காதி மற்றும் கிராமத் தொழில்கள் ஆணையம் 9 ஆண்டுகளில் 332% வளர்ச்சி...

 காதி மற்றும் கிராமத் தொழில்கள் ஆணையம் 9 ஆண்டுகளில் 332% வளர்ச்சியைப் பதிவு செய்துள்ளது

பிரதமர் திரு நரேந்திர மோடியின் தலைமையில் 'சுய-சார்பு இந்தியா திட்டத்தை' புதிய உச்சத்திற்கு எடுத்துச் சென்று, காதி மற்றும் கிராமத் தொழில்கள் ஆணையம், வலிமையான இந்தியா என்ற பிம்பத்தை உலகுக்கு வழங்கியுள்ளது. சுதந்திர இந்தியாவின் வரலாற்றில் முதன்முறையாக காதி மற்றும் கிராமத் தொழில் கமிஷன் தயாரிப்புகளின் விற்றுமுதல் ரூ. 1.34 லட்சம் கோடியை தாண்டி சாதனை படைத்துள்ளது. கிராமப்புறங்களில் வாழும் கைவினைஞர்களின் உள்நாட்டில் தயாரிக்கப்பட்ட காதி பொருட்களின் விற்பனை கடந்த 9 ஆண்டுகளில் 332% இமாலய வளர்ச்சியைப் பதிவு செய்துள்ளது. 2013-14 நிதியாண்டில் ரூ. 31,154 கோடி, 2022-23 நிதியாண்டில் இந்த கமிஷன் பொருட்களின் விற்றுமுதல் இதுவரை இல்லாத அளவு ரூ. 1,34,630 கோடி அதிகரித்துள்ளது. இதேபோல், கிராமப்புறங்களில் 9,54,899 புதிய வேலைகளை உருவாக்கி காதி மற்றும் கிராமத் தொழில்கள் ஆணையம் மற்றொரு புதிய சாதனையைப் படைத்துள்ளது.

மகாத்மா காந்தியாலும், பிரதமர் திரு நரேந்திர மோடியாலும், நாட்டின் கோடிக்கணக்கான கிராமங்களில் உள்ள கைவினைஞர்களின் அயராத உழைப்பாலும் ஈர்க்கப்பட்டு, இந்தச் சாதனை எட்டப்பட்டுள்ளது என்று ஆணையத்தின் தலைவர் திரு.மனோஜ் குமார் கூறினார். பிரதமர் திரு நரேந்திர மோடியின் உள்நாட்டிலும் வெளிநாட்டிலும் அனைத்து தளங்களிலும் காதி தயாரிப்புகளை ஊக்குவிப்பதன் காரணமாக, இந்த தயாரிப்புகள் பெருகிய முறையில் பிரபலமடைந்துள்ளன என்று அவர் குறிப்பிட்டார். உலகளவில் மிகவும் நம்பகமான நிறுவனங்களில் காதி தயாரிப்புகள் இருப்பதாக அவர் கூறினார். நிதியாண்டு 2013-14 முதல் 2022-23 வரை, காதி மற்றும் கிராமத் தொழில்துறை பொருட்களின் உற்பத்தி 268% அதிகரித்து, விற்பனை 332% அதிகரித்து, அனைத்து சாதனைகளையும் முறியடித்தது. இது, 'உள்நாட்டு பொருட்கள்', 'உள்ளூர் தயாரிப்புகளுக்கான குரல்', 'மேக் இன் இந்தியா' திட்டங்களின் மீது, நாட்டு மக்கள் கொண்டுள்ள நம்பிக்கைக்கு சான்றாகும்.

காதிப் பொருட்களுக்கு புது வாழ்வு அளிக்கும் வகையில் காதி மற்றும் கிராமத் தொழில்கள் ஆணையத்தின் முயற்சியால், 'தன்னிறைவு முதல் செழுமை' என்பதை வலியுறுத்தி, 9 ஆண்டுகால மோடி அரசின் மத்திய ஆட்சியில், 9 சாதனைகள் எட்டப்பட்டுள்ளன.

1. காதி மற்றும் கிராமத் தொழில்துறைப் பொருட்களின் உற்பத்தியில் அபரிமிதமான வளர்ச்சி: 2013-14 நிதியாண்டில் ரூ. 26,109 கோடி, காதி மற்றும் கிராம தொழில்துறை பொருட்களின் உற்பத்தி 2022-23 நிதியாண்டில் 268% அதிகரித்து ரூ. 95,957 கோடி. கிராமப் புறங்களில் ஆணையம் ஆற்றி வரும் மகத்தான பணிகளுக்கு இது ஒரு வலுவான உதாரணம்.
2. காதி மற்றும் கிராமத் தொழில் தயாரிப்புகளின் விற்பனையில் அபரிமிதமான ஏற்றம்: கடந்த 9 நிதியாண்டுகளில், காதி மற்றும் கிராமத் தொழில்துறைப் பொருட்களின் விற்பனை ஒவ்வொரு ஆண்டும் புதிய சாதனைகளைப் படைத்து வருகிறது. 2013-14 நிதியாண்டில் ரூ. 31,154 கோடி, 2022-23 நிதியாண்டில் விற்பனையில் 332% என்ற வரலாறு காணாத அளவு ரூ. 1,34,630 கோடி அதிகரித்துள்ளது.
3. காதி துணிகள் உற்பத்தியில் புதிய சாதனை: காதி துணிகள் உற்பத்தியும் கடந்த 9 ஆண்டுகளில் இணையற்ற வளர்ச்சியைப் பதிவு செய்துள்ளது. 2013-14 நிதியாண்டில் ரூ. 811 கோடி, காதி ஆடை உற்பத்தி 2022-23 நிதியாண்டில் 260% அதிகரித்து ரூ. 2916 கோடியை எட்டியது.
4. காதி துணிகள் விற்பனையில் புதிய வரலாறு: கடந்த 9 நிதியாண்டுகளில் காதி துணிகளின் தேவையும் வேகமாக வளர்ந்துள்ளது. 2013-14 நிதியாண்டில் ரூ. 1081 கோடிகள், அதன் விற்பனை 2022-23 நிதியாண்டில் 450% உயர்ந்து ரூ. 5943 கோடியாக பதிவு செய்யப்பட்டுள்ளது. கோவிட்-19 தொற்றுநோய்க்குப் பிறகு, இயற்கை துணிகளுக்கான தேவை உலகம் முழுவதும் அதிவேகமாக அதிகரித்துள்ளது. இதன் காரணமாக காதி ஆடைகளுக்கான தேவையும் வேகமாக உயர்ந்தது. இதனுடன், பிரதமர் திரு நரேந்திர மோடியின் அனைத்து தளங்களிலும் காதி தயாரிப்புகளை விளம்பரப்படுத்தியது காதி துணிகள் விற்பனையில் பெரும் தாக்கத்தை ஏற்படுத்தியது.
5. வேலைவாய்ப்பு உருவாக்கம் மற்றும் ஒட்டுமொத்த வேலைவாய்ப்பு உருவாக்கத்தில் புதிய சாதனை: காதி மற்றும் கிராமத் தொழில் ஆணையத்தின் முக்கிய நோக்கம் கிராமப்புறங்களில் அதிகபட்ச வேலைவாய்ப்பை உருவாக்குவதாகும். இந்தத் துறைகளிலும் கடந்த 9 ஆண்டுகளில் ஆணையம் புதிய சாதனைகளைப் படைக்கத் தவறவில்லை. 2013-14 நிதியாண்டில் 130,38,444 ஆக இருந்த மொத்த வேலைவாய்ப்பு 2022-23 நிதியாண்டில் 36% அதிகரித்து 177,16,288 ஆக இருந்தது. இதேபோல், 2013-14 நிதியாண்டில் 5,62,521 புதிய வேலைகள் உருவாக்கப்பட்டாலும், 2022-23 நிதியாண்டில் இந்த எண்ணிக்கை 70% அதிகரித்து 9,54,899 ஆக இருந்தது.
6. காதி கைவினைஞர்களின் ஊதிய உயர்வு: காதித் தொழிலுடன் தொடர்புடைய காதி கைவினைஞர்கள், காதி துணிகளின் உற்பத்தி மற்றும் விற்பனையை அதிகரித்ததன் பலனைப் பெறுகின்றனர். 2013-14 நிதியாண்டிலிருந்து அவர்களின் ஊதியம் சுமார் 150% அதிகரித்துள்ளது. சமீபத்தில், ஏப்ரல் 1, 2023 முதல், காதி கைவினைஞர்களின் ஊதியம் கூடுதலாக 33% உயர்த்தப்பட்டுள்ளது.
7. புது தில்லியின் கனாட் பிளேஸில் 'கத்தி பவன்' புதிய சாதனை: அக்டோபர் 2, 2022 அன்று, புது தில்லி கனாட் பிளேஸில் 'கத்தி பவன்' விற்பனை புதிய சாதனையைப் படைத்தது. பிரதமரின் கோரிக்கையை ஏற்று காதி ஆர்வலர்கள் ஒரே நாளில் ரூ. 1.34 கோடி மதிப்பிலான தயாரிப்புகள் சாதனை படைத்துள்ளது.
8. பிரதமரின் வேலைவாய்ப்பு உருவாக்கும் திட்டத்தின் மூலம் சுயசார்பு இந்தியாவை அடைதல்: பிரதமர் திரு நரேந்திர மோடியின் சுதேசி திட்டம், நாட்டின் இளைஞர்களை ஈடுபடுத்தி, பிரதமரின் வேலைவாய்ப்பு உருவாக்கும் திட்டத்தில் புதிய சாதனை படைத்துள்ளது. 'வேலை தேடுபவராக மாறாமல் வேலை வழங்குபவராக மாற வேண்டும்' என்ற பிரதமரின் கனவை இத்திட்டம் நிறைவேற்றுகிறது. இந்த நிதியாண்டில் 8.69 லட்சம் புதிய திட்டங்கள் உருவாக்கப்பட்டு, இதன் மூலம் மொத்தம் 73.67 லட்சம் பேருக்கு வேலை வாய்ப்பு வழங்கப்பட்டுள்ளது. 2008-09 முதல் 2022-23 வரை ரூ. 21870.18 கோடி மானியமாக வழங்கப்பட்டுள்ளது. மேலும், 80% அலகுகள் கிராமப்புறங்களில் அமைக்கப்பட்டுள்ளன, இவற்றில் 50% பட்டியல் சாதியினர், பழங்குடியினர் மற்றும் பெண் தொழில்முனைவோரால் நடத்தப்படுகின்றன. மேலும் 14% அலகுகள் வளரும் மாவட்டங்களில் அமைக்கப்பட்டுள்ளன. 2022-23ல் 85167 யூனிட்களில் 9.37 லட்சம் வேலைகள் வழங்கப்பட்டுள்ளன.
9. 'கிராமத் தொழில்கள் மேம்பாட்டுத் திட்டத்தின்' புதிய சாதனை: காதி மற்றும் கிராமத் தொழில்கள் ஆணையம், நலிந்த பிரிவினர் மற்றும் சமூகத்தின் அடிமட்டத்தில் பணிபுரியும் கைவினைஞர்களின் நலனுக்காக கிராமத் தொழில்கள் மேம்பாட்டுத் திட்டத்தின் கீழ் பல முக்கியமான திட்டங்களைச் செயல்படுத்தி வருகிறது. 2017-18 ஆம் ஆண்டு முதல் இன்று வரை 1,89,989 லட்சம் தேனீ வளர்ப்பு கருவிகள் 19118 பயனாளிகளுக்கு “தேன் இயக்கம்” திட்டத்தின் கீழ் வழங்கப்பட்டுள்ளன. இதேபோல், சுமார் 25,000 குயவர்களுக்கு 'குயவர் மேம்பாட்டுத் திட்டம்' மூலம் நவீன மின்சார சக்கரங்கள் வழங்கப்பட்டுள்ளன.