Responsive Ad Slot

மலாவியில் சித்திரவதை: 5 மாத பள்ளி மூடல்: 7,000 மாணவர்கள் கர்ப்பமாக உள்ளனர்

No comments

Friday, 31 July 2020



கிழக்கு ஆப்பிரிக்கா நாடான மாலவியில் கொரோனா ஊரடங்கு நேரத்தில் 5 மாதங்கள் பள்ளிகள் மூடப்பட்ட நேரத்தில் 7000 மாணவிகள் கா்ப்பமாகி உள்ள தகவல் அதிர்ச்சியை ஏற்படுத்தி உள்ளது.

உலகையே அச்சுறுத்தி வரும் கொரோனா பரவலை தடுக்க உலகில் பல்வேறு நாடுகளிலும் ஊரடங்கு கடைப்பிடிக்கப்பட்டு வருகிறது. கிழக்கு ஆப்பரிக்க நாடான மாலவியிலும் கொரோனா பரவியதைத் தொடர்ந்து அங்கு கடந்த மார்ச் மாதம் முதல் ஊரடங்கை அந்நாட்டு அரசு அமல்படுத்தி வருகிறது.

இந்நிலையில் ஊரடங்கு நேரத்தில் அந்நாட்டு மாணவிகள் 10 முதல் 14 வயதுக்குட்பட்ட 7,000 பேர் கர்ப்பமாகி உள்ளதாக அந்நாட்டு அரசு அறிவித்துள்ளது. இது குறித்து அந்நாட்டின் இளைஞர் சுகாதார சேவை ஒருங்கிணைப்பாளர் பீட்டர் மாலிபா பேசியதாவது, ' கடந்த ஐந்து மாத காலமாக ஊரடங்கு கடைப்பிடிக்கப்பட்ட நேரத்தில் பள்ளிகள் மூடப்பட்டிருந்தன. இந்த சூழலில் 7,000க்கும் அதிகமான மாணவிகள் கர்ப்பம் அடைந்துள்ளனர். பாலோம்பே நகரில் மட்டும் 1000 மாணவிகளும், மிசம்பா மற்றும் நசான்ஜே நகரில் 724 மாணவிகளும் கர்ப்பம் அடைந்துள்ளனர்.' இவ்வாறு தெரிவித்தார்.

இதுகுறித்து அந்நாட்டின் கல்வித் துறை இயக்குனர் பெனிடிக்டோ கோன்டோவே தெரிவித்த தாவது, 'கொரோனா பரவல் நேரத்தில் இளம் பெண்கள் வாழ்க்கை சீரழிக்கப்பட்டுள்ளது. பல இடங்களில் பாலியல் வன்முறை சம்பவங்கள் நடந்துள்ளன' இவ்வாறு அவர் தெரிவித்தார்.

இது குறித்து பேசிய கென்யா நாட்டு அதிகாரிகள், ' ஊரடங்கின் போது கடந்த 3 மாத காலத்தில் மட்டும் கென்யாவில் மட்டும் 1,50,000 சிறுமிகள் கர்ப்பமடைந்துள்ளனர். இது சராசரி எண்ணிக்கையை விட 40 சதவீதம் அதிகமாகும்' இவ்வாறு தெரிவித்தனர்.

மெஹபூபா முப்தியின் காவலை மேலும் 3 மாதங்களுக்கு நீட்டித்தது

No comments


ஜம்மு - காஷ்மீர் முன்னாள் முதல்வரும் மக்கள் ஜனநாயகக் கட்சித் தலைவருமான மெஹபூபா முப்தி மீதான பொது பாதுகாப்பு சட்டக் காவல் மேலும் மூன்று மாதங்களுக்கு நீட்டிக்கப்பட்டுள்ளது.

ஜம்மு - காஷ்மீருக்கான சிறப்பு அந்தஸ்து கடந்தாண்டு ஆக.ல் விலக்கி கொள்ளப்பட்டது. அதையடுத்து முன்னெச்சரிக்கை நடவடிக்கையாக மெஹபூபா உள்ளிட்டோர் கைது செய்யப்பட்டனர். அவர் மீது மிகவும் கடுமையான பொது பாதுகாப்பு சட்டத்தின் கீழ் வழக்கு தொடரப்பட்டது.

கடந்த ஆண்டு ஆக.,5ம் தேதி முதல் அரசு பங்களாக்களில் சிறை வைக்கப்பட்ட அவர், இந்த ஆண்டு ஏப்., மாதம் 7ம் தேதியில் இருந்து வீட்டுக் காவலில் உள்ளார். அவருடைய காவல் ஓராண்டை கடந்த நிலையில், மேலும் மூன்று மாதங்களுக்கு, அவரது வீட்டுக் காவல் நீட்டிக்கப்பட்டுள்ளதாக மத்திய அரசு அறிவித்துள்ளது.

மக்கள் மாநாட்டுத் தலைவர் சஜாத் லோன், ஒரு வருட காவலுக்கு இன்றும் 5 நாட்கள் உள்ள நிலையில் இன்று விடுதலை செய்யப்பட்டார். வீட்டுக் காவலில் இருந்த முன்னாள் முதல்வர் ஒமர் அப்துல்லா மற்றும் அவரது தந்தை பாரூக் அப்துல்லா ஆகியோர் ஏற்கனவே விடுவிக்கப்பட்டுள்ளனர்.

20 பாஜக, எம்.எல்.ஏ.க்கள் காங்கிரஸ் கட்சியுடன் தொடர்பு: சித்ராமையா

No comments


கர்நாடகாவில் 20 பா.ஜ., எம்.எல்.ஏக்கள் காங்., உடன் தொடர்பு கொண்டுள்ளனர் என காங். முன்னாள் முதல்வர் சித்தராமையா கூறினார்.

இது குறித்து கூறப்படுவதாவது: கர்நாடகா, ம.பி. மற்றும் ராஜஸ்தான் மாநிலங்களில் காங்கிரஸ் ஆட்சி செய்து வந்தது அக்கட்சியின் மீது அதிருப்தியில் உள்ள எம்.எல் ஏக்கள் மற்றும் அமைச்சர்கள் பா.ஜ.,கட்சியில் சேருவதும் மாற்று அரசாக பா.ஜ., ஆட்சி அமைவதற்கும் துணை புரிந்து வருகின்றனர். அந்த வகையில் கர்நாடகா மற்றும் ம.பி.,யில் ஆட்சி மாற்றம் நிகழ்ந்துள்ளது. ராஜஸ்தானில் இன்னும் முடிவு எட்டப்படவில்லை.

இதனிடையே கர்நாடகாவில் கடந்த சில தினங்களுக்கு முன்னர் மாநில பா.ஜ., தலைவர் நலின் குமார் கட்டீல் தன்னுடன் 15 காங்., எம்.எல்ஏக்கள் தொடர்பு கொண்டுள்ளதாக கூறினார். மேலும் மாநில சட்டமேலவை உறுப்பிரான சிபி யோகேஸ்வர் முன்னாள் முதல்வர் குமாரசாமி பா.ஜ. அரசை ஆதரித்து வருவதாக கூறினார்.

இந்நிலையில் காங்.,கட்சியை சேர்ந்தவரும் முன்னாள் முதல்வருமான சித்தராமையா பா.ஜ.,எம்.எல்.ஏக்கள் 20 பேர் தன்னுடன் தொடர்பில் இருப்பதாக கூறினார்.
மாநில காங்., தலைவர் சிவகுமார் ,பா.ஜ.,வின் சட்டமேலவை உறுப்பினர் சி.பி.,.யோகேஸ்வர் காங்.,கட்சியில் சேர விரும்புவதாக கடந்த 15 நாட்களுக்கு முன்னதாக அணுகியதாக தெரிவித்துள்ளார்.


தமிழகத்தில் இன்று (ஜூலை 31) ஒரே நாளில் கொரோனா பாதிக்கப்பட்ட 5,778 பேர் டிஸ்சார்ஜ்

No comments


தமிழகத்தில் இன்று (ஜூலை 31) ஒரே நாளில் கொரோனா பாதிக்கப்பட்ட 5,778 பேர் டிஸ்சார்ஜ் செய்யப்பட்டுள்ளனர். இதனால் மொத்தம் டிஸ்சார்ஜ் செய்யப்பட்டவர்கள் எண்ணிக்கை 1.83 லட்சமாக அதிகரித்தது.

தமிழக சுகாதாரத்துறை வெளியிட்ட அறிக்கை: தமிழகத்தில் இன்று 5,881 பேருக்கு கொரோனா உறுதியாகியுள்ளது. அதில், 5,850 பேர் தமிழகத்தை சேர்ந்தவர்கள். வெளிமாநிலம், வெளிநாட்டில் இருந்து வந்தவர்கள் 31 பேர். இதனால் பாதிக்கப்பட்டவர்களின் எண்ணிக்கை 2,45,859 ஆக அதிகரித்துள்ளது.

தமிழகத்தில் உள்ள 120 ஆய்வகங்கள் (அரசு-59 மற்றும் தனியார் 61) மூலமாக, இன்று மட்டும் 60,276 மாதிரிகள் பரிசோதனை செய்யப்பட்டுள்ளன. இதனுடன் சேர்த்து, இதுவரை 26 லட்சத்து 58 ஆயிரத்து 138 மாதிரிகள் சோதனை செய்யப்பட்டுள்ளன.

இன்று கொரோனா உறுதியானவர்களில், 3,492 பேர் ஆண்கள், 2,389 பேர் பெண்கள். கொரோனா பாதித்த, ஆண்களின் மொத்த எண்ணிக்கை 1,49,107 ஆகவும், பெண்களின் எண்ணிக்கை 96,725 ஆகவும், மூன்றாம் பாலினத்தவர்களின் எண்ணிக்கை 27 ஆகவும் உள்ளது.

இன்று மட்டும் 5,778 பேர் டிஸ்சார்ஜ் செய்யப்பட்டனர். இதனால், வீடு திரும்பியவர்களின் எண்ணிக்கை ஒரு லட்சத்து 83 ஆயிரத்து 956 ஆக உள்ளது.

இன்று மட்டும் கொரோனா பாதித்த 97 பேர் உயிரிழந்தனர். அதில், 29 பேர் தனியார் மருத்துவமனையிலும், 68 பேர் அரசு மருத்துவமனையிலும் உயிரிழந்தனர். இதனால், தமிழகத்தில் கொரோனா உயிரிழப்பு 3,935 ஆக அதிகரித்துள்ளது.

தற்போது 57,968 பேர் சிகிச்சையில் உள்ளனர். 12 வயது வரை உள்ள சிறுவர், சிறுமிகள் என 12 ஆயிரத்து 263 பேர், 13 முதல் 60 வரை உள்ளவர்கள் 2 லட்சத்து 2 ஆயிரத்து 926 பேரும், 60 வயதுக்கு மேற்பட்டவர்கள் 30 ஆயிரத்து 670 பேரும் கொரோனாவால் பாதிக்கப்பட்டுள்ளனர். இவ்வாறு அறிக்கையில் கூறப்பட்டுள்ளது.


கொரோனாவுக்கு சிகிச்சையளிக்க ஆயுர்வேத மருந்துகளும் பயன்படுத்தப்படுகின்றன: விஜயபாஸ்கர்

No comments


கொரோனா சிகிச்சைக்கு ஆயுர்வேத மருந்துகளை வழங்க மருத்துவர்கள் பரிந்துரை செய்துள்ளதாகவும், அதனால் ஆயுர்வேத மருந்துகளும் பயன்படுத்தப்படுவதாக சுகாதாரத்துறை அமைச்சர் விஜயபாஸ்கர் தெரிவித்தார்.

அமைச்சர் விஜயபாஸ்கர் வெளியிட்ட அறிக்கை: தமிழக முதல்வர் தலைமையில் கொரோனா தொற்றை கட்டுப்படுத்தும் விதமாக பல்வேறு நடவடிக்கைகள் தொடர்ந்து மேற்கொள்ளப்பட்டு வருகிறது. கொரோனா தொற்றுக்கு உரிய மருந்துகள் இல்லாத நிலையில் நோயின் தன்மைக்கு ஏற்ப ஆங்கில முறை சிகிச்சை அளிக்கப்படுகிறது. மேலும், இந்திய மருத்துவ முறைகளான சித்தா மற்றும் ஆயுர்வேதா உள்ளிட்ட சிகிச்சைகளை அளிப்பதற்கு ‛ஆரோக்கியம்' திட்டத்தினை ஏப்.,23ல் முதல்வர் தொடங்கி வைத்தார். இதனையடுத்து நோய் எதிர்ப்பு சக்தியை அதிகரிக்க ஆயுர்வேத மருந்துகளும் பயன்படுத்தப்படுகிறது.

சிறுவில்வம், திப்பிலி வேர், தலைமூலம் உள்ளிட்ட 17 மூலிகைகள் அடங்கிய ஆயுர்வேத மருந்தான இந்துகாந்த கஷாயம், கடுக்காய் உள்ளிட்ட 27 பொருட்களை கொண்டு தயாரிக்கப்படும் அகஸ்திய ரசாயணம் மற்றும் வெண்பூசணி உள்ளிட்ட 11 பொருட்களை கொண்டு தயாரிக்கப்படும் கூஷ்மாண்ட ரசாயணம் ஆகியவை நோய் எதிர்ப்பு சக்தியை அதிகரிக்க செய்கிறது.
இவற்றை காலை மற்றும் இரவு என இருவேளை சாப்பிட டாக்டர்களால் பரிந்துரைக்கப்பட்டுள்ளது. இம்மருந்துகளை அரசு ஆரம்ப சுகாதார நிலையங்கள், அரசு மருத்துவமனைகள், அரசு மருத்துவக்கல்லூரி மருத்துவமனைகள் மற்றும் நாகர்கோவில் அரசு ஆயுர்வேத மருத்துவக் கல்லூரி மருத்துவமனை ஆகியவற்றில் செயல்பட்டு வரும் ஆயுர்வேத சிகிச்சை பிரிவுகளில் எவ்வித கட்டணமும் இல்லாமல் பெற்றுக் கொள்ளலாம்.

குழந்தைகள் மற்றும் கர்ப்பிணி பெண்கள் டாக்டரின் ஆலோசனைப்படி அருந்த வேண்டும். ஏற்கனவே தமிழக அரசால் சித்தா மருந்தான கபசுர குடிநீரும், ஓமியோபதி மருந்தான ஆர்செனிக் ஆல்பம் 30சி-ம் எவ்வித கட்டணமில்லாமல் வழங்குவது குறிப்பிடத்தக்கது. முதல்வரின் இதுபோன்ற மக்கள் நலன் காக்கும் நடவடிக்கையால் தமிழகத்தில் கொரோனா தடுப்பு மற்றும் சிகிச்சைகளை மேலும் வலுப்படுத்துவதாக அமையும். இவ்வாறு அந்த அறிக்கையில் கூறப்பட்டுள்ளது.

ரஜினியின் மகளாக கீர்த்தி..!! கசிந்தது ‘அண்ணாத்த’ பட கதை..?

No comments


படப்பிடிப்பே பாதி தான் நிறைவடைந்துள்ள நிலையில், ‘அண்ணாத்த' படத்தின் கதை இதுதான் என சமூக வலைதளங்களில் ஒரு கதை பரவிவருகிறது.

‘சூப்பர் ஸ்டார்' ரஜினிகாந்த்தின் 168-வது திரைப்படமாக, சன் பிக்சர்ஸ் தயாரிப்பில் ‘சிறுத்தை' சிவா இயக்கத்தில் நடிக்கும் திரைப்படம் ‘அண்ணாத்த'. இப்படத்தில் லேடி சூப்பர் ஸ்டார் நயன்தாரா, குஷ்பு, மீனா, கீர்த்தி சுரேஷ், பிரகாஷ் ராஜ், சதீஷ், சூரி ஆகியோர் முக்கிய வேடங்களில் நடிக்கின்றனர்.

இப்படத்திற்கு டி. இமான் இசையமைக்க, வெற்றி ஒளிப்பதிவை கையாளுகிறார். ரஜினிகாந்த்தின் கூட்டணியில் சன் பிக்சர்ஸ் கலாநிதிமாறன் இதனை மூன்றாவது படமாக தயாரித்த்வருகிறார்.

கொரோனா வைரஸ் தோற்று தீவிரம் அடைந்துவரும் காரணத்தால், ஆரம்பத்தில் இந்த ஆண்டு தீபாவளி வெளியீடாக திட்டமிடப்பட்ட ‘அண்ணாத்த' திரைப்படம், பின்னர் 2021 பொங்கல் வெளியீட்டிற்கு தள்ளப்பட்டது. இப்போது, அப்படம் மேலும் முன்னோக்கி தள்ளப்படலாம் மற்றும் 2021 பொங்கலுக்கு வெளியிடப்படாமல் போகலாம் என்று கூறப்படுகிறது.

இதற்கிடையில் இப்போது, இப்படத்தின்கதை இதுதான் என ஒரு புதுக்கதை சமூக வலைதளங்களில் பரவிவருகிறது. குடும்ப பொழுதுபோக்கான இப்படத்தில் ரஜினியின் முறைபெண்களாக மீனா மற்றும் குஷ்பு இருவரும் ரஜினியை திருமணம் செய்து கொள்ள ஒருவருக்கொருவர் போட்டியிடுவார்கள். இருப்பினும், அவர் இருவரையும் ஏமாற்ற விரும்பவில்லை என்பதால், அவர் வேறொரு பெண்ணை திருமணம் செய்து கொள்கிறார். அது அநேகமான நயன்தாராவாக இருக்கலாம். அவர்களுக்கு மகளாக கீர்த்தி சுரேஷ் பிறக்க, பின்னர் மீனா மற்றும் குஷ்பூவின் கதாபாத்திரங்கள் கீர்த்தியை தங்கள் மருமகளாகப் பெறுவதற்காக ஒருவருக்கொருவர் போட்டியிடுகின்றன. இறுதியில், கீர்த்தியை மருமகளாக யார் பெறுகிறார்கள் என்பது படத்தின் க்ளைமாக்ஸை உருவாக்குகிறது. இந்த படத்தில் சூரி மற்றும் சதீஷ் நகைச்சுவை பகுதியை கையாளுவார்கள், பிரகாஷ் ராஜ் ஒரு குறிப்பிடத்தக்க பாத்திரத்தை செய்வார் என பேசப்படுகிறது.

‘அண்ணாத்த' படத்தின் மீதமுள்ள படப்பிடிப்பு 2021-ல் தான் மீண்டும் தொடங்கப்படலாம் என்று தெரிகிறது. படக்குழு உறுப்பினர்களின் பாதுகாப்பு காரணங்களுக்காக இதன் படப்பிடிப்பை இந்த ஆண்டு இறுதி வரை ஒத்திவைக்குமாறு சூப்பர் ஸ்டார் ரஜினிகாந்த், தயாரிப்பாளர்களிடம் கோரிக்கை விடுத்துள்ளார் என சமீபத்தில் தகவல்கள் வெளியாகின.

சீன வண்ண தொலைக்காட்சி இறக்குமதிக்கு இந்தியா கட்டுப்பாடுகளை விதிக்கிறது

No comments


லடாக் எல்லை பிரச்னை தொடர்பாக இந்தியாவுக்கும் சீனாவுக்கும் இடையே நடந்த மோதலை தொடர்ந்து சீனாவுக்கு எதிரான நடவடிக்கையாக அந்நாட்டு கலர் டிவி இறக்குமதிக்கு கட்டுப்பாடு விதிக்கப்பட்டுள்ளது.

கல்வான் மோதலைத் தொடர்ந்து சீன செயலிகளுக்கு மத்திய அரசு தடை விதித்தது. அதையடுத்து சீனாவில் இருந்து மின்கருவிகள் எதுவும் இறக்குமதி செய்ய வேண்டாம் என மின்நிறுவனங்களிடம் மத்திய அரசு கேட்டுக் கொண்டுள்ளது. ரயில்வே துறைகளிலும் நெடுஞ்சாலைத் துறைகளிலும் சீனாவுக்கு அளிக்கப்பட்டிருந்த ஒப்பந்தங்கள் அனைத்தும் ரத்து செய்யப்பட்டன.

இந்நிலையில் சீன கலர் டிவி இறக்குமதிக்கு மத்திய அரசு கட்டுப்பாடு விதித்துள்ளது. இதற்கு முன் கட்டுப்பாடு இல்லாமல் இருந்த நிலையில் சீனாவில் இருந்து கலர் டிவி இறக்குமதி செய்ய தற்போது கட்டுப்பாடு விதிக்கப்பட்டுள்ளது.

இது குறித்து வெளிநாட்டு வர்த்தக பொது இயக்குனரகம் வெளியிட்டுள்ள அறிக்கையில், ' தற்போது கலர் டிவிக்கான இறக்குமதி கொள்கையில் மாற்றம் கொண்டு வரப்பட்டுள்ளது. அதற்கு மத்திய அரசிடம் லைசென்ஸ் பெற வேண்டியது அவசியம். சீனாவின் கலர் டிவி வர்த்தகத்தை கட்டுப்படுத்தவே இந்த நடவடிக்கை' இவ்வாறு அறிவிக்கப்பட்டுள்ளது.

இந்தியாவில் ஆண்டு ஒன்றுக்கு 15 ஆயிரம் கோடி ரூபாய் மதிப்பில் டிவி வணிகம் நடக்கிறது. இதில் 36 சதவீதம் சீனா மற்றும் கிழக்காசிய நாடுகளில் இருந்து இறக்குமதியாகின்றன என்பது குறிப்பிடத்தக்கது.


‘அண்ணாத்த’ நடிகையின் ஒர்க்அவுட் புகைப்படங்கள்.! இணையத்தில் வைரல்..

No comments


கொரோனா வைரஸ் பூட்டுதல் பலரை கடுமையான மாற்றத்திற்கு உள்ளாக்கியுள்ளது, மேலும் பிரபலங்களும் இதற்கு விதிவிலக்கல்ல. பல நட்சத்திரங்கள் எடை அதிகரித்துள்ளனர், எடை இழந்துள்ளனர், நீண்ட தாடி மற்றும் புதிய சிகை அலங்காரங்களுடன் புதிய தோற்றத்திற்கு மாற்றப்பட்டுள்ளனர்.

சில நட்சத்திரங்கள் தங்களை கச்சிதமாக வைத்திருப்பதில் தங்கள் முயற்சியைச் செய்து வருகின்றனர். இந்த பூட்டுதலின் போது ரசிகர்களை திகைக்க வைத்த நட்சத்திரங்களில் ஒருவராக நடிகை குஷ்பு இடம்பெற்றுள்ளார்.

சில மாதங்களுக்கு முன்பு பூட்டுதல் தான் தனது எடையை குறைக்கச் செய்தது என்பதை வெளிப்படுத்தியிருந்த குஷ்பு, யோகா செய்யும் சில புகைப்படங்களை தனது ட்விட்டர் பக்கத்தில் பகிர்ந்துகொண்டுள்ளார். அவரது சமீபத்திய உடற்பயிற்சி புகைப்படங்கள் தற்போது இணையத்தில் வைரலாகிவருகிறது.



பணி முன்னணியில், குஷ்பு அடுத்ததாக சூப்பர் ஸ்டார் ரஜினிகாந்துடன் ‘அண்ணாத்த' படத்தில் நடிக்கிறார். சிறுத்தை சிவா இயக்கும் இப்படத்தை சன் பிக்சர்ஸ் கலாநிதிமாறன் தயாரிக்கிறார்.

மேலும், ராதிகா, ஊர்வசி, சுஹாசினி ஆகியோருடன் இணைந்து நடித்த ‘ஓ அந்த நாட்கள்' படத்தின் வெளியீட்டுக்காகவும் காத்திருக்கிறார்.

வெளியானது ‘அண்டாவ காணோம்’ டீஸர்; ஆகஸ்ட் 28 திரைப்படம் வெளியீடு.!

No comments


விஜய் சேதுபதியின் குரல் பின்னணியுடன் வெளியான அண்டாவ காணோம் டீஸர் தற்போது வைரலாகிவருகிறது.

தமிழில் விஷாலின் ‘திமிரு' படத்தில் மிரட்டலான வில்லியாக அறிமுகமானவர் ஸ்ரேயா ரெட்டி. இதனைத் தொடர்ந்து ‘வெயில், பள்ளிக்கூடம், காஞ்சிவரம்' போன்ற வெற்றிப் படங்களில் நடித்துள்ளார். தற்போது, ஸ்ரேயா ரெட்டி நடிப்பில் உருவாகியுள்ள படம் தான் ‘அண்டாவ காணோம்'.


சி.வேல்மதி இயக்கியுள்ள இப்படத்தில் ஸ்ரேயா ரெட்டியின் ‘அண்டா'விற்கு கோலிவுட்டின் முன்னணி நடிகர்களில் ஒருவரான ‘மக்கள் செல்வன்' விஜய் சேதுபதி பின்னணி குரல் கொடுத்துள்ளார். அஸ்வமித்ரா இசையமைத்துள்ள இதற்கு ஒளிப்பதிவாளராக பி.வி.ஷங்கர், படத்தொகுப்பாளராக சத்யராஜ் நடராஜன், கலை இயக்குநராக ஏ.கே.முத்து, பாடலாசிரியராக மதுரகவி ஆகியோர் பணியாற்றியுள்ளனர்.

இப்படத்தை ‘JSK ஃபிலிம் கார்ப்பரேஷன்' நிறுவனம் ஜே.சதீஷ் குமாருடன் இணைந்து ‘லியோ விஷன்' நிறுவனம் சார்பில் வி.எஸ்.ராஜ்குமார் தயாரித்துள்ளார். கடந்த 2016ம் ஆண்டே இந்த படத்தின் ட்ரைலர் வெளியான நிலையில் ரசிகர்களிடையே நல்ல வரவேற்பை பெற்றது. அதுமட்டுமின்றி, படத்தின் மீதான எதிர்பார்ப்பையும் அதிகரிக்கச் செய்தது.

சுமார் 3 ஆண்டுகால போராட்டத்திற்கு பிறகு வரும் ஆகஸ்ட் மாதம் 28ம் தேதி இந்த படம் OTT தளத்தில் வெளியாகிறது. இப்போது இப்படத்தின் டீஸர் மக்கள் செல்வனால் வெளியிடப்பட்டு வைரலாகிவருகிறது.

'முத்து' இனி பாதிக்கப்படாது; 260 நாட்களுக்குப் பிறகு மரக் கூண்டிலிருந்து 'ரிலீஸ்'

No comments


பொள்ளாச்சி அடுத்த அர்த்தநாரிபாளையத்தில் கடந்தாண்டு நவ., 9ம் தேதி, விளைநிலத்துக்குள் புகுந்த ஒற்றை ஆண் யானை தாக்கியதில், விவசாயி ராதாகிருஷ்ணன், 55, இறந்தார்; திருமாத்தாள், 50, என்பவர் காயமடைந்தார். இந்த சம்பவத்திற்கு முன், நவமலையில், 7 வயது குழந்தை உட்பட இருவர் இந்த யானை தாக்கியதில் உயிரிழந்தனர்.

மக்களால், 'அரிசி ராஜா' என அழைக்கப்பட்ட இந்த யானையைப் பிடிக்க வனத்துறையினர் திட்டமிட்டனர். அதற்காக, டாப்சிலிப் முகாமில் உள்ள, 'கலீம், கபில்தேவ்' என்ற இரு கும்கி யானைகளை அழைத்து வந்தனர். கும்கிகளின் உதவியுடன் நவ., 14ம் தேதி அந்த யானையைப் பிடித்து, டாப்சிலிப் வரகளியாறில் மரக்கூண்டில் (கிரால்) அடைத்தனர். 19 வயதான அந்த யானைக்கு வனத்துறையினர், 'முத்து' எனப்பெயரிட்டு கடந்த, எட்டு மாதங்களாக பயிற்சியளித்து வந்தனர். தற்போது அந்த யானை, உத்தரவுகளை புரிந்து நடந்து கொள்வதால், மரக்கூண்டில் இருந்து இன்று வெளியே கொண்டு வந்துள்ளனர்.

புலிகள் காப்பக உதவி வன பாதுகாவலர் செல்வம் கூறுகையில், ''260 நாட்கள் பயிற்சிக்குப்பின் 'முத்து' யானை, மரக்கூண்டில் இருந்து வெளியே அழைத்து வரப்பட்டுள்ளது. பாகன்களின் கட்டளைகளை புரிந்துகொண்டு, கீழ்ப்படிந்து நடக்கிறது. 'முத்து'வால் இனி யாருக்கும் பாதிப்பு ஏற்படாது,'' என்றார்.

ஆந்திராவில் 3 தலைநகரங்கள்: ஆளுநர் ஒப்புதல் அளித்தார்

No comments


ஆந்திர மாநிலத்தில் 3 தலைநகரங்களை உருவாக்கும் மசோதாவுக்கு அம்மாநில கவர்னர் ஒப்புதல் அளித்துள்ளார்.

ஆந்திராவில் தற்போது அமராவதி தலைநகரமாக விளங்குகிறது. இந்நிலையில், ஜெகன் மோகன் ரெட்டி முதல்வராக பதவியேற்றதும், ஆந்திராவில் 3 தலைநகரங்கள் இருக்கும் என்று அறிவித்தார். அதன்படி, அமராவதியை சட்டப்பேரவை தலைநகராகவும், விசாகப்பட்டினத்தை நிர்வாகத் தலைநகராகவும் (தலைமைச் செயலகம்), கர்னூலை நீதித்துறைத் தலைநகராகவும் (உயர் நீதிமன்றம்) உருவாக்கி, மாநிலத்திலுள்ள 13 மாவட்டங்களும் சம வளர்ச்சி அடைவதற்கு தேவையான ஏற்பாடுகள் செய்யப்படும் என அறிவித்தார்.

இதற்கு சந்திரபாபு நாயுடுவின் தெலுங்கு தேசம் கட்சி எதிர்ப்பு தெரிவித்து வந்தது. வெவ்வேறு தலைநகரங்கள் அமைவதால் ஒவ்வொன்றுக்கும் மக்களை ஒவ்வோரு இடத்துக்கு அலைக்கழிக்கும் வேலை இது எனக்கூறி தெலுங்கு தேசம் எதிர்த்தது.

இந்நிலையில், இந்த மூன்று தலைநகர் மசோதா சட்டசபையில் ஏற்கனவே நிறைவேற்றப்பட்டுள்ள நிலையில், கவர்னர் ஒப்புதலுக்காக அனுப்பப்பட்டிருந்தது. தற்போது ஆந்திர மாநில கவர்னர் இதற்கு ஒப்புதல் அளித்துள்ளார். இதனையடுத்து 3 தலைநகர் நிர்வாகப் பணிகளை இனி ஆந்திர அரசு தொடங்கும் என்று எதிர்பார்க்கப்படுகிறது.


ஜெயலலிதாவின் வீட்டில் புத்தகங்கள்: திருக்குறலில் இருந்து டிஸ்கவரி ஆஃப் இந்தியா வரை

No comments


அரசுடைமையாக்கப்படும், முன்னாள் முதல்வர் ஜெயலலிதாவின் வேதா நிலைய இல்லத்தில், திருக்குறள் முதல் ஜவஹர்லால் நேருவின் டிஸ்கவரி ஆப் இந்தியா என 8,736 புத்தகங்கள் உள்ளது தெரியவந்துள்ளது.

முன்னாள் முதல்வர் ஜெயலலிதா வசித்த போயஸ் கார்டனில் உள்ள வேதா நிலையம் இல்லம் அரசுடைமையாக்கப்பட்டுள்ளது. ஜெயலலிதா வீட்டில் இருந்த 32,721 அசையும் பொருட்களில் 8,376 புத்தகங்களும் அடக்கும். அதில், திருக்குறள் முதல் ஜவஹர்லால் நேருவின் டிஸ்கவரி ஆப் இந்தியாவும், சுயசரிதை புத்தகங்கள் அடக்கம்.

இது தொடர்பாக ஜெயலலிதா வீட்டில் பணியாற்றிய ஒருவர் கூறுகையில், புத்தகங்களில்75 சதவீதம் ஆங்கில நூல்கள் தான். தமிழ் புத்தகங்கள் பலவும் ஈ.வெ.ராமசாமி மற்றும் முன்னாள் முதல்வர் அண்ணாதுரையில் படைப்புகள். மேலும், திருக்குறள் மொழிபெயர்ப்பு, ஆதி சங்கரரின் புத்தகங்கள், கண்ணதாசனின் அர்த்தமுள்ள ஹிந்து மதம்,, தி டிஸ்கவரி ஆப் இந்தியா ஆப் இந்தியா புத்தகம் பாதுகாக்கப்பட்டது.

அண்ணாதுரை, எம்.ஜி.ஆர்., மற்றும் ஜெயலலிதா குறித்து எழுதப்பட்ட ஆராய்ச்சி கட்டுரைகள், அகத்தா கிறிஸ்டியின் திகில் நாவல்கள் மற்றும் குஷ்வந்த் சிங்கின் நாவல்களும் இடம் பெற்றிருந்தன. தலைவர்களின் சுயசரிதைகளை ஜெயலலிதா விரும்பி படிப்பார். அந்த வகையில், ஆப்ரஹாம் லிங்கன், ரொனால்ட் ரீஹன் ஆகியோரின் புத்தகங்களும் உள்ளன. அந்த புத்தகங்களில் ஜெயலலிதா குறிப்புகளை எடுத்துள்ளார்.

தினமும் குறைந்தது ஒரு மணி நேரம் ஜெயலலிதா புத்தகங்களை வாசிப்பார். ஒவ்வொரு புத்தகத்திலும் 3 பிரதிகள் வாங்கப்பட்டு, போயஸ் கார்டன், சிறுதாவூர் பங்களா, கோடநாடு எஸ்டேட்டில் உள்ள நூலகங்களில் வைக்கப்பட்டிருக்கும். இவ்வாறு அவர்கள் தெரிவித்தனர்.

சமூக வலைப்பின்னல் தளங்களுக்கு தடை: மத்திய மற்றும் மாநில அரசுகளுக்கு சென்னை ஐகோர்ட் நோட்டீஸ்

No comments


கந்த சஷ்டி கவசத்தை கொச்சைப்படுத்தி வீடியோ வெளியிட்ட விவகாரத்தில் சமூக வலைதலங்கள் மீது நடவடிக்கை எடுக்கக்கோரி தொடரப்பட்ட மனுவுக்கு பதிலளிக்க மத்திய , மாநில அரசுகளுக்கு சென்னை ஐகோர்ட் உத்தரவிட்டுள்ளது.

ஹிந்துக்கள் மனம் புண்படும்படி, தொடர்ச்சியாக, கருப்பர் கூட்டம் என்ற, யு டியூப் சேனலில், வீடியோக்கள் வெளியிடப்பட்டு வந்தன.முருகப் பெருமானை போற்றி பாடப்படும், கந்த சஷ்டி கவசத்தை ஆபாசமாக சித்தரித்து, சமீபத்தில் வீடியோக்கள் வெளியிடப்பட்டன.இது குறித்து, மத்திய குற்றப்பிரிவு போலீசார் விசாரித்து, வேளச்சேரியைச் சேர்ந்த, செந்தில்வாசன், 49, போரூர் அடுத்த, ராமாபுரத்தைச் சேர்ந்த, சுரேந்திரன் நடராஜன் உட்பட, நான்கு பேரை கைது செய்து, சிறையில் அடைத்தனர்.

இந்நிலையில், ஹிந்து மத உணர்வுகளை புண்படுத்தும் வகையில் கந்த சஷ்டி கவசத்தை கொச்சைப்படுத்தி வீடியோ வெளியிட்ட வி வகாரத்தில், யுடியூப், பேஸ்புக், டுவிட்டர் நிறுவனங்கள் மீது நடவடிக்கை எடுக்க வேண்டும் எனக்கூறி, சென்னை அண்ணாநகரை சேர்ந்த சார்லஸ் அலெக்சாண்டர் என்ற வழக்கறிஞர் சென்னை உயர்நீதிமன்றத்தில் வழக்கு தொடர்ந்தார்.

அவர் தனது மனுவில் சமூக வலைதளங்களில் வெறுப்பு பிரசாரம் தொடர்ந்து நடைபெற்று வருகிறது. அரசியல் தலைவர்கள் துவங்கி, கடவுள்கள் வரை அவமதிக்கப்படுகின்றனர். கடந்த 2018 ம் ஆண்டு சமூக வலைதளங்களை கண்காணிக்க மத்திய அரசு விதிகளை வகுத்துள்ளது. அதனை பின்பற்றி இருந்தால் சட்ட விரோத நிகழ்வுகள் தடுக்கப்பட்டிருக்கலாம் என தெரிவி்கப்பட்டுள்ளது.

இந்த வழக்கை விசாரித்த நீதிபதிகள் சுந்தரேஷ், ஹேமலதா அடங்கிய அமர்வு, மூன்று வாரங்களில் பதிலளிக்கும்படி மத்திய மாநில அரசுகளுக்கு உத்தரவிட்டுள்ளது.

ஆகஸ்ட் 31 வரை சர்வதேச விமானங்கள் ரத்து செய்யப்பட்டன

No comments


 சர்வதேச விமான சேவை ரத்து வரும் ஆக.,31 வரை நீட்டிக்கப்பட்டுள்ளதாக மத்திய விமான போக்குவரத்து இயக்குநரகம் தெரிவித்துள்ளது.

கொரோனா பரவல் காரணமாக அமல்படுத்தப்பட்டுள்ள ஊரடங்கு, ஆக., 31 வரை, பல்வேறு தளர்வுகளுடன் நீட்டிக்கப்பட்டுள்ளது. கொரோனா பரவலை கட்டுப்படுத்துவதற்காக சர்வதேச விமான சேவை கடந்த மார்ச் மாதம் ரத்து செய்யப்பட்டது. அது தொடர்ந்து நீட்டிக்கப்பட்டு வருகிறது.

இந்நிலையில், சர்வதேச பயணிகள் விமான சேவை, ஆக., 31 வரை ரத்து செய்யப்பட்டுள்ளதாக மத்திய விமான போக்குவரத்து இயக்குனரகம் தெரிவித்துள்ளது.

மேலும் வெளிநாட்டில் சிக்கியுள்ள இந்தியர்களை தாயகம் அழைத்து வருவதற்காக, வந்தேபாரத் திட்டத்தின் மூலம் சிறப்பு விமானங்களுக்கு அனுமதி அளிக்கப்படும். சரக்கு விமானங்களுக்கு இந்த விதிமுறை பொருந்தாது எனவும் தெரிவித்துள்ளது.

மேட்டுப்பாளையத்தில் சிகிச்சை பலனின்றி மேலும் ஒரு யானை உயிரிழப்பு

No comments


மேட்டுப்பாளையம் வனச்சரகத்தில், நெல்லிமலை காப்புக்காட்டில் உயிருக்குப் போராடி வந்த யானை, சிகிச்சை பலனின்றி இன்று உயிரிழந்தது.

மேட்டுப்பாளையம் வனசரகத்திற்கு உட்பட்ட நெல்லிமலை காப்புக்காட்டில், 10 வயது மதிக்கத்தக்க ஆண் யானை, உடல் சோர்வு அடைந்த நிலையில் நகர முடியாமல் ஓரிடத்தில் படுத்துக் கொண்டது. இதுகுறித்து தகவலறிந்த வனத்துறையினர், உயிருக்கு போராடிய நிலையில் தரையில் படுத்திருந்த யானையை நேற்று கண்டறிந்தனர். தேக்கம்பட்டி வன கால்நடை மருத்துவர் மற்றும் மாவட்ட வன மருத்துவ குழுவினர் யானைக்கு தீவிர சிகிச்சை அளித்து வந்தார். இந்நிலையில் இன்று அதிகாலை சிகிச்சைப் பலனின்றி யானை உயிரிழந்தது.

வனத்துறையினர் கூறுகையில், 'யானையின் மேல் இடது தாடையின் கடவாய் பற்களுக்கு முன், 20 செ.மீ., ஆழத்தில், 9 செ.மீ., விட்டத்தில் காயம் இருந்தது. மற்றொரு யானையுடன் ஏற்பட்ட சண்டையில் இந்த காயம் ஏற்பட்டிருக்கலாம். காயத்தில் புழுக்கள் இருந்தன. இதனால், யானைக்கு காயம் ஏற்பட்டு 8 முதல் 10 நாட்களாக ஆகியிருந்திருக்கலாம். இந்தக் காயத்தால் உணவு உண்ண முடியாமல் மிகுந்த சோர்வடைந்து யானை இறந்திருக்கக்கூடும்' என்றனர்.

'மேட்டுப்பாளையம் வனப்பகுதியில் தொடர்ந்து யானைகள் உயிரிழப்பது பெரும் சர்ச்சையை ஏற்படுத்தியுள்ளது. இந்தத் தொடர் மரணங்கள் குறித்து, தீவிர விசாரணை மேற்கொள்ள வேண்டும்' என, வன ஆர்வலர்கள் வலியுறுத்தி வருகின்றனர்.

புதிய கல்விக் கொள்கையை காங்கிரஸ் மூத்த தலைவர் வரவேற்பு

No comments


மத்திய அரசு வெளியிட்ட புதிய கல்விக் கொள்கையை காங்கிரஸ் மூத்த தலைவரும், எம்பி.,யுமான சசி தரூர் வரவேற்றுள்ளார்.

இது குறித்து காங்கிரஸ் எம்பி., சசிதரூர் டுவிட்டரில் பதிவிட்டுள்ளதாவது: 2020-ம் ஆண்டு புதிய கல்விக் கொள்கையை வரவேற்க நிறைய இருக்கிறது. எங்களில் சிலர் அளித்த பல பரிந்துரைகள் கவனத்தில் எடுத்துக் கொள்ளப்பட்டதாக தெரிகிறது. இருப்பினும் இது ஏன் முதலில் நாடாளுமன்றத்தில் விவாதத்திற்காக கொண்டுவரப்படவில்லை என்ற கேள்வி எழுந்துள்ளது. மனிதவள மேம்பாட்டு அமைச்சகத்தில் நான் இருந்த நாளில் இருந்து, 21-ம் நூற்றாண்டுக்கு ஏற்றவாறு 1986-ம் ஆண்டு தேசிய கல்விக் கொள்கையை திருத்தி அமைக்கும்படி பரிந்துரைத்து வந்தேன்.

மோடி அரசு இதை செய்வதற்கு 6 ஆண்டுகள் எடுத்துக் கொண்டாலும் கூட இதை செய்ததில் மகிழ்ச்சி அடைகிறேன். இதில் சவால் என்னவென்றால் நமது எதிர்பார்ப்புகள் நடைமுறைக்கு வருவதை உறுதி செய்வது ஆகும். மொத்த உள்நாட்டு உற்பத்தில் 6% கல்விக்கு செலவிடப்பட வேண்டும் என கூறப்பட்டுள்ளது. ஆனால், கடந்த 6 ஆண்டுகளில் மோடி அரசு கல்விக்கான செலவை குறைத்துள்ளது. இவ்வாறு அவர் பதிவிட்டுள்ளார்.

புதிய கல்வி கொள்கை: பிரதமர் மோடி நாளை உரை

No comments


புதிய கல்விக் கொள்கை குறித்து பிரதமர் மோடி நாளை (ஆக.,01) மாலை 4.30 மணிக்கு நாட்டு மக்களுக்கு உரையாற்றுகிறார்.

இந்தியாவின் புதிய கல்விக் கொள்கை நேற்று முன்தினம் (ஜூலை 29) மத்திய அரசு வெளியிட்டது. அதில், மொத்த உள்நாட்டு உற்பத்தியில் 6 சதவீதம் கல்விக்கு ஒதுக்குவது, தொழில்முறைக் கல்வி, நெகிழ்வான பாடத்திட்டங்கள், பாடங்களில் படைப்புச் சேர்க்கைகள், ஒருங்கிணைந்த தொழில் கல்வி மற்றும் உரிய சான்றிதழ்களுடன் பல்முனை நுழைவு, வெளியேறுதல், ஆய்வுகளுக்காக அதிக நிதி ஒதுக்குவது, ஐந்தாம் வகுப்பு வரை தாய் மொழிக் கல்வி, மும்மொழிக் கொள்கை, எம்.பில் படிப்புகள் ரத்து உள்ளிட்ட பல மாற்றங்கள் செய்யப்பட்டுள்ளன.

இந்த புதிய கல்விக் கொள்கை குறித்து எதிர்க்கட்சிகளில் இருந்து சில ஆதரவு கருத்துகளும், எதிர்ப்பு கருத்துகளும் வருகின்றன. இந்நிலையில், புதிய கல்விக் கொள்கை குறித்து பிரதமர் மோடி நாளை (ஆக.,01) மாலை 4.30 மணிக்கு நாட்டு மக்களுக்கு உரையாற்றுகிறார். இந்த உரையில் கொரோனா பாதிப்பு, ரபேல் போர் விமானம் உள்ளிட்டவை குறித்தும் குறிப்பிடுவார் என எதிர்பார்க்கப்படுகிறது.

டிக்டாக் நிறுவனம் இந்தியாவின் தகவல்களை எந்தவொரு நாட்டு அரசுடனும் பகிர்ந்து கொள்ளவில்லை

No comments


டிக்டாக் நிறுவனம் இந்திய பயன்பாட்டாளர்களின் தகவல்களை எந்தவொரு வெளிநாட்டு அரசுடனும் பகிர்ந்து கொள்ளவில்லை எனவும், எதிர்காலத்தில் கேட்டாலும் அந்த செயலை செய்ய மாட்டோம் எனவும் டிக்டாக் இந்தியாவின் தலைவர் நிகில் காந்தி விளக்கமளித்துள்ளார்.

கடந்த மாதம் 29ம் தேதி, இந்தியாவின் இறையாண்மை மற்றும் ஒருமைப்பாட்டிற்கு குந்தகம் விளைவிக்கும் ஆபத்தை தடுக்கவும், நாட்டின் பாதுகாப்பு காரணமாகவும் டிக்டாக் உள்ளிட்ட 59 சீன செயலிகள் இந்தியாவில் தடை செய்யப்பட்டன. சீனாவின் பீஜிங்கை தலைமையிடமாக கொண்டுள்ள பன்னாட்டு தொழில்நுட்ப நிறுவனமான பைட் டான்ஸுக்குச் சொந்தமான டிக்டாக் செயலிக்கு சர்வதேச அளவில் இருக்கும் ஒட்டுமொத்த பயனாளர்களில் பாதிக்கு மேலான பங்களிப்பு இந்தியாவில் இருந்தது.

தற்போது விதிக்கப்பட்டுள்ள தடை உத்தரவால் டிக்டாக் நிறுவனத்துக்கு 6 பில்லியன் டாலர் வரையில் இழப்பு ஏற்படும் என்று மதிப்பிடப்பட்டுள்ளது. அதாவது இந்திய ரூபாய் மதிப்பில் மட்டும் ரூ.44,790 கோடி வரையில் நஷ்டம் ஏற்படும் என்று தெரிவிக்கப்பட்டுள்ளது.

இந்நிலையில், டிக்டாக் இந்தியாவின் தலைவர் நிகில் காந்தி, ப்ளாக் (Blog) எனப்படும் வலைப்பதிவில் பதிவிட்டுள்ளதாவது: டிக்டாக் நிறுவனம் இந்திய பயன்பாட்டாளர்களின் தகவல்களை எந்தவொரு வெளிநாட்டு அரசுடனும் பகிர்ந்து கொள்ளவில்லை. எதிர்காலத்தில் கேட்டாலும் அந்த செயலை செய்யாது. எங்கள் செயல்பாடுகளின் காலம் முழுவதும், பயனர்களின் பிரைவசி மற்றும் பாதுகாப்புத் தேவைகள் உள்ளிட்ட உள்ளூர் சட்டங்களுடன் இணங்குவதற்கான தெளிவான உறுதிப்பாட்டை நாங்கள் நிரூபித்துள்ளோம். மத்திய அரசிடம் எங்களைப் பற்றிய தகவல்களைக் கொடுக்கவும், அரசுக்கு பாதுகாப்பு குறித்த தகவல்களை தெளிவுபடுத்தும் நடவடிக்கைகள் மேற்கொள்ளப்பட்டு வருகிறது. இவ்வாறு அவர் பதிவிட்டுள்ளார்.


சென்னை மெட்ரோ ரயில் நிலையங்களுக்கு அண்ணாதுரை, எம்ஜிஆர், ஜெயலலிதா பெயர்: முதல்வர் அறிவிப்பு

No comments


சென்னையில் உள்ள மூன்று மெட்ரோ ரயில் நிலையங்களுக்கு முன்னாள் முதல்வர்களான அண்ணாதுரை, எம்ஜிஆர், ஜெயலலிதா ஆகியோரில் பெயர் சூட்டப்படுவதாக முதல்வர் அறிவிப்பு வெளியிட்டுள்ளார்.

சென்னையில் கடந்த 2015 முதல் மெட்ரோ ரயில் சேவை பயன்பாட்டில் உள்ளது. பல்வேறு இடங்களில் மெட்ரோ ரயில் சேவையால் மக்கள் பயனடைந்து வருகின்றனர். சில இடங்களில் மெட்ரோ ரயில் சேவைக்கான பணிகள் தொடர்ந்து நடைபெற்று வருகின்றன. இந்நிலையில் சென்னையில் உள்ள மூன்று முக்கிய மெட்ரோ ரயில் நிலையங்களுக்கு முன்னாள் முதல்வர்களின் பெயர்களைச் சூட்டி முதல்வர் இபிஎஸ் அறிவிப்பு வெளியிட்டுள்ளார்.

அதன்படி, சென்னை பன்னாட்டு விமான நிலையத்திற்கு அண்ணா பன்னாட்டு முனையம் என்று பெயரிட்டதைப் போல், ஆலந்தூர் மெட்ரோ என்பதை மாற்றி 'அறிஞர் அண்ணா ஆலந்தூர் மெட்ரோ' என்று பெயரிடப்படுவதாக அறிவித்துள்ளார். மேலும், சென்னை சென்ட்ரல் ரயில் நிலையத்திற்கு 'புரட்சித் தலைவர் டாக்டர் எம்.ஜி.ராமச்சந்திரன் சென்ட்ரல் ரயில் நிலையம்' என பெயர் வைத்ததைப் போல சென்ட்ரல் மெட்ரோ என்பது 'புரட்சித் தலைவர் டாக்டர் எம்.ஜி.ராமச்சந்திரன் சென்ட்ரல் மெட்ரோ' என்று அழைக்கப்படும் என்று தெரிவித்துள்ளார்.

அதேபோல், கோயம்பேடு புறநகர் பேருந்து நிலைய மெட்ரோவுக்கு மறைந்த முதல்வர் ஜெயலலிதா பெயர் சூட்டப்பட்டுள்ளது. சென்னை மெட்ரோ ரயில் திட்டத்தை சிறப்பாக செயல்படுத்திட எடுத்த பல்வேறு நடவடிக்கைகளை நினைவு கூறும் வகையில், புறநகர் பேருந்து நிலைய மெட்ரோ என்பது 'புரட்சித் தலைவி டாக்டர் ஜெ.ஜெயலலிதா புறநகர் பேருந்து நிலையம் மெட்ரோ' என பெயர் மாற்றம் செய்து உத்தரவிட்டுள்ளதாக இபிஎஸ் தெரிவித்துள்ளார்.

ரபேல் இந்தியா வருகையால் அலறும் பாகிஸ்தான்

No comments


ரபேல் போர் விமானங்கள் இந்தியா வந்துள்ளதால் அண்டை நாடான பாகிஸ்தான் அலறியுள்ளது.

கடந்த 1997ல் சுகோய் விமானங்கள் இந்திய விமானப்படையில் இணைக்கப்பட்டதற்குப் பிறகு 22 ஆண்டுகளுக்குப் பிறகு இறக்குமதியாகும் முதலாவது போர் விமானமான ரபேல், எதிரியின் ரேடார் கண்களுக்கு புலப்படாது என்பது அதன் சிறப்பு அம்சமாகும். மேலும் இது, விமானந்தாங்கி கப்பல் அல்லது கடலோர தளங்களில் இருந்து பறந்து உயரக் கூடியது. உளவு பார்த்தல், வான்வெளி பாதுகாப்பு, உள் நுழைந்து தாக்குதல், அணு ஆயுத திறன், எதிரி போர்க்கப்பல்களை தாக்கும் திறன் உள்ளிட்ட அனைத்து விதமான போர் நடவடிக்கைகளையும் ரபேலால் மேற்கொள்ள முடியும். ரபேல் போர் விமானம் இந்தியாவிற்கு வந்ததால், நம் ராணுவத்தின் பலம் கூடியுள்ளது.

இந்நிலையில், ரபேலின் வருகையால் அண்டை நாடான பாகிஸ்தான் அலறி வருகிறது. அதன் வெளிப்பாடாக, ரபேல் குறித்து பாக்., வெளியுறவு அமைச்சக செய்தி தொடர்பாளர் ஆயிஷா பரூக்கி கூறியதாவது: ரபேல் போர் விமானங்கள், அணு ஆயுதங்களை ஏந்திச் சென்று தாக்குதல் நடத்தக் கூடியவை. பிராந்தியத்தில் பதற்றத்தை ஏற்படுத்தும் வகையிலும் ராணுவ பலத்தை அதிகரிக்கும் வகையிலும் இந்தியா இதுபோன்ற நடவடிக்கைகளில் ஈடுபட்டுள்ளது. இவ்வாறு அவர் கூறினார்.

பிளஸ் 1 பொது தேர்வு முடிவுகள் இன்று வெளியானது 98.1% தேர்ச்சியுடன் கோவை முதலிடம்

No comments


பிளஸ் 1 பொது தேர்வு முடிவுகள் இன்று வெளியானது. இதில் 98.1 சதவீத தேர்ச்சியுடன் கோவை மாவட்டம் முதலிடத்தை பிடித்தது.

தமிழகம் முழுவதும் 8.30 லட்சம் மாணவர்கள் எழுதிய பிளஸ்-1 பொதுத்தேர்வு முடிவுகள் இன்று வெளியானது. மாணவர்கள் தங்கள் மதிப்பெண்களை www.tnresults.nic.in, www.dge1.tn.nic.in மற்றும் www.dge2.tn.nic.in என்ற இணையதளங்களில், தேர்வு முடிவை தெரிந்து கொள்ளலாம். பள்ளி மாணவர்களின், மொபைல் போன் எண்ணுக்கும் குறுஞ்செய்தி அனுப்பப்படுகிறது. இன்று வெளியான முடிவுகளில் மாணவர்கள் 94.38 சதவீதமும், மாணவிகள் 97.49 சதவீதமும் தேர்ச்சி அடைந்துள்ளனர். மொத்தத்தில் 96.04 மாணவ-மாணவிகள் தேர்ச்சி பெற்றுள்ளனர். இது கடந்த ஆண்டை விட 1 சதவீதம் அதிகமாகும்.

மாவட்ட அளவில் தேர்ச்சி விகிதம்:

கோவை - 98.10 சதவீதம்
விருதுநகர் - 97.90 சதவீதம்
கரூர் - 97.51 சதவீதம்

பாடப்பிரிவுகள் வாரியான தேர்ச்சி விகிதம்:
 
அறிவியல் பாடப் பிரிவுகள் - 96.33 சதவீதம்
வணிகவியல் பாடப் பிரிவுகள் - 96.28 சதவீதம்
கலைப் பிரிவுகள் - 94.11 சதவீதம்
தொழிற்பாடப் பிரிவுகள் - 92.77 சதவீதம்

முக்கிய பாடங்களில் தேர்ச்சி விகிதம்:

இயற்பியல் - 96.68 சதவீதம்
வேதியியல் - 99.95 சதவீதம்
கணக்குப் பதிவியல் - 98.16 சதவீதம்
உயிரியல் - 97.64 சதவீதம்
கணிதம் - 98.56 சதவீதம்
தாவரவியல் - 93.78 சதவீதம்
விலங்கியல் - 94.53 சதவீதம்
கணினி அறிவியல் - 99.25 சதவீதம்
வணிகவியல் - 96.44 சதவீதம்

பள்ளிகள் தேர்ச்சி விகிதம்:

அரசுப் பள்ளிகள் - 92.71 சதவீதம்
அரசு உதவிபெறும் பள்ளிகள் - 96.95 சதவீதம்
தனியார் பள்ளிகள் - 99.51 சதவீதம்
பெண்கள் பள்ளிகள் - 97.56 சதவீதம்
ஆண்கள் பள்ளிகள் - 91.77 சதவீதம்

இந்தியாவில் நேற்று ஒரே நாளில் 55,078 பேருக்கு கொரோனா உறுதி

No comments




இந்தியாவில் இதுவரை இல்லாத அளவுக்கு கடந்த 24 மணி நேரத்தில் ஊச்சகட்டமாக சுமார் 55,078 பேருக்கு கொரோனா பாதிப்பு ஏற்பட்டுள்ளதாக தகவல் வெளியாகியுள்ளது..!

கடந்த 24 மணி நேரத்தில் அதிகபட்சமாக 55,078 பேருக்கு கொரோனா பாதிப்பு பதிவாகியுள்ள நிலையில், இந்தியாவின் மொத்த கோவிட் -19 பாதிப்புகளின் எண்ணிக்கை இன்று 16,38,870-யை எட்டியுள்ளது என்று மத்திய சுகாதார மற்றும் குடும்ப நல அமைச்சகத்திற்கு ஞாயிற்றுக்கிழமை தெரிவித்தது. 

இந்நிலையில், இந்தியாவில் கொரோனாவால் பாதிக்கப்பட்டோரின் எண்ணிக்கை 16,38,870 ஆகவும், தற்போது சிகிச்சை பெற்று வருபவர்களின் எண்ணிக்கை 545,318 ஆகவும், கொரோனாவிலிருந்து குணமடைந்தோர் எண்ணிக்கை 10,57,805 ஆகவும், உயிரிழந்தோர் எண்ணிக்கை35,747 ஆக உயர்ந்துள்ளது. 

கடந்த 24 மணி நேரத்தில் நாடு முழுவதும் 6.42 லட்சத்துக்கும் மேற்பட்ட சோதனைகள் மேற்கொள்ளப்பட்டுள்ளன, சோதனைகளைப் பொருத்தவரை அதிகபட்ச ஒற்றை நாள் எண்ணிக்கை இது. ஒரு நாளில் 779 இறப்புகள் பதிவாகியுள்ள நிலையில் நாட்டின் இறப்பு எண்ணிக்கை 35,747 ஆக உயர்ந்தது. உலகளாவிய சராசரியான 4% உடன் ஒப்பிடும் போது, கோவிட்டிலிருந்து இறப்பு தற்போது இந்தியாவில் 2.18% ஆக உள்ளது.

செவ்வாய்க்கிழமை மீட்டெடுப்புகள் ஒரே நாளில் மிக அதிகமான மீட்டெடுப்புகளில் ஒன்றாகும். கடந்த 24 மணி நேரத்தில் 37,223 கோவிட் -19 நோயாளிகள் குணப்படுத்தப்பட்டு வெளியேற்றப்பட்டனர். மீட்பு வீதம் 64.54% ஆக உள்ளது. சுறுசுறுப்பான நோயாளிகளுக்கும் மீட்கப்பட்ட நோயாளிகளுக்கும் இடையிலான இடைவெளி 5 லட்சத்தைத் தாண்டி தற்போது 5,12,487 ஆக உள்ளது.

வியாழக்கிழமை ஒரே நாளில் ஆறு லட்சத்துக்கும் மேற்பட்ட கோவிட் 19 சோதனைகள் நடத்தப்பட்டன. ஜூலை 30 ஆம் தேதி, இந்தியா மொத்தம் 6,42,588-யை சோதனை செய்தது. கடந்த 24 மணி நேரத்தில் 6,42,588 மாதிரிகள் பரிசோதிக்கப்பட்ட நிலையில், ஒட்டுமொத்த சோதனை 1,88,32,970 ஆக உள்ளது. 

டெல்லி, குஜராத் தமிழ்நாடு மற்றும் மத்தியப் பிரதேசம் உட்பட பதினாறு மாநிலங்கள் மற்றும் யூ.டி.க்கள் கோவிட் -19 மீட்பு வீதத்தை தேசிய சராசரியான 64.44 சதவீதத்தை விட அதிகமாகக் கொண்டுள்ளன. கிலியட் சயின்சஸ் இன்க். வியாழக்கிழமை கூறியது, இந்த ஆண்டின் இறுதிக்குள் 2 மில்லியனுக்கும் அதிகமான டோஸ் கோவிட் -19 சிகிச்சை ரெமெடிவிவைர் செய்ய எதிர்பார்க்கிறது.

இந்து கடவுள்கள் குறித்து அவதூறு: ஆபாசப்பட இயக்குனர் வேலு பிரபாகரன் கைது

No comments


இந்து கடவுள்களை அவதூறாக பேசிய வழக்கில் ஆபாசப்பட இயக்குனர் வேலு பிரபாகரனை மத்திய குற்றப்பிரிவு போலீஸ் கைது செய்தனர்.
இயக்குனர் வேலு பிரபாகரன் எப்போதும் வக்கிரமான, ஆபாசங்களை முன்வைத்தே படம் எடுப்பவர். அதன்மூலம் ஏதாவது சர்ச்சை ஏற்படாதா, படம் ஓடாதா என்று எதிர்பார்ப்பவர். இன்னும் சொல்லப்போனால், அவர் கதையை நம்புவதை விட சதையை நம்புபவர். இப்படியே தானும் ஒரு இயக்குனர் என்று சொல்லிக்கொண்டு சினிமாவில் ஓட்டிக் கொண்டு இருக்கிறார். ஈ.வெ.ரா., கொள்கையில் பிடிப்பு உள்ளவராகவும் தன்னை காட்டிக் கொள்வார். மேலும், இந்து மத கடவுள்களையும், மத நம்பிக்கைகளையும் எப்போதும் கேவலமாக பேசுபவர்.

சமயம் கிடைக்கும்போதெல்லாம் இந்து மதத்தை பற்றி கேவலமாக பேசி வந்த இவர், கந்த சஷ்டி கவசத்தை இழிப்படுத்திய கருப்பர் கூட்டம் யு-டியூப் சேனலின் சுரேந்தரை ஆதரித்தும், இந்து மதத்தை மீண்டும் கேவலமாக பேசியும் பேட்டி கொடுத்துள்ளார். இதனால் இவர் மீது நடவடிக்கை கோரி போலீசில் புகார் அளிக்கப்பட்டுள்ளது.

இதுதொடர்பாக இந்து மக்கள் கட்சியின் தென்சென்னை மாவட்ட தலைவர் மகேஷ், சென்னை போலீஸ் கமிஷனர் அலுவலகத்தில் அளித்த புகாரில், ‛யு-டியூப் சேனலில் ஒரு பேட்டியில் வேலு பிரபாகரன் இந்துக்கள் பற்றியும், இந்து மதம் பற்றியும் அவதூறாக பேசி வருகிறார். கருப்பர் கூட்டத்துக்கு ஆதரவாகவும் பேசி வருகிறார். அவர் மீது சட்டரீதியான நடவடிக்கைகள் எடுக்க வேண்டும்,' என்று அந்த புகார் மனுவில் தெரிவித்திருக்கிறார்.

இந்த மனு மீது மத்திய குற்றப்பிரிவு போலீசார் விசாரிக்க கமிஷனர் உத்தரவிட்டுள்ளார். இதனையடுத்து மத்திய குற்றப்பிரிவு போலீசார், ஆபாசப்பட இயக்குனர் வேலு பிரபாகரனை கைது செய்தனர்.


திரும்ப பெறும் பணி இன்னும் முழுமை அடையவில்லை : சீனா மீது இந்தியா காட்டம்

No comments


கிழக்கு லடாக் பகுதியில் படைகளை திரும்ப பெறும் பணி இன்னும் முழுமை அடையவில்லை என மத்திய வெளியுறவுத்துறை அமைச்சகம் நேற்று தெரிவித்தது.
கிழக்கு லடாக் எல்லைப்பகுதியில் இந்தியா -சீனா வீரர்கள் இடையே கடந்த சில மாதங்களாக மோதல் போக்கு இருந்தது. சமீபத்தில் இரு நாட்டு வீரர்களுக்கு இடையே நடந்த கைகலப்பில் இந்திய வீரர்கள் 20 பேர் வீரமரணம் அடைந்தனர். இதையடுத்து எல்லையில் பதற்றம் நிலவியது.

இரு நாட்டு ராணு மூத்த அதிகாரிகள் மட்டத்தில் நடந்த பேச்சுவார்த்தையில் எல்லையில் அமைதியை நிலைநாட்ட இரு நாடுகளும் தங்கள் படைகளை திரும்ப பெற ஒப்புக்கொண்டன. அதன் படி படைகள் பின்வாங்கப்பட்டன.இது குறித்து மத்திய வெளியுறவுத்துறை செய்தி தொடர்பாளர் அனுராக் ஸ்ரீவஸ்தவா செய்தியாளர்களிடம் நேற்று கூறியதாவது:
எல்லையில் படைகளை திரும்ப பெறும் நடவடிக்கைகள் நடைபெற்று வருவது உண்மை தான். ஆனால் அப்பணிகள் இன்னும் முழுமை பெறவில்லை. இரு தரப்பிலும் மூத்த ராணுவ அதிகாரிகள் விரைவில் சந்தித்து முழுமையாக திரும்ப பெறுவது குறித்து விவாதித்து நடவடிக்கை எடுக்கப்படும். முன்பே கூறியது போல எல்லையில் அமைதியை நிலைநாட்டுவதே இரு தரப்பு நோக்கமாக இரு வேண்டும். இவ்வாறு அவர் கூறினார்.


பிரதமர் மோடியின் அயோத்தி வருகை : எல்லைகளில் பலத்த பாதுகாப்பு

No comments


பிரதமர் மோடியின் அயோத்தி வருகையையொட்டி, நேபாளத்தை ஒட்டியுள்ள உ.பி., மாநில எல்லை பகுதிகளில் பாதுகாப்பு ஏற்பாடுகள் பலப்படுத்தப்பட்டுள்ளன.

உ.பி., மாநிலம் அயோத்தியில், ஆக.,5ம் தேதி ராமர் கோவில் பூமி பூஜை விழா நடைபெற உள்ளது. இதில் பிரதமர் மோடி கலந்து கொண்டு, கட்டுமானப் பணிகளுக்கு அடிக்கல் நாட்ட உள்ளார். இந்நிலையில், பிரதமரின் அயோத்தி வருகை மற்றும் சுதந்திர தினத்தையொட்டி, நேபாளத்தை ஒட்டியுள்ள உ.பி., மாநில எல்லை பகுதிகளில் போலீஸ் மற்றும் சஷஸ்திர சீமா பல் படையின் பாதுகாப்பு பலப்படுத்தப்பட்டுள்ளது.
 
இதுகுறித்து அம்மாநில போலீசார் கூறியதாவது: நேபாள எல்லையை ஒட்டியுள்ள மஹாராஜ்கஞ், சித்தார்த் நகர், ஷ்ரவஸ்தி, பஹரைச் ஆகிய மாவட்டங்களில் கண்காணிப்பு அதிகரிக்கப்பட்டுள்ளது. சஷஸ்திர சீமா பல் படையின் சோதனை சாவடிகளில் சிசிடிவி கேமராக்கள் பொருத்தப்பட்டுள்ளன. எல்லை வழியாக வருவோரின் அடையாளங்களை நன்கு பரிசோதிக்கும்படி அறிவுறுத்தப்பட்டுள்ளனர்.

பெண்கள் பிரிவினரும் பாதுகாப்பு பணியில் ஈடுபடுத்தப்பட்டுள்ளனர். சோனாலி, டுடிபாரி சோதனை சாவடிகளில், மெட்டல் டிடெக்டர்கள் கொண்டு பரிசோதனை நடைபெறுகிறது. பஸ் நிலையங்கள், ரயில் நிலையங்களில் ரோந்து பணிகள் அதிகரிக்கபப்ட்டுள்ளன. இவ்வாறு அவர்கள் தெரிவித்தனர்.

ரூ 1,800 கோடி செலவில் சிறப்பு பாதுகாப்பு படை : முதல்வர் யோகி

No comments


கோர்ட் வளாகங்கள், மெட்ரோ நிலையங்கள், உள்ளிட்ட துறைகளை பாதுகாப்பதற்கு ரூ.1,800 கோடி செலவில் சிறப்பு பாதுகாப்புபடைபரிவை உருவாக்க உள்ளதாக மாநிலமுதல்வர் யோகி தெரிவித்து உள்ளார்.

இது குறித்து அவர் கூறி இருப்பதாவது:உயர்நீதிமன்றம் மாவட்டநீதிமன்றங்கள், வழிபாட்டு தலங்கள், வங்கிகள் மெட்ரோ ரயில் நிலையங்கள் நிர்வாக கட்டடங்கள் மற்றும் மாநிலத்தால் முக்கியமானவையாக கருதப்படும் பல்வேறு நிறுவனங்களின் பாதுகாப்பு பணியை சிறப்பு படை கவனிக்கும்.

மகாராஷ்டிரா மற்றம் ஒடிசா மாநிலங்களில் செயல்பட்டு வரும் புரோவின்சியல் ஆர்ம்டு கான்ஸ்டாபுலரி (பிஏசி) போன்று உ.பி.,யிலும் சிறப்பு பாதுகாப்பு படை உருவாக்கப்படுகிறது. இதன் மூலம் மாநிலத்தின் காவல்துறை மீதான அழுத்தத்தை குறைப்பதோடு மாநிலத்தில் கூடுதல் வேலை வாய்ப்பையும் உருவாக்கும்.

இதற்காக ரூ.1,800 கோடி ஒதுக்கப்படுகிறது. முதற்கட்டமாக ஐந்து பட்டாலியன் படைகளை உருவாக்கப்படும். நடப்பு நிதி ஆண்டில் பட்ஜெட்டில் இத்திட்டத்திற்கு நிதி ஓதுக்கப்படாததால் துணை வரவு செலவு திட்டத்தில் நிதி ஒதுக்கப்படுவதற்கு ஏற்பாடு செய்யப்படும். 2021-2022 ம் நிதியாண்டில் வரவு செலவு திட்டத்தில் சேர்க்கப்படும் என முதல்வர் யோகி ஆதித்யநாத் தெரிவித்து உள்ளார்.


சீனாவில் இருந்து தபாலில் வரும் விதைகள் விவசாயத்தை அழிக்கும் உயிரி ஆயுதமாக இருக்கலாம் என எச்சரிக்கை

No comments


அமெரிக்கா, கனடா மற்றும் பிரிட்டனை சேர்ந்த பலருக்கு, தபால் மூலம், மர்ம விதைகள் அடங்கிய, 'பார்சல்' அனுப்பப்பட்டு வருகிறது. அந்த தபால், சீனாவில் இருந்து அனுப்பப்பட்டதாக குறிப்புகள் உள்ளன.'அதை யாரும், நிலத்தில் பயிரிட வேண்டாம்; அது விவசாயத்தை அழிக்கும் உயிரி ஆயுதமாக இருக்கலாம்' என, கனடா எச்சரித்துள்ளது.

கொரோனா வைரசை பரப்பியது தொடர்பாக, அமெரிக்கா -- சீனா இடையே, கடும் மோதல் போக்கு நிலவி வருகிறது. துாதரகங்களை மூடுவது உள்ளிட்ட நடவடிக்கைகளில், இரு நாடுகளுமே ஈடுபட்டு வருகின்றன.இந்நிலையில், தபாலில் வரும் மர்ம விதைகள் அடங்கிய பார்சல்கள், தற்போது அமெரிக்காவை அலறச் செய்துள்ளது.
அமெரிக்காவின் அலபாமா, கொலராடோ, ப்ளோரிடா, லோவா, கன்சாஸ், ஜார்ஜியா, டெக்சாஸ் உள்ளிட்ட, 28 மாகாணங்களை சேர்ந்த பலருக்கு, கடந்த சில நாட்களாக மர்ம பார்சல் ஒன்று வருகிறது.அதற்குள் சிறிய, 'ப்ளாஸ்டிக்' பையில் அடைக்கப்பட்ட விதைகள் இருக்கின்றன. 'அந்த பார்சல், தெரிந்தவர்களிடம் இருந்தோ, 'ஆன்லைன்' வர்த்தக நிறுவனங்களிடம் இருந்தோ வரவில்லை' என, அதை பெற்றவர்கள் தெரிவிக்கின்றனர்.மேலும் அந்த பார்சலில், சீன எழுத்துக்கள் இடம் பெற்றுள்ளன.

சில பார்சல்களில், 'உள்ளே தங்க ஆபரணம் இருக்கிறது' என, வௌிப்பக்கம் குறிப்பிடப்படுகிறது; உள்ளே பிரித்துப் பார்த்தால், விதை இருக்கிறது.இது குறித்து, அதிகாரிகள் விசாரித்து வருகின்றனர்.அமெரிக்காவைத் தொடர்ந்து, கனடா மற்றும் பிரிட்டனிலும், இது போன்ற மர்ம விதைகள் கொண்ட பார்சல், பலருக்கு அனுப்பப்பட்டுள்ளது. கனடாவில், பண்ணை விவசாயத்தில் ஈடுபட்டுள்ள பலருக்கு, இந்த பார்சல் அனுப்பப்பட்டுள்ளது. 'பார்சலில், விவசாயத்தை அழிக்கும் உயிரி ஆயுதமாக இருக்கலாம். அதை, நிலத்தில் பயிரிட வேண்டாம்' என, கனடா உணவு கண்காணிப்பு அமைப்பு எச்சரிக்கை விடுத்துள்ளது.

இது குறித்து, சீன வெளியுறவுத் துறை செய்தி தொடர்பாளர், வாங் வென்பின், செய்தியாளர்களிடம் கூறியதாவது:தபால் மூலம் விதைகளை அனுப்ப, எங்கள் நாட்டு தபால் துறை அனுமதிக்காது. அந்த பார்சல்களின் மேல் உள்ள சீன தபால் முத்திரைகள் போலியானவை என, எங்கள் தபால் துறை தெரிவித்துள்ளது. அந்த பார்சல்களை எங்களுக்கு அனுப்பி வைத்தால், விரிவாக ஆய்வு செய்து, விபரங்களை தெரிவிப்போம்.இவ்வாறு, அவர் கூறினார்.

அமெரிக்க பார்லி.,யில் மசோதா'ஆன்லைன்' வர்த்தக நிறுவனங்கள், தாங்கள் விற்பனை செய்யும் பொருட்கள், உதிரி பாகங்கள் உள்ளிட்டவை, சீனாவில் தயாரிக்கப்பட்டதா என்பதை, அரசுக்கு கட்டாயமாக தெரிவிக்க வேண்டும் என்பதை வலியுறுத்தும் மசோதா, அமெரிக்க பார்லிமென்ட்டில், நேற்று தாக்கல் செய்யப்பட்டது. குடியரசு கட்சியை சேர்ந்த, செனட்டர் மார்த்தா மெக்சாலி, இந்த மசோதாவை தாக்கல் செய்தார்.


கேரள தங்க கடத்தல் வழக்கில் சிவசங்கரிடம் 10 நாட்களில் விசாரணை

No comments


கேரள தங்க கடத்தல் வழக்கில், அம்மாநில முன்னாள் முதன்மை செயலர், சிவசங்கரனுக்கு உள்ள தொடர்பு குறித்து, 10 நாட்களுக்குள் விசாரணை நடத்தி முடிக்கப்பட வேண்டும்' என, என்.ஐ.ஏ., மற்றும் சுங்கத்துறையினருக்கு, மத்திய உள்துறை அமைச்சகம் உத்தரவிட்டுள்ளது.கேரளாவில், முதல்வர் பினராயி விஜயன் தலைமையில், இடது ஜனநாயக முன்னணி ஆட்சி நடக்கிறது.

மாநில தலைநகரான, திருவனந்தபுரத்தில் உள்ள, ஐக்கிய அரபு எமிரேட்ஸ் துாதரகத்தின் பெயருக்கு வந்த பார்சலில், துபாயில் இருந்து, 30 கிலோ தங்கம் கடத்தி வரப்பட்டது, சமீபத்தில் பிடிபட்டது.இதையடுத்து, சரித் குமார், ஸ்வப்னா சுரேஷ், சந்தீப் நாயர் உள்ளிட்டோர் கைது செய்யப்பட்டுள்ளனர். இந்த வழக்கை, என்.ஐ.ஏ., எனப்படும் தேசிய புலனாய்வு நிறுவனமும், சுங்கத்துறையும் விசாரித்து வருகின்றன.ஸ்வப்னா சுரேஷுடன், கேரள முதல்வரின் முதன்மை செயலராக பதவி வகித்து வந்த, சிவசங்கருக்கு, நேரடி தொடர்பு இருப்பது தெரியவந்துள்ளது. இதையடுத்து, அவர், 'சஸ்பெண்ட்' செய்யப்பட்டார்.

அவரிடம், என்.ஐ.ஏ., அதிகாரிகள், 25 மணி நேரம் விசாரணை நடத்தினர். சுங்கத்துறை அதிகாரிகள், ஒன்பது நேரம் விசாரணை நடத்தினர்.'டிஜிட்டல் கேமரா'அப்போது, 'தன் உறவினரின் மனைவி என்ற முறையில், ஸ்வப்னாவை தெரியும். மற்றபடி அவருக்கு தங்க கடத்தலில் தொடர்பு இருப்பது குறித்து எதுவும் தெரியாது' என, சிவசங்கர் கூறினார்.இந்நிலையில், 'பொறுப்பான உயர் பதவியில் இருந்த, ஐ.ஏ.எஸ்., அதிகாரியை, சந்தேகத்தின் நிழலில் நீண்ட நாட்கள் வைத்திருக்ககூடாது.

கடத்தல் விவகாரத்தில், அவருக்கு உள்ள தொடர்பு குறித்து, 10 நாட்களுக்குள், விசாரணை நடத்தி முடிக்கப்பட வேண்டும்' என, டில்லியில் உள்ள, மத்திய உள்துறை அமைச்சகம், நேற்று உத்தரவிட்டது.இதையடுத்து, கேரள சட்டசபை வளாகத்தில் கைப்பற்றப்பட்ட, கண்காணிப்பு கேமரா காட்சிகளை, விசாரணை அதிகாரிகள் ஆராய துவங்கி உள்ளனர். மேலும், ஸ்வப்னா வீட்டில் கைப்பற்றப்பட்ட, ஆறு 'மொபைல் போன்'கள், இரண்டு மடிக்கணினி, 'ஹார்ட் டிஸ்க்', 'டிஜிட்டல் கேமரா' உள்ளிற்றவற்றை ஆராயும் பணி, முடுக்கிவிடப்பட்டுஉள்ளது.சட்டவிரோத நடவடிக்கை தடுப்பு சட்டம் ஏன்?தங்க கடத்தல் வழக்கில், இரண்டாவது குற்றவாளியான, ஸ்வப்னா சுரேஷ் தரப்பில் தாக்கல் செய்யப்பட்ட ஜாமின் மனு, என்.ஐ.ஏ., சிறப்பு நீதிமன்றத்தில், நேற்று முன் தினம், விசாரணைக்கு வந்தது.ஸ்வப்னா தரப்பில் ஆஜரான, வழக்கறிஞர் ஜோ பால், 'ஸ்வப்னாவை சுங்கத்துறை அதிகாரிகள் முதலில் கைது செய்த போது, அவர் மீது குற்றவாளி என, வழக்கு பதிவு செய்யவில்லை.

பின்னர், சில அரசியல் காரணங்களுக்காக, சட்டவிரோத நடவடிக்கை தடுப்பு சட்டத்தின் கீழ், வழக்கு பதிவு செய்யப்பட்டுள்ளது' என்றார்.இதையடுத்து, 'ஸ்வப்னா மீது, சட்டவிரோத நடவடிக்கை தடுப்பு சட்டத்தின் கீழ், எதற்காக வழக்கு பதிவு செய்யப்பட்டது' என, நீதிபதி கேள்வி எழுப்பினார். அதற்கு, என்.ஐ.ஏ., தரப்பு கூறியதாவது:தங்க கடத்தலில், ஸ்வப்னாவுக்கு முக்கிய பங்கு உள்ளது. அவரது உதவி இன்றி, இந்த கடத்தலை செய்திருக்க வாய்ப்பில்லை. இந்த வழக்கு குறித்த விபரங்களை சமர்ப்பித்தால், ஒவ்வொரு குற்றவாளிக்கும், தேச விரோத நடவடிக்கையில் உள்ள பங்கு குறித்து, இந்த நீதிமன்றம் தெரிந்து கொள்ள முடியும்.இவ்வாறு, கூறப்பட்டது.இதையடுத்து, வழக்கு விபரங்களை சமர்ப்பிக்குமாறு, என்.ஐ.ஏ., அதிகாரிகளுக்கு, நீதிமன்றம் உத்தரவிட்டது.


மோடி எளிமையான மனிதர்; நிறையவேலை செய்கிறார் : ராக்கி சகோதரி புகழாரம்

No comments


பிரதமர் மோடி எளிமையான மனிதர் நிறையவேலை செய்கிறார் என புகழாரம் சூட்டி உள்ள ராக்கி சகோதரி இந்தாண்டு வாழ்த்து கடிதத்துடன் ராக்கி கயிறை தபாலில் அனுப்பிவைத்துள்ளார்.

பாகிஸ்தானைச் சேர்ந்த உமர் மொஷின் ஷாயிக் என்பவர், தனது திருமணத்துக்குப் பின்னர் இந்தியாவுக்குக் குடிபெயர்ந்தார். டெல்லியில் வசித்து வரும் ஷாயிக் கூறுகையில், 'கடந்த 22 முதல் 23 ஆண்டுகளாக பிரதமர் மோடிக்கு ராக்கி கட்டி வருகிறேன். இந்த முறை அவருக்கு ராக்கி கட்டும் தருணத்தை ஆவலுடன் எதிர்பார்த்திருக்கிறேன். அவர் நிறைய வேலை செய்கிறார் எளிமையான மனிதர் என புகழாரம் சூட்டினார்.

முதல்முறையாக ஆர்எஸ்எஸ் உறுப்பினராக இருந்த போது மோடி அவர்களை சந்தித்தேன். அன்றைய தினம் முதல் இன்று வரை ரக்ஷாபந்தன் அன்று அவரை சந்தித்து வாழ்த்துக் கூறி வருகிறேன்.
ஒவ்வொரு ஆண்டும் ஒரு முறை மூத்த சகோதரருடன் 'ராக்கி' கட்டுவதற்கான வாய்ப்பு எனக்கு கிடைத்திருப்பதில் , நான் மகிழ்ச்சியடைகிறேன். அடுத்த ஐந்து வருடங்கள் அவருக்கு மிகவும் சிறப்பாகச் செல்ல வேண்டுமென்று நான் பிரார்த்திக்கிறேன், அவர் எடுத்த நேர்மறையான முடிவுகளை உலகம் முழுவதும் அங்கீகரிக்கிறது," என்று அவர் கூறினார்.

முத்தலாக் நடவடிக்கையை பாரட்டிய அவர் குர் ஆனிலும் , இஸ்லாத்திலும் முத்தலாக் வழங்கப்படுவதில்லை. பிரதமர் மோடியை தவிர வேறு யாரும் இந்த உறுதியான நடவடிக்கையைஎடுத்திருக்க முடியாது அவர் முஸ்லிம் பெண்களின் நலனுக்காக நல்லதொரு வேலைசெய்துள்ளார். என கூறினார்.

ஜம்மு-காஷ்மீருக்கு அளிக்கப்பட்டு வந்த சிறப்பு அந்தஸ்து ரத்து செய்யப்பட்டது குறித்தும் அவர் கருத்து தெரிவித்தார், இந்த நடவடிக்கை நல்லதா அல்லது கெட்டதா என்பதை வரும் நாட்கள் பதில் சொல்லும் என்றார்.


ஸ்ரீ ஹரிகோட்டாவில் தனியாருக்கு ஏவுகணை தளம்: இஸ்ரோ தலைவர்

No comments


விண்வெளித்துறையில் ஈடுபடும் தனியார் துறையினருக்கு ஸ்ரீஹரிகோட்டாவில் ஏவுகணை தளம் அமைக்க அனுமதிக்கப்படும் என இஸ்ரோ தலைவர் சிவன் பிள்ளை தெரிவித்தார்.

இது குறித்து அவர் தனியார் தொலைக்காட்சிக்கு அளித்த பேட்டியில் கூறி இருப்பதாவது: விண்வெளித்துறையில் தனியார் துறையை ஈடுபடுத்தும் பணி துவங்கி உள்ளது. தனியார் நிறுவனங்கள் ஸ்ரீஹரி கோட்டாவில் தங்களது சொந்த ஏவுகணைதள வசதிகளை அமைக்க அனுமதிக்கப்படும். ராக்கெட் ஏவுதல்களுக்கு நாங்கள் கட்டணம் எதுவும் வசூலிக்க மாட்டோம். அதே நேரத்தில் அவர்களுக்கு தேவையான ஆலோசனைகைள் வழங்கப்படும். ஏற்கனவே இஸ்ரோவிற்கு ஸ்ரீஹரி கோட்டாவில் இரண்டுஏவுகணை தளங்கள் உள்ளன.

தனியார் நிறுவனங்கள் ஆர்வமாக இருந்தால், அவர்கள் அதற்காக இஸ்ரோவின் சொத்துக்களை பயன்படுத்திகொள்ள விண்ணப்பிக்கலாம். தனியார் துறையின் தேவைகளின் அடிப்படையில் விண்வெளி நடவடிக்கைகளில் ஈடுபடுவதற்கான செயல்முறையை துவங்க விரும்புகிறோம். இதன் மூலம் அவர்களின் தேவைகளை நாம் அறிந்து கொள்ள முடியும்.

இஸ்ரோவின் மையங்களில் ஒன்றான திருவனந்தபுரம் விக்ரம் சாராபாய் விண்வெளி மையம் கொரோனா தொற்றால் மூடப்பட்டுள்ளது. கடுமையான கட்டுப்பாடுகளுடன் செயற்கைகோள் ஏவுதல் மேற்கொள்வது கடினம். அடுத்து வரும் மாதங்களில் நிலைமையை பொறுத்து செயற்கைகோள்கள் ஏவப்படும். இவ்வாறு அவர் கூறினார்.


Don't Miss
© 2017 -2021 AthibAn Tv Network Pvt Ltd