்டம் இன்று நடைபெற்றது. இக்கூட்டத்திற்கு தேமுதிக மண்டலப் பொறுப்பாளர் இளங்கோவன் தலைமை வகித்தார்.

இக்கூட்டத்தில் பேசிய அக்கட்சியின் பொருளாளர் பிரேமலதா பேசியதாவது:

''தமிழகத்தின் நம்பர் ஒன் கட்சி தேமுதிக. யாரும் எதிர்பார்க்காத நிலையில் திடீரென்று தேர்தல் தேதி அறிவிக்கப்பட்டுவிட்டது.

மக்களைச் சந்திக்க குறுகிய காலமே உள்ளது. 234 தொகுதிகளிலும் மக்களைச் சந்தித்து வெற்றி பெற்றால் என்ன செய்வோம் என்பதை விளக்கிக் கூற கால அவகாசம் வேண்டும் என்பதால்தான் சில நாட்களுக்கு முன்பு கூட்டணியில் தொகுதிப் பங்கீடு குறித்து விரைந்து பேச்சுவார்த்தையைத் தொடங்குங்கள் என அக்கறையோடு கூறினேன்.

தேமுதிக செயல்வீரர்கள் கூட்டத்தில் பேசிய பிரேமலதா.

ஆனால், தற்போது தேர்தல் தேதி திடீரென்று அறிவிக்கப்பட்டு வாக்கு பதிவுக்கு குறுகிய நாட்களே இருப்பதை, அப்போது ஏளனமாக பேசியவர்கள் தற்போது உணர்ந்திருப்பார்கள். நான் அவரசப்படுகிறேன், டென்ஷன் ஆகிறேன், கெஞ்சுகிறேன் என்றெல்லாம் விமர்சனம் செய்தனர். தேமுதிகவிற்கு கெஞ்சிப் பழக்கமில்லை. எந்தக் காலத்திலும் டென்ஷன் இல்லை. தேமுதிக 234 தொகுதிகளிலும் தனித்துக் களம் கண்ட கட்சி. இருப்பினும் பொருளாதார ரீதியாகப் பின்தங்கி இருப்பதால் கூட்டணியை நாட வேண்டியுள்ளது. நிச்சயம் நமக்கான காலம் வரும். அப்போது விஜயகாந்த் தலைமையில் நல்லாட்சி அமையும்.

இவ்வாறு பிரேமலதா பேசினார்.

விஜயகாந்தை அமைச்சர்கள் நேரில் சந்திப்பு

No comments
 

தேமுதிக தலைவர் விஜயகாந்தை அமைச்சர்கள் தங்கமணி, வேலுமணி, அதிமுக துணை ஒருங்கிணைப்பாளர் கே.பி. முனுசாமி உள்ளிட்டோர் நேரில் சந்தித்தனர்.

தமிழக சட்டப் பேரவைத் தேர்தல் அறிவிப்பு வெளியானதையடுத்து, கூட்டணியை உறுதி செய்வதில் அதிமுக மும்முரம் காட்டி வருகிறது. இதன் ஒரு பகுதியாக பாமகவுடனான தொகுதிப் பங்கீடு இன்று இறுதி செய்யப்பட்டது. பாஜகவுடனும் கூட்டணிப் பேச்சுவார்த்தை நடைபெற்று வருகிறது.

இந்த நிலையில், தேமுதிக தலைவர் விஜயகாந்தை அமைச்சர்கள் மற்றும் துணை ஒருங்கிணைப்பாளர் கே.பி. முனுசாமி சந்தித்துள்ளனர்.

கடந்த மக்களவைத் தேர்தலில் அதிமுக கூட்டணியில் பாஜக, பாமக, தேமுதிக உள்ளிட்ட கட்சிகள் இடம்பெற்றிருந்தது குறிப்பிடத்தக்கது.

4 ஆண்டு ஆட்சிக் காலத்தில் தனக்கு ஓபிஎஸ் உறுதுணையாக இருந்தார்.... எடப்பாடியார்

No comments

Saturday, 27 February 2021

 

4 ஆண்டு ஆட்சிக் காலத்தில் தனக்கு ஓபிஎஸ் உறுதுணையாக இருந்ததாக சட்டப்பேரவையில் முதல்வர் பழனிசாமி தெரிவித்தார். இதனிடையே, சட்டப்பேரவை நடைபெற்ற அனைத்து நாட்களும் வந்த ஒரே முதலமைச்சர் எடப்பாடி பழனிசாமி தான் என சபாநாயகர் தனபால் புகழாரம் சூட்டியது குறிப்பிடத்தக்கது.

மாண்புமிகு தமிழ்நாடு முதலமைச்சர் திரு.எடப்பாடி மு.பழனிசாமி அவர்கள் சட்டமன்றப் பேரவையில் ஆற்றிய உரை:

மாண்புமிகு பேரவைத் தலைவர் அவர்களே! எதிர்க்கட்சி உறுப்பினர்கள், குறிப்பாக எதிர்க்கட்சித் தலைவர்கள், எடப்பாடி பழனிசாமி ஆட்சி ஒரு மாதம்தான் இருக்கும், மூன்று மாதங்கள்தான் இருக்கும், ஆறு மாதங்கள்தான் இருக்குமென்று அவதூறான, உண்மைக்குப் புறம்பான பிரச்சாரங்களை செய்து வந்தார்கள்.

அதையெல்லாம் முறியடித்து, நான்காண்டு காலம் நிறைவு பெற்று ஐந்தாவது ஆண்டில் அடியெடுத்து வைத்து, பொன்மனச் செம்மல் புரட்சித் தலைவர் எம்.ஜி.ஆர், இதயதெய்வம் புரட்சித் தலைவி அம்மா ஆகிய இருபெரும் தலைவர்கள் கண்ட கனவை என் தலைமையிலான மாண்புமிகு அம்மாவின் அரசு வெற்றிகரமாக நிறைவேற்றி நாட்டு மக்களின் நன்மதிப்பைப் பெற்றுள்ளது. நான் பதவியேற்றதிலிருந்து இன்று வரை நாட்டு மக்களுக்கு எண்ணற்ற திட்டங்களை வழங்கியதன் மூலம், தமிழகம் இன்றைக்கு ''வெற்றி நடைபோடும் தமிழகம்'' என்ற அளவிற்கு உயர்ந்து ஏற்றம் பெற்றிருக்கிறது. எதிர்க்கட்சியினர்கூட மூக்கின் மேல் விரலை வைத்து பாராட்டுகிற அரசு அம்மாவின் அரசு என்பதை நாங்கள் எடுத்துக்காட்டியுள்ளோம்.

இந்தச் சிறப்புமிகு ஆட்சிக்கு உறுதுணையாக விளங்கிய மாண்புமிகு துணை முதலமைச்சர் அண்ணன் திரு.ஓ.பன்னீர்செல்வம் அவர்களுக்கு எனது மனமார்ந்த நன்றியை இந்த நேரத்தில் தெரித்துக் கொள்கிறேன். அதேபோல, மாண்புமிகு அமைச்சர் பெருமக்கள் தங்கள் துறைகளில் திறமையாக செயல்பட்டு அதன் மூலம் தேசிய அளவில் விருதுகளைப் பெற்று, தமிழகத்திற்கு பெருமை சேர்த்து, மாண்புமிகு அமைச்சர் பெருமக்கள் எனக்கு முழு ஒத்துழைப்பு நல்கியமைக்கு மனமார, உளமார இந்த நேரத்தில் நன்றியை தெரிவித்துக் கொள்கிறேன்.

இதயதெய்வம் புரட்சித் தலைவி அம்மா அவர்கள் ''எனக்குப் பின்னாலும் கழகம் நூறாண்டு காலம் ஆளும்'' என்று சட்டமன்றத்தில் சூளுரைத்தார்கள். அதற்கேற்ப, இந்த சோதனையான நேரத்தில், நான்காண்டு காலம் நிறைவுபெற்று ஐந்தாவது ஆண்டில் அடியெடுத்து வைக்கும் அளவிற்கு சிறந்த ஆட்சி, நிர்வாகம் அமைவதற்கு உறுதுணையாக விளங்கிய கழக சட்டப்பேரவை உறுப்பினர்கள் அனைவருக்கும் என்னுடைய மனமார்ந்த நன்றியை இந்த நேரத்தில் தெரிவித்துக் கொள்கிறேன். அதேபோல, ஆளும் கட்சி, எதிர்க் கட்சியிடையே சூடான விவாதங்கள் நடைபெற்றபோது, நடுநிலையாக இருந்து, பக்குவமாக, ஆளுமையாக, திறமையாக செயல்பட்டு, தமிழக சட்டமன்றம் ஒரு முன்மாதிரி சட்டமன்றம் என்று விளங்குகிற அளவிற்கு, அவையை நடத்திய மாண்புமிகு சட்டமன்றப் பேரவைத் தலைவர் அவர்களுக்கும் என்னுடைய மனமார்ந்த நன்றியை இந்த நேரத்தில் தெரிவிக்க விரும்புகிறேன். அவருக்குத் துணையாக இருந்த சட்டப்பேரவை துணைத் தலைவர் அவர்களுக்கும், அரசுக் கொறடா அவர்களுக்கும் நன்றியை தெரிவித்துக் கொள்கிறேன்.

அதேபோல், மாண்புமிகு அம்மாவின் அரசு சிறப்பாக செயல்படுவதற்கு அனைத்து வழிகளிலும் துணை நின்ற உயர் அதிகாரிகளுக்கும், அரசின் திட்டங்களை நாட்டு மக்களுக்கு செவ்வனே எடுத்துச் சென்று அரசுக்கு நற்பெயரை தேடித் தந்த அரசு அலுவலர்களுக்கும் இந்த நேரத்தில் நன்றியை தெரிவித்துக் கொள்கிறேன். அதோடு, மாண்புமிகு அம்மா அரசின் திட்டங்கள் சம்பந்தமாக ஒவ்வொரு துறையிலிருந்து வருகின்ற கோப்புகளை என்னிடத்தில் வேகமாக, துரிதமாக, உரிய நேரத்தில் சமர்ப்பித்து, அனுமதி பெற்று அனுப்பி வைத்த என்னுடைய துறை செயலாளர்களுக்கும் என் நன்றியை தெரிவித்துக் கொள்கிறேன்.

மாண்புமிகு அம்மாவின் அரசு நான்கு ஆண்டு காலத்தை நிறைவு செய்கிறபோது, பல்வேறு திட்டங்களை நாங்கள் செயல்படுத்தி நாட்டு மக்களின் நன்மதிப்பைப் பெற்றுள்ளோம். 50 ஆண்டு காலம் தீர்க்கப்படாத காவேரி நதிநீர்ப் பிரச்சனையை சட்டப் போராட்டம் நடத்தி தீர்ப்பைப் பெற்று அதனை நடைமுறைப்படுத்திய அரசு அம்மாவின் அரசு. டெல்டா பாசன விவசாயிகள் பாதிப்படுகின்ற சூழ்நிலை வந்தபோது, மாண்புமிகு அம்மாவின் அரசு டெல்டா பாசன விவசாயிகளுக்கு அரணாக இருந்து, பாதுகாக்கப்பட்ட வேளாண் மண்டலம் என்ற அறிவிப்பைக் கொடுத்து, வேளாண் பெருமக்களை பாதுகாத்த அரசும் அம்மாவின் அரசுதான். அதேபோல, வறட்சியால் பாதிக்கப்பட்ட விவசாயிகளுக்கு இடுபொருள் நிவாரணம் வழங்கியதும் மாண்புமிகு அம்மாவின் அரசுதான். புயல், வெள்ளம் வந்தபோதும், பருவம் தவறி மழை பெய்தபோதும் வேளாண் பெருமக்கள் பாதிக்கப்பட்டபோது, பாதிப்பிற்குள்ளான விவசாயிகளை அரவணைத்து, அவர்களுக்கு இழப்பீட்டுத் தொகை வழங்கியதும் மாண்புமிகு அம்மாவின் அரசுதான். அதுபோல, விவசாயிகள் பயிரிட்ட பயிர்கள் சேதமடைகின்றபோது, நாட்டிலேயே அதிகமாக இழப்பீட்டுத் தொகையை பெற்றுத் தந்த அரசும் மாண்புமிகு அம்மாவின் அரசுதான். இன்றைக்கு மாண்புமிகு அம்மாவின் அரசு வேளாண் பெருமக்களை கண்ணை இமை காப்பது போல காத்தது என்று சொன்னால் அது மிகையாகாது.

ஒரு மாநிலம் வளர்ச்சி பெறுவதற்கு தடையில்லா மின்சாரம் வேண்டும். அந்த தடையில்லா மின்சாரத்தை வழங்கி, தமிழகத்தை மின்மிகை மாநிலமாக உருவாக்கிய அரசும் மாண்புமிகு அம்மாவின் அரசுதான். அதேபோல, கல்வியில் வளர்ச்சி, புரட்சியை ஏற்படுத்தியதும் மாண்புமிகு அம்மாவின் அரசுதான். அதிகமான சட்டக் கல்லூரிகளை திறந்திருக்கின்றது. ஓரே நேரத்தில் 11 அரசு மருத்துவ கல்லூரிகளை கொண்டு வரலாற்றுச் சாதனை படைத்திருக்கின்றோம். 3 கால்நடை மருத்துவ கல்லூரி மற்றும் ஆராய்ச்சி நிலையத்தை தொடங்கி சாதனை படைத்திருக்கின்றோம். அரசு கலை மற்றும் அறிவியல் கல்லூரி, பல்வகை தொழில்நுட்பக் கல்லூரி என அதிகமான கல்லூரிகளைத் திறந்து, இன்றைக்கு உயர்க்கல்வி படிப்பதில் நாட்டிலேயே முதல் மாநிலம் என்ற பெருமையை நாங்கள் பெற்றிருக்கின்றோம். மதுரையில் எய்ம்ஸ் மருத்துவமனையைக் கொண்டுவந்து, மாண்புமிகு அம்மாவின் கனவை நனவாக்கிய அரசு மாண்புமிகு அம்மாவின் அரசு.

அதுமட்டுமல்லாமல், தேசத்திற்காக உழைத்து மறைந்த ஒப்பற்ற தலைவர்களுக்கு பெருமை சேர்க்கின்ற விதமாக, அவர்களுக்கு மணிமண்டபங்கள், திருவுருவச்சிலைகள் அமைத்தும், அரசு விழாக்கள் எடுத்தும், அவர்களுக்கு புகழ் சேர்க்கின்ற விதமாக சட்டமன்றத்தில் அவர்களுடைய திருவுருவப் படங்களை திறந்தும் பெருமை சேர்த்த அரசு மாண்புமிகு அம்மாவின் அரசு.

எல்லாவற்றுக்கும் மேலாக, எங்களையெல்லாம் இங்கே அமர வைத்த எங்களுடைய இதயதெய்வம் புரட்சித் தலைவி அம்மா அவர்களுக்கு பிரம்மாண்டமான நினைவு மண்டபத்தை அமைத்ததும் மாண்புமிகு அம்மாவின் அரசுதான். மாண்புமிகு இதயதெய்வம் புரட்சித் தலைவி அம்மா அவர்கள் வாழ்ந்த, கோயிலாக திகழக்கூடிய வேதா நிலையத்தை அரசு இல்லமாக அறிவித்ததும் மாண்புமிகு அம்மாவின் அரசுதான் என்பதை இந்த நேரத்தில் தெரிவித்து, இப்படி மாண்புமிகு அம்மாவின் அரசு நான் முதலமைச்சராக ஏற்ற காலத்திலிருந்து இன்று வரை பல்வேறு சாதனைகளைப் புரிந்து, சாதனை படைத்த அரசாக திகழ்கிறது என்பதை இந்த நேரத்தில் நினைவுகூர்ந்து, பொன்மனச்செம்மல் புரட்சித் தலைவர் எம்.ஜி.ஆர், இதயதெய்வம் புரட்சித் தலைவி அம்மா ஆகியோர் கண்ட கனவுகளை நனவாக்குகின்ற விதமாக, வருகின்ற சட்டமன்றத் தேர்தலில் பெரும்பான்மை இடங்களில் வெற்றி பெற்று, மீண்டும் அம்மாவின் அரசு அமைப்போம் என்பதை இந்த நேரத்தில் தெரிவித்து, எங்களுடைய கூட்டணியில் இடம்பெற்றுள்ள கட்சிகளும் அனைத்து இடங்களிலும் வெற்றி பெறும் என்ற செய்தியையும் இந்த நேரத்தில் தெரிவித்து, எனக்கு நல்ல வாய்ப்பை வழங்கிய மாண்புமிகு சட்டப்பேரவைத் தலைவருக்கு நன்றி தெரிவித்து அமைகிறேன்.

நன்றி, வணக்கம்.

அதிமுக-பாமக கூட்டணி உறுதியானது.... எத்தனை தொகுதிகள்....!

No comments
 

தேர்தல் தேதி அறிவிக்கப்பட்ட நிலையில் அதிமுக கூட்டணியில் தொகுதிப் பங்கீடு குறித்த பேச்சுவார்த்தை முடிந்து தொகுதிகள் பிரிக்கப்பட்டுள்ளது. இதில் பாமகவுக்கு 23 தொகுதிகள் ஒதுக்கப்பட்டு ஒப்பந்தம் போடப்பட்டதாக ஒருங்கிணைப்பாளர் ஓபிஎஸ் அறிவித்தார்.

தமிழகத்தில் அதிமுக, திமுக ஆகிய இரண்டு கட்சிகள் தலைமையில் கட்சிகள் அணிவகுத்து நிற்கின்றன. மக்கள் நீதி மய்யம், நாம் தமிழர், அமமுக உள்ளிட்ட கட்சிகள் தனியாக நிற்கின்றன. அதிமுக கூட்டணியில் இருந்த சரத்குமார் அதிலிருந்து வெளியேறியதாக அறிவித்துள்ளார். அதேபோன்று திமுக கூட்டணியில் இருந்த ஐஜேகே கட்சியும் வெளியேறியுள்ளது.

அதிமுக கூட்டணிக்குள் வர வன்னியருக்கு 20% உள் இட ஒதுக்கீடு அளிக்கும் கட்சியுடன் கூட்டணி என ராமதாஸ் கூறினார்.

நேற்று 10.5% உள் ஒதுக்கீட்டு அறிவிப்பை வெளியிட்டு, பாமகவைக் கூட்டணியில் தக்கவைத்தது அதிமுக தலைமை.

10.5% உள் ஒதுக்கீடு காரணமாக சந்தோஷத்தில் இருந்த பாமக தலைவர்கள் இன்று மதியம் நடத்திய பேச்சுவார்த்தையில் 23 தொகுதிகள் பேசி முடிவுக்குக் கொண்டுவந்துள்ளது அதிமுக தலைமை. இதை அன்புமணி ராமதாஸும் தன்னுடைய பேட்டியில் தெரிவித்தார்.

கூட்டணி உறுதியானதை சென்னையில் உள்ள நடசத்திர ஓட்டலில் ஒப்பந்தம் செய்யப்பட்டது. இதில் அதிமுக ஒருங்கிணைப்பாளர் ஓபிஎஸ் தலைமையில் அதிமுக நிர்வாகிகளும், பாமக சார்பில் அன்புமணி ராமதாஸ், ஜி.கே.மணி உள்ளிட்ட தலைவர்களும் கலந்துக்கொண்டனர்.

ஒப்பந்தம் பற்றி அறிவித்த ஓபிஎஸ் கூறியதாவது:

'அதிமுக-பாமக கூட்டணி அமைத்து தமிழக சட்டப்பேரவை தேர்தலை சந்திப்பது என முடிவெடுக்கப்பட்டது. அதிமுக-பாமக இடையே ஏற்பட்ட ஒப்பந்த அடைப்படையில் அதிமுக கூட்டணியில் அமைந்துள்ள கூட்டணியில் பாமகவுக்கு 23 தொகுதிகள் ஒதுக்கப்பட்டுள்ளது என்பதை தெரிவித்துக்கொள்கிறேன், தொகுதி எண்ணிக்கை மட்டுமே தற்போது முடிவெடுக்கப்பட்டுள்ளது, அதன் பின்னர் இரு கட்சிகளின் நிர்வாகிகளும் உட்கார்ந்து எந்த மாவட்டத்தில் எந்த தொகுதி என பேசி முடிவெடுக்கப்படும்'.

இவ்வாறு ஓபிஎஸ் தெரிவித்தார்.

அதிமுக -பாமக இடையே சட்டப்பேரவைத் தேர்தல் தொகுதிப் பங்கீடு முடிவு வெளியீடு

No comments
 

சட்டசபை தேர்தல் தேதி அறிவிக்கப்பட்ட நிலையில் அரசியல் கட்சி மத்தியில் பெரும் மாற்றங்கள் ஏற்பட்டு வருகிறது. நேற்று தேர்தல் தேதி அறிவிக்கப்பட்ட நிலையில், கூட்டணியில் இருந்து இந்திய ஜனநாயக கட்சியும், சமத்துவ மக்கள் கட்சியும் விலகி இரு கட்சிகளுக்கும் இடையே சட்டப்பேரவை கூட்டணி உறுதியானது.

இதற்கிடையில், அரசியல் கட்சிகள் கூட்டணி குறித்தும், தொகுதி பங்கீடு குறித்தும் பேச்சுவார்த்தை நடத்த தொடங்கிவிட்டனர். இந்நிலையில், அதிமுக பாமக மற்றும் பாஜக இடையே தொகுதிப் பங்கீடு பேச்சுவார்த்தை நடத்தியது.

இந்நிலையில், அதிமுக -பாமக இடையே சட்டப்பேரவைத் தேர்தல் தொகுதிப் பங்கீடு முடிவு செய்யப்பட்டது. பாமக போட்டியிடும் தொகுதிகளின் எண்ணிக்கையை முதல்வர், துணை முதல்வர் சற்றுநேரத்தில் அறிவிக்கவுள்ளனர். இன்று மாலை 5 மணி அளவில் முதல்வர், துணை முதல்வர் செய்தியாளர்களை சந்திக்கவுள்ளனர்.

20-27 தொகுதிகள் வரை பாமகவிற்கு அதிமுக கூட்டணியில் ஒதுக்கப்படும் என தகவல் வெளியாகியுள்ளது.

கமல், கூட்டணிக்கு அமமுக வந்தால் வரவேற்போம்.... கமல்ஹாசன் அறிவிப்பு

No comments
 

தங்கள் கூட்டணிக்கு அமமுக வந்தால் வரவேற்போம் என்று மக்கள் நீதி மய்யம் கட்சி தலைவர் கமல்ஹாசன் தெரிவித்துள்ளார். சென்னையில் செய்தியாளர்களிடம் பேசிய கமல்ஹாசன், ' முன்னாள் எம்.எல்.ஏ. பழ.கருப்பையா மக்கள் நீதி மய்யத்தில் இணைந்துள்ளார். அவர் வருகின்ற சட்டமன்றத் தேர்தலில் போட்டியிட உள்ளார். பழ.கருப்பையாவை மக்கள் நீதி மய்யத்துக்கு உளமாற வரவேற்கிறேன்.

மக்களுக்காக தொடர்ந்து குரல் கொடுத்து வரும் சட்டப் பஞ்சாயத்து இயக்கம் மக்கள் நீதி மய்யத்துடன் கூட்டணி அமைக்கிறது. அவர்களுடன் இணைந்து தேர்தலை களம் காணவிருக்கிறோம். மக்கள் நீதி மய்யத்தின் முதற்கட்ட வேட்பாளர் பட்டியல் மார்ச் 7ம் தேதி வெளியாகும் என்றும் நாளை மறுநாள் நடைபெறவிருக்கும் வேட்பாளர் நேர்காணலை பொன்ராஜ், ரங்கராஜன், செந்தில் ஆறுமுகம் மற்றும் சுரேஷ் ஐய்யர் ஆகியோர் நடத்தவுள்ளனர்,'என்றும் தெரிவித்தார்.

தொடர்ந்து சக்கர நாற்காலி தொடர்பான நிரூபர்களின் கேள்விக்கு பதிலளித்துபேசிய அவர், 'சக்கர நாற்காலி விவகாரத்தில் கேலி செய்யும் விதத்தில் தாம் பேசவில்லை. சக்கர நாற்காலியில் கலைஞர் அமர்ந்திருந்தபோது அதனை பிடித்து தள்ளிக் கொண்டு வந்த கூட்டத்தில் நானும் ஒருவன். வயோதிகத்தையும் சக்கர நாற்காலியையும் கேலி செய்யும் விதமாக நான் பேசும் வாய்ப்பே கிடையாது. கலைஞர் மீது தமக்கு மரியாதை உள்ளது. என்னுடைய முதுமையை பற்றித்தான் சொல்லிக் கொண்டு இருந்தேன்.கலைஞர் இருந்திருந்தால் நான் சொல்வதை புரிந்திருப்பார்,' என்றார். மேலும் மக்கள் நீதி மய்யம் கூட்டணியில் முதல்வர் வேட்பாளர் தாம் தான் என்று கூறிய கமல், கூட்டணிக்கு அமமுக வந்தால் வரவேற்போம் என்றார்.

புதிய கட்சியைத் தொடங்கிய அர்ஜுன மூர்த்திக்கு நடிகர் ரஜினிகாந்த் வாழ்த்து

No comments

இந்திய மக்கள் முன்னேற்ற கட்சி' என்ற புதிய கட்சியைத் தொடங்கிய அர்ஜுன மூர்த்திக்கு நடிகர் ரஜினிகாந்த் வாழ்த்து தெரிவித்துள்ளார்.

ரஜினியின் தொடங்கப்படாத கட்சியில் முன்னாள் தலைமை ஒருங்கிணைப்பாளராக இருந்த அர்ஜுன மூர்த்தி சனிக்கிழமை (பிப்.27) புதிய கட்சியை தொடங்கினார்.

இதனிடையே நடிகர் ரஜினிகாந்த் அவருக்கு வாழ்த்து தெரிவித்துள்ளார். இது தொடர்பாக அவர் வெளியிட்டிருக்கும் வாழ்த்து செய்தியில்,

தனி அரசியல் கட்சித் தொடங்கியிருக்கும் அர்ஜுன மூர்த்திக்கு என்னுடைய வாழ்த்துகள் என்று பதிவிட்டுள்ளார்.

எங்கள் கூட்டணி வெற்றி பெற்ற பிறகே முதல்வர் யார் என்பது முடிவு.... சரத்குமார்

No comments
 

சட்டப்பேரவைத் தேர்தல் நெருங்கும் நிலையில், அதிமுக-விலிருந்து கூட்டணி குறித்து யாரும் பேசாததால் அங்கிருந்து விலகினேன் என்று சமத்துவ மக்கள் கட்சித் தலைவர் சரத்குமார் தெரிவித்துள்ளார்.

மக்கள் நீதி மய்யம் கட்சித் தலைவர் கமலை, ஆழ்வார்பேட்டையில் உள்ள கட்சி அலுவலகத்தில் இன்று சமத்துவ மக்கள் கட்சித் தலைவர் சரத்குமார் மற்றும் இந்திய ஜனநாயக கட்சி நிர்வாகிகளும் சந்தித்து கூட்டணி குறித்து பேச்சுவார்த்தை நடத்தினர்.

பிறகு, சென்னை ஆழ்வார்பேட்டையில் மக்கள் நீதி மய்யம் கட்சி அலுவலகத்தில் செய்தியாளர்களை சந்தித்த சரத்குமார், அதிமுக கூட்டணியுடன் கடந்த பத்து ஆண்டுகளாக பயணித்துள்ளோம்.


எங்களுக்கு என ஒரு மரியாதையும் வாக்கு விகிதாச்சாரமும் இருக்கிறது என்பதால்தான் கூட்டணி அமைத்திருந்தனர். மதிப்பில்லாமல் யாரையும் பயன்படுத்திக் கொள்ளவில்லை. தற்போது தேர்தல் நெருங்குகிறது. ஆனால் அதிமுகவிலிருந்து கூட்டணி பற்றி யாரும் அழைத்துப் பேசவில்லை. தொடர்ந்து பயணித்தவர்களை அழைத்துப் பேசியிருக்கலாமே என்று கூறினார்.

மக்களுக்காக நாம் சேவை செய்ய வேண்டும் என்றால் ஏதாவது ஒரு முடிவை எடுக்க வேண்டும் என்பதாலும், கூட்டணி குறித்து அழைப்பு வராததால், அதிலிருந்து விலகினேன். நல்ல எண்ணங்கள் கொண்டவர்கள் ஒன்றாக இணைந்தால் நன்றாக இருக்கும் என்று கருதியதால் கமலுடன் பேசினோம். மேலும், தேர்தல் கூட்டணி தொடர்பாக கமலிடம் நல்ல முடிவு வரும் என்று எதிர்பார்க்கிறோம்.

எங்கள் கூட்டணி வெற்றி பெற்ற பிறகே முதல்வர் யார் என்பது முடிவு செய்யப்படும் என்றார் சரத்குமார்.

இறுதியாக, பணத்தை வாங்கிக் கொண்டு யாரும் வாக்களிக்காதீர்கள். இந்த ஒரு முறை பணத்தை வாங்கிக் கொண்டு வாக்களிக்க மாட்டோம் என்று முடிவு செய்யுங்கள் என்று கேட்டுக் கொண்டார்.

பாஜக-அதிமுக இன்று தொகுதி பங்கீடு பேச்சுவார்த்தை....!

No comments
 

அதிமுக-மற்றும் பாஜக காட்சிகள் இடையே இன்று 8:30 மணியளவில் தொகுதி பங்கீடு பேச்சுவார்த்தை நடைபெறவுள்ளது. தமிழகத்தில் ஏப்.6-ம் தேதி சட்டப்பேரவை தேர்தல் நடைபெறவுள்ள நிலையில், தேர்தல் முன்னேற்பாடுகள் தீவிரமாக நடைபெற்று வருகிறது. இந்நிலையில், அதிமுக-மற்றும் பாஜக காட்சிகள் இடையே இன்று 8:30 மணியளவில் தொகுதி பங்கீடு பேச்சுவார்த்தை நடைபெறவுள்ளது. இதனையடுத்து, இந்த பேச்சுவார்த்தையில், தமிழக முதல்வருடன் தமிழக பாஜக பொறுப்பாளர்கள் கிஷன் ரெட்டி, சி.டி.ரவி ஆகியோர் கலந்து கொள்ள உள்ளனர். முதல்வர் பழனிசாமியுடன் பேசிய பின்னர் பாஜக குழு துணைமுதல்வர் ஓபிஎஸ்-ஐ சந்தித்து பேசுகின்றனர்.

இஜக., கட்சியும் சமக., கட்சியும் கூட்டணி அமைத்து போட்டியிட முடிவு....!

No comments
 

தமிழக சட்டப்பேரவைத் தேர்தலில் திடீர் திருப்பமாக, இந்திய ஜனநாயகக் கட்சியும் சமத்துவ மக்கள் கட்சியும் கூட்டணி அமைத்து போட்டியிட உள்ளன.

இந்திய ஜனநாயகக் கட்சியின் தலைவர் ரவி பச்சமுத்துவும் சமத்துவ மக்கள் கட்சியின் தலைவர் சரத்குமாரும் சென்னை வடபழனியில் செய்தியாளர்களை கூட்டாகச் சந்தித்தனர். அப்போது, தங்கள் கட்சிகள் இணைந்து சட்டப்பேரவைத் தேர்தலைச் சந்திக்க உள்ளதாக இரு தலைவர்களும் அறிவித்தனர்.

ஓட்டுக்கு பணம் கொடுக்காத, சாதிமத பேதமின்றி மக்களுக்கு சேவை செய்யும் கொள்கையில் ஒருமித்த கருத்து உள்ள கட்சிகள் இணைந்திருப்பதாக ரவி பச்சமுத்து கூறினார். திமுக மிகச்சிறந்த கட்சி என்றும் இந்திய ஜனநாயகக் கட்சிக்கு கௌரவத்தையும் அளித்ததாகவும் ரவி பச்சமுத்து குறிப்பிட்டார்.


அதே நேரத்தில், தங்கள் கட்சிக்கு அங்கீகாரம் கிடைக்க வேண்டும் என்பதற்காக இந்த முடிவை எடுத்திருப்பதாக ரவி பச்சமுத்து கூறினார்.

அதிமுக கூட்டணியில் இதுவரை பேச்சுவார்த்தை நடத்தாததால், அந்தக் கூட்டணியிலிருந்து விலகுவதாக சரத்குமார் கூறினார். மக்கள் சேவை என்ற கொள்கையில் இருக்கும் கமல்ஹாசன் தங்கள் கூட்டணியில் இணைவார் என்று எதிர்ப்பார்ப்பதாகக் கூறிய சரத்குமார், ரஜினி மக்கள் மன்றத்தினரும் தங்களுடன் கரம் கோர்க்குமாறு அழைப்பு விடுத்தார். மாற்றத்துக்கான முதல் கூட்டணி என்று சரத்குமார் குறிப்பிட்டார். மக்கள் சேவை என்ற நிலைப்பாட்டில் உள்ள மேலும் சில முக்கிய கட்சிகளை கூட்டணிக்கு வர உள்ளதாக இரு தலைவர்களும் தெரிவித்தனர்.

அமித் ஷா வருகையை அமர்க்களப்படுத்தணும்..! திருநள்ளாறில் தீயாய் வேலை செய்யும் பாஜக எம்பி ராஜீவ் சந்திரசேகர்

No comments

புதுச்சேரியில் காங்கிரஸ் எம்.எல்.ஏக்கள் ராஜினாமா செய்ததால், முதல்வர் நாராயணசாமி தலைமையிலான காங்கிரஸ் அரசு, ஆட்சிக்காலம் முடிவதற்கு முன்பாகவே, பெரும்பான்மையை இழந்து கவிழ்ந்தது.

இதையடுத்து புதுச்சேரியில் ஆட்சியமைக்க பாஜக தீவிரமாக செயல்பட்டுவருகிறது. புதுச்சேரி சட்டமன்ற தேர்தல், தமிழ்நாடு சட்டமன்ற தேர்தல் நடைபெறும் அதே தினமான, ஏப்ரல் 6ம் தேதியே நடைபெறும் என்று தலைமை தேர்தல் ஆணையர் சுனில் அரோரா இன்று அறிவித்தார். 

ஆனால் தேர்தல் தேதி அறிவிக்கும் முன்பே, பாஜக புதுச்சேரிக்கான தேர்தல் பொறுப்பாளர்களை நியமித்து, களப்பணியை ஏற்கனவே தீவிரமாக தொடங்கிவிட்டது. மத்திய இணையமைச்சர் அர்ஜூன் ராம் மேக்வால் மற்றும் ராஜ்ய சபா எம்பி ராஜீவ் சந்திரசேகர் ஆகிய புதுச்சேரி தேர்தல் பொறுப்பாளர்கள் புதுச்சேரியில் தீவிரமாக பணியாற்றிவருகின்றனர்.

புதுச்சேரி, காரைக்கால் பகுதிகளில் தேர்தல் பணிகளை தீவிரமாக பாஜக மேற்கொண்டுவருகிறது. கடந்த 25ம் தேதி புதுச்சேரிக்கு வந்து, முடிவுற்ற நலத்திட்டங்களை திறந்துவைத்து, புதிய திட்டங்களுக்கான அடிக்கல்லை நாட்டிவிட்டு சென்றார். இந்நிலையில், வரும் 28ம் தேதி மத்திய உள்துறை அமைச்சர் அமித் ஷா, காரைக்காலில் நடைபெறும் மாபெரும் பொதுக்கூட்டத்தில் கலந்துகொண்டு பரப்புரை செய்கிறார்.

அதற்கான ஏற்பாடுகள் காரைக்காலில் தீவிரமாக செய்யப்பட்டு வருகிறது. இந்த பொதுக்கூட்டத்தில் சுமார் 15 ஆயிரம் பேரை திரட்ட பாஜக தீர்மானித்துள்ளது. அமித் ஷா வருகைக்கான பணிகளையும் பொதுக்கூட்ட ஏற்பாடுகளையும் மேற்பார்வையிட்டு ஒருசில தினங்களுக்கு முன், தேர்தல் பொறுப்பாளர் அர்ஜுன் ராம் மேக்வால் காரைக்காலில் பாஜக செயல்வீரர்கள் கூட்டத்தில் பாஜக செயல்வீரர்களுடன் ஆலோசனை நடத்திவிட்டு சென்றார்.

பாஜக எம்பியான ராஜீவ் சந்திரசேகர், காரைக்கால் மற்றும் திருநள்ளார் பகுதிகளில் பாஜக நிர்வாகிகள் மற்றும் செயல்வீரர்களுடன்  கூட்டம் நடத்தி ஆலோசனை நடத்துவதுடன், அமித் ஷா வருகையை அமர்க்களப்படுத்தவும், புதுச்சேரியில் ஆட்சியமைக்கவும் களத்தில் இறங்கி தீவிரமாக செயல்பட்டுவருகிறார்.
Don't Miss
© 2017 -2021 AthibAn Tv Network Pvt Ltd