தமிழகத்தில் மொத்தம் உள்ள 39 லோக்சபா தொகுதிகளுக்கு ஏப்., 19ல் ஒரே கட்டமாக தேர்தல் நடக்கிறது.ஜூன் 4ம் தேதி ஓட்டு எண்ணிக்கை நடக்க உள்ளது.இதில் இந்திய தேர்தல் கமிஷன் அறிவிப்பு வெளியிட்டுள்ளது. இன்று பிற்பகல் 3 மணிக்கு.
நம் நாட்டில் 5 ஆண்டுகளுக்கு ஒருமுறை லோக்சபா தேர்தல் நடக்கிறது. முன்னதாக, 2019ல், லோக்சபா தேர்தல் நடந்தது.மக்களால் தேர்ந்தெடுக்கப்பட்ட எம்.பி.,க்களின், 5 ஆண்டு பதவிக்காலம், ஜூன், 16ல் முடிவடைகிறது.இந்நிலையில், மீண்டும், லோக்சபா தேர்தல் நடக்க உள்ளது.
மக்களவை தேர்தலுக்கான ஏற்பாடுகளை இந்திய தேர்தல் ஆணையம் தீவிரமாக செய்து வருகிறது. தேர்தல் முன்னேற்பாடுகள் குறித்து மாநில வாரியாக அதிகாரிகளுடன் ஆலோசனை நடத்தப்பட்டது. மேலும் தேர்தல் ஆணையத்தில் காலியாக இருந்த 2 தேர்தல் ஆணையர்கள் பதவிக்கு புதியவர்கள் நியமிக்கப்பட்டனர். அதன்படி ஞானேஷ் குமார் மற்றும் எஸ்.எஸ்.சந்து ஆகியோர் தேர்தல் ஆணையர்களாக பொறுப்பேற்றனர்.
மக்களவை தேர்தல் தேதி இன்று அறிவிக்கப்படும் என இந்திய தேர்தல் ஆணையம் நேற்று அறிவித்தது. அதன்படி இன்று மாலை 3 மணிக்கு டெல்லியில் உள்ள இந்திய தேர்தல் ஆணைய அலுவலகத்தில் தலைமை தேர்தல் ஆணையர் ராஜீவ் குமார், தேர்தல் ஆணையர்கள் ஞானேஷ் குமார், எஸ்.எஸ்.சந்து ஆகியோர் செய்தியாளர்களை சந்தித்தனர். இதற்கிடையில், லோக்சபா தேர்தல் தேதி, வேட்புமனு தாக்கல் தேதி, முடிவு தேதியை அறிவித்தனர்.
அதன்படி இந்தியாவில் லோக்சபா தேர்தல் 7 கட்டங்களாக நடைபெற உள்ளது. தமிழகத்தில் மக்களவை தேர்தல் ஒரே கட்டமாக நடைபெற உள்ளது. தமிழகத்தில் லோக்சபா தேர்தல் வரும் ஏப்ரல் 19ம் தேதி நடக்கிறது.இதில் 39 தொகுதிகளுக்கும் ஒரே நாளில் தேர்தல் நடக்கிறது.
வரும் 20ம் தேதி வேட்புமனு தாக்கல் துவங்குகிறது. வேட்புமனு தாக்கல் செய்ய மார்ச் 27 கடைசி நாளாகும். வேட்புமனுக்கள் மீதான பரிசீலனை மார்ச் 28ஆம் தேதி நடைபெற உள்ளது. வேட்புமனுவை திரும்பப் பெற மார்ச் 30 கடைசி நாளாகும். அதன்பின், இறுதி வேட்பாளர் பட்டியல் வெளியிடப்பட்டு, 39 லோக்சபா தொகுதிகளுக்கும், ஏப்., 19ல் தேர்தல் நடக்கும்.ஜூன், 4ல் ஓட்டு எண்ணிக்கை நடக்க உள்ளது.அன்று, தேர்தலில் பதிவான ஓட்டுகள் எண்ணப்பட்டு முடிவுகள் அறிவிக்கப்படும்.
தமிழகத்தில் மொத்தம் 39 மக்களவைத் தொகுதிகள் உள்ளன. கடந்த 2019 தேர்தலில் தேனி (ஓபிஎஸ் மகன் ரவீந்திரநாத் வெற்றி) தவிர 38 தொகுதிகளில் திமுக மற்றும் அதன் கூட்டணி கட்சிகள் வெற்றி பெற்றன. இம்முறை தமிழகத்தில் 39 தொகுதிகள், புதுச்சேரியில் ஒரு தொகுதி என மொத்தம் 40 தொகுதிகளில் வெற்றி பெற முதல்வர் ஸ்டாலின் திட்டமிட்டுள்ளார்.
வரும் மக்களவைத் தேர்தலில் திமுக 21 தொகுதிகளில் போட்டியிடுகிறது. அதேபோல், புதுச்சேரியில் காங்கிரஸ் + 9 தொகுதிகளில் மொத்தம் 10 தொகுதிகளில் போட்டியிடுகிறது. மதிமுக ஒரு தொகுதியில் களமிறங்கப் போகிறது. இந்த 3 கட்சிகளின் தொகுதிகள் இன்னும் இறுதி செய்யப்படவில்லை.
இதனிடையே திமுக கூட்டணியில் இந்திய கம்யூனிஸ்ட் கட்சி சார்பில் நாகை, திருப்பூர், மதுரை, திண்டுக்கல்லில் மார்க்சிஸ்ட் கம்யூனிஸ்ட், விழுப்புரம், சிதம்பரம் ஆகிய இடங்களில் விடுதலை சிறுத்தைகள் கட்சி போட்டியிடுகிறது. இதேபோல் ராமநாதபுரத்தில் இந்திய யூனியன் முஸ்லிம் லீக் கட்சியும், நாமக்கல் தொகுதியில் கொங்குநாடு தேசிய மக்கள் கட்சியும் மீண்டும் போட்டியிடுகின்றன.
அதேபோல் இந்த 40 தொகுதிகளிலும் அதிமுக கூட்டணியும், பாஜக கூட்டணியும் போட்டியிட உள்ளன. அதிமுக - பாஜக கூட்டணி இன்னும் முடிவாகவில்லை. இதனால், இழுபறி நிலவுகிறது. இது தவிர வழக்கம் போல் சீமானின் நாம் தமிழர் கட்சி தனித்து களமிறங்குகிறது. இதனால் வரும் லோக்சபா தேர்தலில் தமிழகத்தில் நான்குமுனை போட்டி நிலவுகிறது என்பது குறிப்பிடத்தக்கது.
AthibAn Tv