Responsive Ad Slot

தமிழகத்தில் இன்று 5,659 பேருக்கு கொரோனா உறுதி

No comments

Wednesday, 30 September 2020



தமிழகத்தில் இன்று (செப்.,30) ஒரே நாளில் 5,610 பேர் கொரோனா பாதிப்பில் இருந்து மீண்டுள்ளனர். இதனால் மொத்தம் குணமடைந்தவர்கள் எண்ணிக்கை 5.41 லட்சத்தை கடந்தது.

தமிழக சுகாதாரத்துறை வெளியிட்ட அறிக்கை: தமிழகத்தில் இன்று 5,659 பேருக்கு கொரோனா உறுதியாகியுள்ளது. அதில், 5,646 பேர் தமிழகத்தை சேர்ந்தவர்கள். வெளிமாநிலங்களில் இருந்து வந்தவர்கள் 13 பேர். இதனால் பாதிக்கப்பட்டவர்களின் எண்ணிக்கை 5,97,602 ஆக அதிகரித்துள்ளது. தமிழகத்தில் உள்ள 186 ஆய்வகங்கள் (அரசு-66 மற்றும் தனியார்-120) மூலமாக, இன்று மட்டும் 86,928 மாதிரிகள் பரிசோதனை செய்யப்பட்டுள்ளன. இதனுடன் சேர்த்து, இதுவரை 73 லட்சத்து 54 ஆயிரத்து 050 மாதிரிகள் சோதனையிடப்பட்டன.

இன்று கொரோனா உறுதியானவர்களில், 3,476 பேர் ஆண்கள், 2,183 பேர் பெண்கள். கொரோனா பாதித்த, ஆண்களின் மொத்த எண்ணிக்கை 3,60,729 ஆகவும், பெண்களின் எண்ணிக்கை 2,36,842 ஆகவும், மூன்றாம் பாலினத்தவர்களின் எண்ணிக்கை 31 ஆகவும் உள்ளது. இன்று மட்டும் 5,610 பேர் டிஸ்சார்ஜ் செய்யப்பட்டனர். இதனால், வீடு திரும்பியவர்களின் எண்ணிக்கை 5 லட்சத்து 41 ஆயிரத்து 819 ஆக உள்ளது.

இன்று மட்டும் கொரோனா பாதித்த 67 பேர் உயிரிழந்தனர். அதில், 21 பேர் தனியார் மருத்துவமனையிலும், 46 பேர் அரசு மருத்துவமனையிலும் உயிரிழந்தனர். இதனால், தமிழகத்தில் கொரோனா உயிரிழப்பு 9,520 ஆக அதிகரித்துள்ளது. தற்போது 46,263 பேர் சிகிச்சையில் உள்ளனர். இவ்வாறு அறிக்கையில் கூறப்பட்டுள்ளது.

இந்து முன்னணி நிறுவனர் ராமகோபாலன் முக்தியடைந்தார்

No comments


சென்னையில் உள்ள தனியார் மருத்துவமனையில் சிகிச்சை பெற்று வந்த இந்து முன்னணி நிறுவன தலைவர் ராமகோபாலன் இன்று (செப்.,30) முக்தியடைந்தார். அவருக்கு வயது 94.

இந்து முன்னணி அமைப்பின் நிறுவன தலைவர் ராமகோபாலன் (94). கடந்த 27 ம் தேதி மூச்சுத்திணறல் ஏற்பட்டு போரூரில் உள்ள தனியார் மருத்துவமனையில் அனுமதிக்கப்பட்டார். அங்கு நடந்த பரிசோதனையில், அவருக்கு கொரோனா தொற்று உறுதியானது. அவருக்கு டாக்டர்கள் சிகிச்சை அளித்து வந்தனர். அவர் விரைவில் குணம்பெற வேண்டி, இந்து முன்னணி நிர்வாகிகள் உள்ளட்ட பலர் வேண்டி கொண்டனர்.

தொடர்ந்து சிகிச்சை பெற்று வந்த நிலையில், இன்று சிகிச்சை பலனின்றி ராமகோபாலன் முக்தியடைந்தார். அவரது மறைவுக்கு பல தலைவர்கள் இரங்கல் தெரிவித்துள்ளனர்.

பாபர் மசூதி இடிப்பு வழக்கு தீர்ப்பு : டுவிட்டரில் டிரெண்டிங்

No comments


பாபர் மசூதி இடிப்பு வழக்கில் பா.ஜ.,வின் மூத்த நிர்வாகிகள் அத்வானி, முரளி மனோகர் ஜோஷி உள்ளிட்ட 32 பேரை சிறப்பு நீதிமன்றம் விடுவித்தது. இதற்கு ஆதரவும், எதிர்ப்பும் தெரிவித்து பலரும் கருத்து பதிவிட்டு வருவதால் டுவிட்டரில் இந்த விவகாரம் டிரெண்டிங் ஆனது.

உத்தர பிரதேசத்தின் அயோத்தியில் இருந்த பாபர் மசூதி 1992ல் இடிக்கப்பட்டது. இது தொடர்பாக லக்னோ நீதிமன்றத்தில் இரண்டு வழக்குகள் தொடரப்பட்டன. இதில் மசூதியை இடிக்க சதி திட்டம் தீட்டியதாக, அத்வானி, முரளி மனோகர் ஜோஷி, உமா பாரதி உள்ளிட்டோர் மீது ரேபரேலி நீதிமன்றத்தில் வழக்கு தொடரப்பட்டது. அத்வானி உள்ளிட்டோரை இந்த வழக்குகளில் இருந்து நீதிமன்றம் விடுவித்திருந்தது. இதை எதிர்த்து தொடரப்பட்ட வழக்கை விசாரித்த உச்ச நீதிமன்றம், அத்வானி உள்ளிட்டோர் மீதான வழக்கை விசாரிக்கும் படி, 2017ல் உத்தரவிட்டது. மேலும் வழக்கை, லக்னோ சி.பி.ஐ., சிறப்பு நீதிமன்றத்துக்கு மாற்றியது.

இந்த வழக்கில் இன்று(செப்., 30) தீர்ப்பு வழங்கப்பட்டது. அதில், திட்டமிட்டு பாபர் மசூதி இடிக்கப்பட்டது என்பதற்கு போதுமான ஆதாரமில்லை. இந்த வழக்கில், குற்றச்சாட்டுகளை போதிய ஆதாரத்துடன் சி.பி.ஐ., நிரூபிக்கவில்லை. ஆகவே குற்றஞ்சாட்டப்பட்ட 32 பேரும் விடுதலை செய்யப்படுகின்றனர் என தெரிவிக்கப்பட்டுள்ளது.

இதையடுத்து இந்த தீர்ப்பு தேசிய அளவில் எதிரொலித்தது. தீர்ப்புக்கு ஆதரவாகவும், எதிராகவும் பலரும் சமூகவைலதளமான டுவிட்டரில் கருத்துக்களை பதிவிட்டனர். "வாய்மையே வெல்லும், நீதி வென்றது, வரலாற்று சிறப்புமிக்க தீர்ப்பு, எதிர்பார்த்த தீர்ப்பு, ராம ஜென்ம பூமி" என பலரும் வரவேற்று கருத்துக்களை பதிவிட்டனர்.

மற்றொருபுறம், "நீதித்துறை மீதான நம்பிக்கை மக்கள் மத்தியில் குறைந்துவிட்டது", "இந்திய நீதி துறையின் மீதான கருப்பு நாள் இன்று", "பல்லாண்டு வாழ்க இந்திய நீதித்துறை", "பாபர் மசூதி நிலநடுக்கத்தால் இடிந்தது", "அந்த சம்பவத்தின் போது எவ்வளவு போட்டோக்கள், வீடியோக்கள் ஆதாரமாக கிடைத்தன. ஆனால் இது திட்டமிட்டு நடத்தப்படவில்லை என நீதிமன்றம் கூறுகிறது. நீதித்துறை மீதான நம்பிக்கை போய்விட்டது" என பலரும் எதிர்கருத்துக்களை பதிவிட்டுள்ளனர்.

இதனால் டுவிட்டரில் இந்த விவகாரம் #BabriDemolitionCase, #BabriMasjidDemolitionCase, #Advani, #jai shri ram, #Indian Judiciary உள்ளிட்ட பல்வேறு ஹேஷ்டாக்குகளில் இந்திய அளவில் டிரெண்ட் ஆனது.

பாபர் மசூதி வழக்கு தீர்ப்பை எதிர்த்து உயர் நீதிமன்றத்தில் மேல்முறையீடு: அனைத்து இந்திய முஸ்லிம் தனிநபர் சட்டவாரியம் தகவல்

No comments


பாபர் மசூதி இடிப்பு வழக்கில் சிபிஐ சிறப்பு நீதிமன்றம் வழங்கிய தீர்ப்பை எதிர்த்து மேல்முறையீடு செய்யப்படும் என்று அனைத்து இந்திய முஸ்லிம் தனிநபர் சட்ட வாரியத்தின் உறுப்பினரும், மூத்த வழக்கறிஞருமான ஜபார்யப் ஜிலானி தெரிவித்துள்ளார்.

உத்தரப் பிரதேச மாநிலம் அயோத்தியில் இருந்த பாபர் மசூதி, கடந்த 1992-ம் ஆண்டு டிசம்பர் 6-ம் தேதி கரசேவகர்களால் இடிக்கப்பட்டது. இந்த வழக்கில் பாஜக மூத்த தலைவர்கள் அத்வானி, முரளி மனோகர் ஜோஷி, உமா பாரதி, முன்னாள் முதல்வர் கல்யாண் சிங் உட்பட 49 பேர் மீது குற்றம் சாட்டப்பட்டது. அவர்களுக்கு எதிராக சிபிஐ குற்றப்பத்திரிகையும் தாக்கல் செய்தது.

கடந்த 2017-ம் ஆண்டில் இருந்து லக்னோவில் உள்ள சிபிஐ நீதிமன்றத்தில், உச்ச நீதிமன்றத்தின் கண்காணிப்பில் தினந்தோறும் விசாரணை நடந்து வந்தது. இம்மாதத் தொடக்கத்தில் விசாரணை நிறைவடைந்தது. இதையடுத்து தேதி குறிப்பிடப்படாமல் தீர்ப்பு ஒத்திவைக்கப்பட்டது.

இந்த வழக்கில் இன்று சிறப்பு நீதிமன்ற நீதிபதி யாதவ் இன்று தீர்ப்பளித்தார். அதில், குற்றம் சாட்டப்பட்ட 32 பேரையும் விடுவித்தார். அவர்களுக்கு எதிராகப் போதுமான ஆதாரங்களை நிரூபிக்க சிபிஐ தவறிவிட்டது எனத் தீர்ப்பளித்தார்.

இந்தத் தீர்ப்பு ககுறித்து மூத்த வழக்கறிஞரும் அனைத்து இந்திய முஸ்லிம் தனிநபர் சட்ட வாரியத்தின் உறுப்பினருமான ஜபார்யப் ஜிலானி கூறுகையில், “நூற்றுக்கணக்கானோர் இந்த வழக்கில் சாட்சியம் அளித்துள்ளார்கள் என்பதால் மிகவும் முக்கியத்துவம் வாய்ந்த வழக்கு. இதில் ஐபிஎஸ் அதிகாரிகள், பத்திரிகையாளர்கள் ஆகியோர் அளித்த வாக்குமூலத்தில் குற்றம் சாட்டப்பட்டோர் கலவரத்தைத் தூண்டும் வகையில் பேசினார்கள் எனத் தெரிவித்துள்ளனர்.

ஆனால், சிபிஐ அளித்த ஆதாரங்களை நீதிமன்றம் புறக்கணித்துள்ளது. ஆதலால், முஸ்லிம்கள் இந்தத் தீர்ப்பை எதிர்த்து உயர் நீதிமன்றத்தில் மேல்முறையீடு செய்வார்கள். எங்கள் வாரியமும் மேல்முறையீடு செய்யும்.

பாபர் மசூதி இடிக்கப்பட்டவுடன் இனிப்புகள் வழங்கி கொண்டாடப்பட்டன. ஆனால், நீதிமன்றமோ எந்த சதியும் இல்லை என்கிறது. ஐபிசி 153-ஏ, 153-பி பிரிவின் கீழ் அத்வானி உள்ளிட்ட 32 பேருக்கு எதிராக வழக்குஇருந்தும் அவர்கள் விடுவிக்கப்பட்டுள்ளார்கள்.

இந்த வழக்கில் பாதிக்கப்பட்ட தரப்பினரும், சாட்சியங்கள் அளித்தவர்களும் மேல்முறையீடு செய்ய உரிமை இருக்கிறது. நாங்கள் பாதிக்கப்பட்டவர்கள். ஏராளமானோர் சாட்சியங்களாக வழக்கில் இருக்கிறார்கள். அதில் நானும் ஒருவன். ஆதலால் முஸ்லிம் தரப்பில் சாட்சியங்களும், பாதிக்கப்பட்டோரும் மேல்முறையீடு செய்வார்கள்.

பாதிக்கப்பட்டவர்கள் தரப்பில் ஹாஜி மெகபூப், ஹபிஸ் அக்லக் ஆகியோர் மேல்முறையீடு செய்வார்கள். மற்றவர்கள் மேல்முறையீடு செய்வார்களா என்பது பின்னர் முடிவு செய்யப்படும். ஒருவேளை கருத்தொற்றுமை ஏற்பட்டால் முஸ்லிம் தனிநபர் சட்டவாரியமே மனுதாரராக இருக்கும்” எனத் தெரிவித்தார்.

அனைத்து இந்திய முஸ்லிம் தனிநபர் சட்ட வாரியத்தின் மூத்த உறுப்பினர் மவுலானா காலித் ரஷீத் ஃபிராங்கி மகாலி கூறுகையில், “இந்தத் தீர்ப்பைப் பற்றி ஏதும் கூற விரும்பவில்லை. அயோத்தியில் கடந்த 1992, டிசம்பர் 6-ம் தேதி பாபர் மசூதி எவ்வாறு தியாகம் செய்யப்பட்டது என அனைவருக்கும் தெரியும்.

விதிமுறைகள் எவ்வாறு காற்றில் பறந்தன என்றும் அனைவருக்கும் தெரியும். யாராவது குற்றவாளியா அல்லது இல்லையா என்பதை நீதிமன்றம் முடிவு செய்யும். முஸ்லிம் அமைப்புகள் ஒன்றுகூடிப் பேசி பாபர் மசூதி வழக்கில் மேல்முறையீடு குறித்து முடிவு எடுக்கும். இந்த மேல்முறையீடு மூலம் பலன் இருக்கிறதா இல்லையா என்பதைக் காலம்தான் முடிவு செய்யும்” எனத் தெரிவித்தார்.

அதிநவீன பிரமோஸ் ஏவுகணை சோதனை வெற்றி

No comments


பிரமோஸ் ஏவுகணையை இந்தியா இன்று வெற்றிகரமாக சோதனை செய்தது. இந்த ஏவுகணை 400 கி.மீ., தூரத்தில் உள்ள இலக்கை தாக்கும் திறன் பெற்றது.

ஒடிசாவின் பால்சோர் மாவட்டத்தில், மொபைல் லாஞ்சர் மூலம், இன்று காலை 10:30 மணியளவில் இந்த சோதனை வெற்றிகரமாக செய்யப்பட்டது. டிஆர்டிஓவின் பிஜே-10 திட்டத்தின் கீழ் இந்த சோதனை செய்யப்பட்டது. இந்த ஏவுகணை சோதனை செய்யப்படுவது இது இரண்டாவது முறையாகும். இந்த ஏவுகணையில் உள்ள ஏர் பிரேம் மற்றும் பூஸ்டர் ஆகியவை உள்நாட்டிலேயே தயாரிக்கப்பட்டவையாகும்.

இந்த சோதனையை வெற்றிகரமாக நடத்திய விஞ்ஞானிகளுக்கு பாராட்டு தெரிவித்துள்ள டிஆர்டிஓ தலைவர் சதீஷ்ரெட்டி, இந்த ஏவுகணையில், வருங்காலங்களில் உள்நாட்டில் தயாரிக்கப்பட்ட பொருட்களை சேர்ப்பதற்கு இன்று நடந்த சோதனை உதவும் எனக்கூறியுள்ளார்.

பாதுகாப்புத்துறை அமைச்சர் ராஜ்நாத் சிங் டுவிட்டரில் வெளியிட்ட வாழ்த்து செய்தி:உள்நாட்டில் தயாரிக்கப்பட்ட பூஸ்டர் மற்றும் ஏர்பிரேமுடன் பிரமோஸ் சூப்பர்சோனிக் ஏவுகணை சோதனையை வெற்றிகரமாக நிகழ்த்திய விஞ்ஞானிகளுக்கு வாழ்த்துகள். இந்த வெற்றி, தன்னிறைவு இந்தியாவிற்கு ஊக்கமளிக்கும் எனக்கூறியுள்ளார்.

பாபர் மசூதி வழக்கு தீர்ப்பு: சிபிஐ மேல்முறையீடு செய்யுமா?- வழக்கறிஞர் லலித் சிங் விளக்கம்

No comments


கடந்த 28 ஆண்டுகளாக நடந்து வந்த பாபர் மசூதி இடிப்பு வழக்கில் குற்றம் சாட்டப்பட்ட 32 பேரையும் விடுவித்து லக்னோ சிறப்பு நீதிமன்றம் இன்று தீர்ப்பு வழங்கிய நிலையில், சிபிஐ சார்பில் மேல்முறையீடு செய்யப்படுமா என்ற கேள்வி எழுந்துள்ளது.

உத்தரப் பிரதேச மாநிலம் அயோத்தியில் இருந்த பாபர் மசூதி, கடந்த 1992-ம் ஆண்டு டிசம்பர் 6-ம் தேதி கரசேவகர்களால் இடிக்கப்பட்டது. இந்த வழக்கில் பாஜக மூத்த தலைவர்கள் அத்வானி, முரளி மனோகர் ஜோஷி, உமா பாரதி, முன்னாள் முதல்வர் கல்யாண் சிங் உட்பட 49 பேர் மீது குற்றம் சாட்டப்பட்டது. அவர்களுக்கு எதிராக சிபிஐ குற்றப்பத்திரிகையும் தாக்கல் செய்தது.

கடந்த 2017-ம் ஆண்டில் இருந்து லக்னோவில் உள்ள சிபிஐ நீதிமன்றத்தில், உச்ச நீதிமன்றத்தின் கண்காணிப்பில் தினந்தோறும் விசாரணை நடந்து வந்தது. இம்மாதத் தொடக்கத்தில் விசாரணை நிறைவடைந்தது. இதையடுத்து தேதி குறிப்பிடப்படாமல் தீர்ப்பு ஒத்திவைக்கப்பட்டது.

இந்த வழக்கில் இன்று சிறப்பு நீதிமன்ற நீதிபதி யாதவ் இன்று தீர்ப்பளித்தார். அதில், குற்றம் சாட்டப்பட்ட 32 பேரையும் விடுவித்தார். அவர்களுக்கு எதிராகப் போதுமான ஆதாரங்களை நிரூபிக்க சிபிஐ தவறிவிட்டது எனத் தீர்ப்பளித்தார்

இதனால் பாபர் மசூதி இடிப்பு வழக்கில் சிபிஐ தரப்பில் மேல்முறையீடு செய்யப்படுமா என்ற கேள்வி எழுந்தது. பொதுவாக அரசுத் தரப்பில் தொடர்ந்த வழக்கில் பின்னடைவு ஏற்படும்பட்சத்தில் தொடர்ந்து மேல்முறையீடு செய்யப்படும். ஆனால், இது அரசியல் முக்கியத்துவம் வாய்ந்த வழக்கு என்பதால் சிபிஐ தரப்பில் மேல்முறையீடு செய்யப்படுமா என்று அரசியல் வட்டாரத்தில் கேள்வி எழுந்துள்ளது.

இதுகுறித்து சிபிஐ வழக்கறிஞர் லலித் சிங்கிடம் நிருபர்கள் கேட்டபோது, அவர் பதில் அளிக்கையில், “நீதிமன்றத்தின் தீர்ப்பு விவரங்களின் நகல் இன்னும் கிடைக்கவில்லை. அது கிடைத்தவுடன் சிபிஐ தலைமை அலுவலகத்துக்கு அனுப்பி வைக்கப்படும்.

அந்தத் தீர்ப்பின் விவரத்தை சிபிஐ அமைப்பின் சட்டவல்லுநர்கள் குழு படித்துப் பார்த்து ஆய்வு செய்யும். அதற்குப் பிறகு மேல்முறையீடு செய்யலாமா என்பது குறித்து அந்தக் குழுவினர் அளிக்கும் ஆலோசனையின்படி முடிவு எடுப்பார்கள்” எனத் தெரிவித்தார்.

இந்தியாவில் ஒவ்வொரு நாளும் சராசரியாக 87 கற்பழிப்பு வழக்குகள் பதிவு

No comments


இந்தியாவில் 2019ம் ஆண்டில் ஒவ்வொரு நாளும் சராசரியாக 87 கற்பழிப்பு வழக்குகளும், ஆண்டுக்கு 4,05,861 பெண்களுக்கு எதிரான குற்றங்களும் பதிவாகியுள்ளதாக தேசிய குற்ற ஆவண காப்பகம் வெளியிட்டுள்ள தரவுகள் மூலம் தெரியவந்துள்ளது.

தேசிய குற்ற ஆவண காப்பகம் தரப்பில் ‛இந்தியாவில் குற்றங்கள்-2019' என்னும் அறிக்கை வெளியானது.
அதில் கூறப்பட்டுள்ளதாவது: இந்தியாவில் கடந்த 2019ம் ஆண்டு ஒவ்வொரு நாளும் சராசரியாக 87 கற்பழிப்பு வழக்குகளும், ஆண்டுக்கு 4 லட்சத்து 5 ஆயிரத்து 861 பாலியல் வன்கொடுமை வழக்குகளும் பதிவு செய்யப்பட்டுள்ளன. இது 2018ம் ஆண்டை ஒப்பிடுகையில் பெண்களுக்கு எதிரான குற்றங்கள் 7.3 சதவீதம் அதிகமாகும். இதில் பெரும்பாலான குற்றங்கள் கணவர் மற்றும் உறவினர்கள் மூலம் அரங்கேறியுள்ளது.

2018ம் ஆண்டில் நாட்டில் பெண்களுக்கு எதிரான குற்றங்கள் 3,78,236 பதிவாகியுள்ளன. அதேபோல் 33,356 கற்பழிப்புகள் பதிவாகியுள்ளன. பெண்கள் மட்டுமல்ல, குழந்தைகளுக்கு எதிரான குற்ற சம்பவங்களும் அதிகரித்துள்ளன. 2018 ஆண்டுடன் ஒப்பிடுகையில் 2019ல் குழந்தைகளுக்கு எதிரான குற்ற சம்பவங்கள் 4.5 சதவீதம் அதிகரித்துள்ளன.

அதாவது 2019ம் ஆண்டில் மொத்தம் 1.48 லட்சம் குற்றங்கள் பதிவு செய்யப்பட்டுள்ளன. அவற்றில் 46.6 சதவீதம் கடத்தல் வழக்குகள் மற்றும் 35.3 சதவீத வழக்குகள் பாலியல் குற்றங்கள் தொடர்பானவை. இவ்வாறு அதில் கூறப்பட்டுள்ளது.

பாபர் மசூதி வழக்கு; நீதிமன்றத் தீர்ப்பை முழு மனதோடு வரவேற்கிறேன்: எல்.கே.அத்வானி கருத்து

No comments


பாபர் மசூதி இடிப்பு வழக்கில் குற்றம் சாட்டப்பட்டிருந்த 32 பேருக்கு எதிராகப் போதுமான ஆதாரங்கள் இல்லை எனக் கூறி லக்னோ சிறப்பு நீதிமன்றம் அளித்த தீர்ப்பை முழு மனதுடன் வரவேற்கிறேன். ஜெய் ஸ்ரீராம் என பாஜக மூத்த தலைவர் எல்.கே.அத்வானி தெரிவித்தார்.

உத்தரப் பிரதேச மாநிலம் அயோத்தியில் இருந்த பாபர் மசூதி, கடந்த 1992-ம் ஆண்டு டிசம்பர் 6-ம் தேதி கரசேவகர்களால் இடிக்கப்பட்டது. இந்த வழக்கில் பாஜக மூத்த தலைவர்கள் அத்வானி, முரளி மனோகர் ஜோஷி, உமா பாரதி, முன்னாள் முதல்வர் கல்யாண் சிங் உட்பட 49 பேர் மீது குற்றம் சாட்டப்பட்டது. அவர்களுக்கு எதிராக சிபிஐ குற்றப்பத்திரிகையும் தாக்கல் செய்தது.

கடந்த 2017-ம் ஆண்டில் இருந்து லக்னோவில் உள்ள சிபிஐ நீதிமன்றத்தில், உச்ச நீதிமன்றத்தின் கண்காணிப்பில் தினந்தோறும் விசாரணை நடந்து வந்தது. இம்மாதத் தொடக்கத்தில் விசாரணை நிறைவடைந்தது. இதையடுத்து தேதி குறிப்பிடப்படாமல் தீர்ப்பு ஒத்திவைக்கப்பட்டது.

இந்த வழக்கில் இன்று சிறப்பு நீதிமன்ற நீதிபதி யாதவ் இன்று தீர்ப்பளித்தார். அதில், குற்றம் சாட்டப்பட்ட 32 பேரையும் விடுவித்தார். அவர்களுக்கு எதிராகப் போதுமான ஆதாரங்களை நிரூபிக்க சிபிஐ தவறிவிட்டது எனத் தீர்ப்பளித்தார்.

இந்தத் தீர்ப்பில் தான் உள்பட 31 பேர் விடுவிக்கப்பட்டது குறித்து பாஜக மூத்த தலைவர் எல்.கே.அத்வானி வீடியோ வெளியிட்டிருந்தார். அதில், “இந்தத் தீர்ப்பு மிகவும் முக்கியமானது. எங்களுக்கு மிகுந்த மகிழ்ச்சியளிக்கக் கூடியது. இந்தத் தீர்ப்பின் செய்தியை தொலைக்காட்சியில் பார்த்தபோது, முழு மனதுடன் வரவேற்று ஜெய் ஸ்ரீராம் என்று மந்திரத்தை உச்சரித்தோம்.

நீதிமன்றத்தின் இந்தத் தீர்ப்பு என்னுடைய மற்றும் பாஜக கட்சியின் நம்பிக்கைகளையும், ராம ஜென்மபூமி இயக்கத்தின் மீது நாங்கள் வைத்திருந்த தீவிரத் தன்மை, பிடிப்பையும் காட்டுகிறது.

கடந்த ஆண்டு நவம்பர் மாதம் உச்ச நீதிமன்றம் அளித்த வரலாற்றுத் தீர்ப்பு என்னுடைய நீண்டகாலக் கனவான அயோத்தியில் ராமர் கோயில் கட்டுவதற்கு வழி அமைத்துக் கொடுத்தது. அதற்கு கடந்த ஆகஸ்ட் மாதம் 5-ம் தேதி அடிக்கல்லும் நாட்டப்பட்டது. ஆதலால், நான் ஆசிர்வதிக்கப்பட்டவனாகவே உணர்கிறேன்.

அயோத்தி இயக்கத்துக்கு ஆதரவையும் வலிமையையும் அளித்து எதிர்பார்ப்பின்றி தியாகங்களைச் செய்த என்னுடைய கட்சியின் தொண்டர்கள், தலைவர்கள், சாதுக்கள் என அனைவருக்கும் இந்த நேரத்தில் நன்றி தெரிவிக்கிறேன். இந்தத் தீர்ப்பை முழு மனதுடன் வரவேற்கிறேன்” என அத்வானி தெரிவித்துள்ளார்.

பாபர் மசூதி இடிப்பு வழக்கில் நீதிபதி தீர்ப்பை வாசிக்கும்போது காணொலியில் ஆஜரான அத்வானி, தீர்ப்பின் விவரங்களை தனது மகள் பிரதிபா அத்வானியுடன் சேர்ந்து கேட்டார். தீர்ப்பு அளிக்கப்பட்டபின் தனது இல்லத்துக்கு வெளியே கூடியிருந்த தொண்டர்களுக்கும், ஊடகத்தினருக்கும் அத்வானி வாழ்த்துகளைத் தெரிவித்து, ஜெய் ஸ்ரீராம் என்று உச்சரித்துச் சென்றார்.

பாபர் மசூதி இடிப்பு வழக்கு: அத்வானி உட்பட குற்றஞ்சாட்டப்பட்ட 32 பேரும் விடுதலை

No comments


 பாபர் மசூதி இடிப்பு வழக்கில் அத்வானி, முரளிமனோகர் ஜோஷி உள்ளிட்ட 32 பேரையும் விடுவித்து லக்னோ சி.பி.ஐ., சிறப்பு நீதிமன்றம் தீர்ப்பு வழங்கியது.

உத்தர பிரதேசத்தின் அயோத்தியில் இருந்த பாபர் மசூதி, 1992ல் இடிக்கப்பட்டது. இது தொடர்பாக, இரண்டு வழக்குகள் தொடரப்பட்டன.மசூதியை இடித்ததாக, லட்சக்கணக்கான பெயர் தெரியாத, கரசேவகர்கள் மீது, லக்னோவில் உள்ள நீதிமன்றத்தில் வழக்கு தொடரப்பட்டது. மசூதியை இடிக்க சதி திட்டம் தீட்டியதாக, அத்வானி உள்ளிட்டோர் மீது, ரேபரேலி நீதிமன்றத்தில் வழக்கு தொடரப்பட்டது. அத்வானி உள்ளிட்டோரை வழக்குகளில் இருந்து விடுவித்து, நீதிமன்றம், 2001ல் தீர்ப்பு அளித்தது. அதை, அலகாபாத் உயர் நீதிமன்றம், 2010ல் உறுதி செய்தது.இதை எதிர்த்து தொடரப்பட்ட வழக்கை விசாரித்த உச்ச நீதிமன்றம், அத்வானி உள்ளிட்டோர் மீதான வழக்கை விசாரிக்கும் படி, 2017ல் உத்தரவிட்டது. மேலும், ரேபரேலியில் உள்ள வழக்கை, லக்னோ சி.பி.ஐ., சிறப்பு நீதிமன்றத்துக்கு மாற்றியது.

இரண்டு ஆண்டுகளுக்குள் தீர்ப்பு அளிக்க வேண்டும் என்றும், உச்ச நீதிமன்றம் உத்தரவிட்டு இருந்தது. இந்தக் காலக்கெடு பலமுறை ஒத்திவைக்கப்பட்டது.

இந்த வழக்கில், லக்னோவில் உள்ள, சி.பி.ஐ., சிறப்பு நீதிமன்ற நீதிபதி, எஸ்.கே. யாதவ் அளித்த தீர்ப்பு: பாபர் மசூதி திட்டமிட்டு இடிக்கப்பட்டது என்பதற்கு போதுமான ஆதாரமில்லை. இந்த வழக்கில், குற்றச்சாட்டுகளை போதிய ஆதாரத்துடன் சி.பி.ஐ., நிரூபிக்கவில்லை. குற்றஞ்சாட்டப்பட்ட 32 பேரும் விடுதலை செய்யப்படுகின்றனர். குற்றஞ்சாட்டப்பட்டவர்கள் மசூதியை இடிக்கவில்லை. அவர்கள் தான் இடிக்கவிடாமல் தடுத்தனர்.

சிபிஐ வழங்கிய ஒலி மற்றும் ஒளி ஆதாரங்களின் நம்பகத்தன்மையை நிரூபிக்க இயலவில்லை. சிபிஐ வழங்கிய பல்வேறு ஆதாரங்களில் ஒளிப்பதிவு தெளிவாக இல்லை. குற்றஞ்சாட்டப்பட்டவர்கள் தான் இடிக்க தூண்டினார்கள் என்பதற்கு போதிய ஆதாரம் இல்லை. சதிச்செயல் நடந்தததாக கூறுவதை ஆதாத்துடன் நிரூபிக்கவில்லை. சமூக விரோத கும்பல் தான் மசூதியை இடித்தது. இதில் குற்றஞ்சாட்டப்பட்டவர்களுக்கு தொடர்பில்லை. இவ்வாறு நீதிபதி தனது தீர்ப்பில் கூறினார்.

வழக்கில் குற்றஞ்சாட்டப்பட்டுள்ள, அத்வானி உட்பட, 32 பேரும் நேரில் ஆஜராக உத்தரவிட்டு இருந்தார். வினய் கத்தியார், தரம்தாஸ், வேதாந்தி, லாலு சிங், சம்பத் ராய், பவன் பாண்டே உள்ளிட்ட 26 பேர் நேரில் ஆஜராகினார்கள். அத்வானி, ஜோஷி, கல்யாண் சிங், உமாபாரதி, சதிஷ் பிரதான், கோபால் தாஸ் ஆகியோர் வீடியோ கான்பரன்ஸ் மூலம் ஆஜரானார்கள்.

தீர்ப்பு வழங்கப்படுவதை முன்னிட்டு, நீதிமன்றம் மற்றும் அதனை சுற்றியுள்ள பகுதிகளில் பலத்த பாதுகாப்பு போடப்பட்டிருந்தது. நீதிமன்றம் வழியாக செல்லும் ஏராளமான வாகனங்கள் வேறு வழியில் திருப்பி விடப்பட்டுள்ளன.

உ.பி.,யில் இளம்பெண் கூட்டு பலாத்காரம்: கடும் நடவடிக்கை எடுக்க பிரதமர் உத்தரவு

No comments


உ.பி.,யில் இளம்பெண் கூட்டு பலாத்காரம் செய்த சம்பவம் தொடர்பாக மாநில உள்துறை செயலர் தலைமையில் 3 பேர் கொண்ட சிறப்பு விசாரணை குழுவை அமைத்து முதல்வர் யோகி ஆதித்யநாத் உத்தரவிட்டுள்ளார்.

உ.பி.,யின் ஹத்ராஸ் பகுதியில், தலித் சமூகத்தைச் சேர்ந்த, 19 வயது இளம்பெண்ணை, சமீபத்தில், சந்தீப், ராமு, லவகுசா மற்றும் ரவி ஆகியோர் கடத்திச் சென்று, கூட்டு பாலியல் பலாத்காரம் செய்தனர். படுகாயங்களுடன் மீட்கப்பட்ட இளம்பெண், டில்லி சப்தர்ஜங் மருத்துவமனையில் சிகிச்சை பலனின்றி நேற்று உயிரிழந்தார்.இந்த வழக்கில், சந்தீப் உட்பட நால்வரையும் போலீசார் கைது செய்தனர்.

இந்த சம்பவம் தொடர்பாக முதல்வர் யோகி ஆதித்யநாத் கூறுகையில், இந்த விவகாரம் தொடர்பாக 3 பேர் கொண்ட சிறப்பு விசாரணை குழு அமைக்கப்பட்டுள்ளது. இதற்கு மாநில உள்துறை செயலர் தலைமை வகிப்பார். ஒரு வாரத்தில் விசாரணை அறிக்கையை இந்தக்குழு அளிக்கும். வழக்கு விசாரணையை விரைவு நீதிமன்றத்தில் நடக்கும் எனக்கூறினார்.

தொடர்ந்து டுவிட்டரில் வெளியிட்ட பதிவு ஒன்றில், இந்த சம்பவம் தொடர்பாக பிரதமர் மோடி தொலைபேசியில் பேசினார். குற்றவாளிகள் மீது கடும் நடவடிக்கை எடுக்க வேண்டும் என உத்தரவிட்டுள்ளார். இவ்வாறு அதில் யோகி தெரிவித்துள்ளார்.

இந்தியாவில் கொரோனாவில் குணமடைந்தோர் எண்ணிக்கை 52 லட்சத்தை நெருங்கியது; தொற்று 62 லட்சத்தைக் கடந்தது

No comments


இந்தியாவில் கொரோனாவில் பாதிக்கப்பட்டோர் எண்ணிக்கை 62 லட்சத்தைக் கடந்துள்ளது, அதேநேரம் கொரோனாவிலிருந்து குணமடைந்தோர் எண்ணிக்கை 52 லட்சத்தை நெருங்குகிறது என்று மத்திய சுகாதாரத்துறை அமைச்சகத்தின் புள்ளிவிவரங்கள் தெரிவிக்கின்றன.

இந்தியாவில் கடந்த 24 மணி நேரத்தில் புதிதாக கொரோனா தொற்றால் 80 ஆயிரத்து 472 பேர் பாதிக்கப்பட்டனர். இதன் மூலம் ஒட்டுமொத்த பாதிப்பு 62 லட்சத்து 25 ஆயிரத்து 763 ஆக அதிகரித்துள்ளது.

கடந்த ஆகஸ்ட் 7-ம் தேதி கொரோனா பாதிப்பு 20 லட்சத்தை எட்டிய நிலையில், 23-ம் தேதி 30 லட்சத்தையும், இம்மாதம் 5-ம் தேதி 40 லட்சத்தையும், 16-ம் தேதி 50 லட்சத்தையும் எட்டியது.

இதில் நம்பிக்கையளிக்கும் விதத்தில் கொரோனா வைரஸிலிருந்து குணமடைந்தோர் எண்ணிக்கை 51 லட்சத்து 87 ஆயிரத்து 825 ஆக உயர்ந்துள்ளது. குணமடைந்தோர் சதவீதம் 83.33 ஆக உயர்ந்துள்ளது.

கொரோனாவில் தற்போது சிகிச்சை பெறுவோர் எண்ணிக்கை 9 லட்சத்து 40 ஆயிரத்து 441 ஆகக் குறைந்துள்ளது. ஒட்டுமொத்த பாதிப்பில் சிகிச்சை பெறுவோர் எண்ணிக்கை 15.11 சதவீதமாகக் குறைந்துள்ளது.

கடந்த 24 மணி நேரத்தில் கொரோனா வைரஸால் 1,179 பேர் உயிரிழந்தனர். இதன் மூலம் ஒட்டுமொத்த உயிரிழப்பு 97 ஆயிரத்து 497 ஆக அதிகரித்துள்ளது. கொரோனாவில் உயிரிழப்பு 1.57 சதவீதமாகக் குறைந்துள்ளது.

ஐசிஎம்ஆர் அறிக்கையின்படி, இதுவரை நாட்டில் 7 கோடியே 41 லட்சத்து 96 ஆயிரத்து 729 மாதிரிகள் பரிசோதிக்கப்பட்டன. இதில் நேற்று மட்டும் 10 லட்சத்து 86 ஆயிரத்து 688 மாதிரிகள் பரிசோதிக்கப்பட்டன.

கடந்த 24 மணி நேரத்தில் 1,179 பேர் கொரோனா வைரஸ் பாதிப்பால் உயிரிழந்தனர். இதில் அதிகபட்சமாக மகாராஷ்டிராவில் 430 பேர், அதைத் தொடர்ந்து கர்நாடகாவில் 136 பேர், பஞ்சாப்பில் 75 பேர், தமிழகத்தில் 70 பேர், உத்தரப் பிரதேசத்தில் 63 பேர், மேற்கு வங்கத்தில் 62 பேர், டெல்லியில் 48 பேர், மத்தியப் பிரதேசம், சத்தீஸ்கரில் தலா 39 பேர், ஆந்திாவில் 35 பேர் உயிரிழந்தனர்.

இவ்வாறு மத்திய சுகாதாரத்துறை அமைச்சகம் தெரிவித்துள்ளது.

துணை முதல்வர் பன்னீர்செல்வம், இரண்டாவது நாளாக இன்றும் ஆலோசனை

No comments


துணை முதல்வர் பன்னீர்செல்வம், இரண்டாவது நாளாக இன்றும், தனது ஆதரவாளர்களுடன் ஆலோசனை நடத்தினார். இதில், நத்தம் விஸ்வநாதனும் கலந்து கொண்டார்.

ஆளும் கட்சியான அ.தி.மு.க.,வில், முதல்வர் வேட்பாளர் யார் என்பதில், முதல்வர் துணை முதல்வர் இடையே, திடீர் மோதல் வெடித்துள்ளது. சென்னையில், செப்.,28 ல் நடந்த, அ.தி.மு.க., செயற்குழு கூட்டத்தில், கட்சியினர் முன்னிலையில், இருவரும் பகிரங்கமாக மோதிக் கொண்டனர்.

கட்சியினர் மத்தியிலான பூசலை தீர்த்து வைக்க வேண்டிய இருவரும், நேரடி மோதலில் இறங்கியதால், கட்சி வட்டாரம் கடும் அதிர்ச்சியில் உள்ளது.தற்காலிகமாக, இருவரையும் சமாதானப்படுத்திய, மூத்த நிர்வாகிகள், இருவருக்கும் இடையே பேச்சு நடத்தி, சுமூக தீர்வு கண்ட பின், முதல்வர் வேட்பாளரை அறிவிக்க முடிவு செய்துள்ளனர். அதற்கு, அக்., 7ம் தேதி வரை அவகாசம் உள்ளது. இச்சூழலில், அ.தி.மு.க., செயற்குழு கூட்டத்தில், அமைச்சர்கள், எம்.எல்.ஏ.,க்கள் அனைவரும், முதல்வருக்கு ஆதரவாக பேசிய போது, பன்னீர்செல்வம் ஆதரவாளர்கள் அமைதி காத்தனர். அதே நேரத்தில், பன்னீர்செல்வம் ஆதரவாளர்கள் பேசியபோது மட்டும், அவர்களுக்கு எதிராக, முதல்வர் தரப்பினர் கூச்சலிட்டனர்.

இதனால், வெறுப்படைந்த பன்னீர்செல்வம் நேற்று தலைமை செயலகத்தில் நடந்த முதல்வர் பங்கேற்ற அரசு நிகழ்ச்சியை புறக்கணித்தார். தேனி செல்ல திட்டமிட்டார். இதனையறிந்த துணை ஒருங்கிணைப்பாளர்கள் கே.பி.முனுசாமி, வைத்தியலிங்கம் ஆகியோர், அவரது வீட்டிற்கு சென்று, அவருடன் ஆலோசனை நடத்தினர். பன்னீர்செல்வம் ஆதரவாளர்களான, முன்னாள் எம்.பி., மனோஜ்பாண்டியன், முன்னாள் எம்.எல்.ஏ., ஜே.சி.டி.பிராபகர் மற்றும் நிர்வாகிகளும் கூடினர். அடுத்த கட்ட நடவடிக்கைகள் குறித்தும் ஆலோசனை நடத்தினர். அதேநேரத்தில் நேற்று மாலை, முதல்வர் பழனிசாமியை, மூத்த அமைச்சர்கள் சந்தித்து பேசினர். பன்னீர்செல்வம், பழனிசாமியை அமைச்சர் உதயக்குமார் அடுத்தடுத்து இரண்டு முறை சந்தித்து பேசினார்.

இந்நிலையில், பன்னீர்செல்வம், 2வது நாளாக இன்றும் தனது ஆதரவாளர்களுடன் ஆலோசனை நடத்தி வருகிறார். இந்த கூட்டத்தில் நத்தம் விஸ்வநாதனும் கலந்து கொண்டுள்ளார். முதல்வர் வேட்பாளர் விவகாரத்தில் மோதல் போக்கு ஏற்பட்டுள்ள நிலையில், இந்த ஆலோசனை நடந்து வருகிறது.

H ராஜாவிற்கு முக்கிய பதவி, 48 மணி நேரத்திற்குள் தேடிவந்த நல்ல செய்தி !

No comments


பாஜக தேசிய நிர்வாகிகள் குறித்த பட்டியலை இரண்டு நாட்களுக்கு முன்னர் அக்கட்சியின் தேசிய தலைவர் நட்டா வெளியிட்டார், இப்பட்டியலில் பாஜக தேசிய செயலாளராக இருந்து H.ராஜா பெயர் இடம்பெறவில்லை, இந்நிலையில் தமிழகத்தை சேர்ந்த ஊடகங்கள் மற்றும் சில எதிர்க்கட்சியை சேர்ந்தவர்கள், H ராஜா தேசிய செயலாளர் பொறுப்பில் இருந்து நீக்கப்பட்டதாக தகவல்களை வெளியிட்டனர்.

இது குறித்து பாஜக டெல்லி வட்டாரங்கள் தெரிவித்ததாவது, பாஜகவை பொறுத்தவரை கட்சி அல்லது ஆட்சி இரண்டில் ஏதாவது ஒரு பதவியில் ஒருவர்தான் இருக்க முடியும், அதே போன்று ஒருவர் தொடர்ந்து இரண்டுமுறை ஒரே பதவியில் வகிக்க இயலாது, அதன் அடிப்படையில் பல்வேறு மூத்த நிர்வாகிகளின் பெயர்கள் இடம்பெறவில்லை, குறிப்பாக மத்திய பிரதேச முதலமைச்சர் சிவராஜ்சிங் சவுகான், முன்னாள் மத்திய அமைச்சர் உமாபாரதி, முரளிதரராவ் ஆகியோர் பெயர்கள் கட்சி பட்டியலில் இடம்பெறவில்லை.

புதிதாக பல இளம் நிர்வாகிகளுக்கு வாய்ப்புகள் கொடுக்கப்பட்டுள்ளது, இந்நிலையில், H ராஜா பெயர் தேசிய நிர்வாகிகள் பட்டியலில் இடம்பெறாததை திமுக, திக, இன்னும் பிற இஸ்லாமிய இயக்கங்கள், கிண்டல் செய்திருந்தனர்,மேலும் சமூக வலைத்தளங்களிலும் விமர்சனம் செய்து பதிவுகள் பலவும் பகிரப்பட்டு வந்தன.

தற்போது டெல்லி பாஜக தரப்பில் இருந்து H.ராஜாவிற்கு நல்ல செய்தி ஒன்று கிடைத்துள்ளது, கட்சியின் பொறுப்பில் இடம்பெறாத மூத்த நிர்வாகிகளுக்கு, அமைச்சரவை, மாநிலங்களவை உறுப்பினர், மாநில ஆளுநர், வாரிய தலைவர் பொறுப்பு உள்ளிட்ட பல்வேறு முக்கிய பொறுப்புகள் கொடுக்க இருப்பதாக தகவல் சொல்லப்பட்டு இருக்கிறது.

இதனால் மேற்குறிப்பிட்ட ஏதேனும் ஒரு பதவி H.ராஜாவிற்கு கிடைக்கும் என்ற செய்தி உறுதியாகியுள்ளது, இந்த தகவல் H ராஜாவிற்கு நெருக்கமானவர்கள் தரப்பிலும் உறுதி செய்யப்பட்டு உள்ளது, இதனால் எப்போது வேண்டுமானாலும் முக்கிய பதவிகளில் ஒன்று ராஜாவிற்கு கிடைக்கும் என்று உறுதி செய்யப்பட்டுள்ளது.

இந்த தகவல் தற்போது கடுமையாக H.ராஜாவை சமூகவலைத்தளங்களில் விமர்சனம் செய்து வந்த எதிர்தரப்பினர் வாயை அடைந்துள்ளது, தமிழகத்தின் அண்டை மாநிலமான புதுச்சேரி மாநிலத்தின், முதலமைச்சரை காட்டிலும் அதிகாரமிக்க பதவியான துணை நிலை ஆளுநர் பதவி கொடுக்கப்படலாம் எனவும் கூறப்படுகிறது.

எஸ்.பி.பிக்கு ‘பாரத ரத்னா’ விருது வழங்க ஜெகன் கோரிக்கை

No comments

Monday, 28 September 2020



எஸ்.பி.பி.க்கு பாரத ரத்னா விருது வழங்க வேண்டும் என பிரதமருக்கு ஆந்திர முதல்வர் ஜெகன் மோகன் ரெட்டி திங்கள்கிழமை கடிதம் எழுதியுள்ளார்.

பிரபல இந்திய பாடகர் எஸ்.பி.பாலசுப்பிரமணியம் கரோனாவால் பாதிக்கப்பட்டு சிகிச்சைப் பலனின்றி கடந்த செப்டம்பர் 25 ஆம் தேதி உயிரிழந்தார்.

இந்நிலையில் அவருக்கு இந்தியாவின் உயரிய விருதான பாரத ரத்னா விருது வழங்க வேண்டுமென ஆந்திர முதல்வர் ஜெகன் மோகன் ரெட்டி பிரதமர் மோடிக்கு கடிதம் எழுதியுள்ளார்.

அந்தக் கடிதத்தில் அவர் கூறியிருப்பதாவது: 

ஆந்திர மாநிலம் நெல்லூரில் பிறந்த எஸ்.பி.பி. க்கு உலகம் முழுவதும் ரசிகர்கள் உள்ளனர். இந்திய திரையுலகில் 50 ஆண்டுகளுக்கு மேல் முன்னணி பாடகராக இருந்தார். 

அவரது திரையுலக வாழ்கையில் தெலுங்கு, தமிழ், மலையாளம், ஹிந்து உள்பட பல மொழிகளில் 40 ஆயிரத்திற்கும் மேற்பட்ட பாடலகளை பாடியுள்ளார். இந்திய அரசின் சிவிலியன் விருதான பத்மஸ்ரீ (2001) மற்றும் பத்மாபூஷன் (2011) ஆகிய விருதுகள் உள்பட பல மத்திய மற்றும் மாநில அரசுகளின் விருதுகள், திரையுலகின் முக்கிய விருதுகள் பெற்றுள்ளார்.

திரையுலகில் 50 ஆண்டுகளாக எஸ்.பி.பி. ஆற்றிய பணிக்கு லதா மங்கேஷ்கர், சுப்புலட்சுமி பூபன் ஹசாரிகா, பீம்சென் ஜோஷி போன்றோர்களுக்கு வழங்கப்பட்டதை போல் இந்திய உயரிய விருதான ‘பாரத ரத்னா’ விருது வழங்கவேண்டும் என கூறியிருந்தார்.

எஸ்.பி.பி. மருத்துவக் கட்டணச் சர்ச்சை: மகன் சரண் அளித்த விளக்கத்தின் முழு விவரம்

No comments


எஸ்.பி.பி.க்கு சிகிச்சை அளிக்கப்பட்டது தொடர்பாக அவருடைய மகன் சரண், மருத்துவமனை நிர்வாகம் ஆகியோர் விளக்கம் அளித்துள்ளார்கள். 

கரோனா தொற்றால் பாதிக்கப்பட்டு, சென்னை தனியாா் மருத்துவமனையில் சிகிச்சைக்காக அனுமதிக்கப்பட்ட எஸ்.பி.பாலசுப்ரமணியம் வெள்ளிக்கிழமை உயிரிழந்தாா். அவரது உடல் தாமரைப்பாக்கம்-செங்குன்றம் சாலையில் உள்ள பண்ணை வீட்டில் காவல் துறை மரியாதையுடன் சனிக்கிழமை அடக்கம் செய்யப்பட்டது. அவரது உடலுக்கு திரைத் துறையினா், அரசியல் பிரமுகா்கள் அஞ்சலி செலுத்தினா்.

இந்நிலையில் எஸ்.பி.பி.க்கு அளிக்கப்பட்ட சிகிச்சை மற்றும் மருத்துவக் கட்டணம் தொடர்பாக வெளியான செய்திகளுக்கு எஸ்.பி.பி. மகன் சரண் மற்றும் தனியார் மருத்துவமனை நிர்வாகம் ஆகியோர் பதில் அளித்துள்ளார்கள். இன்று நடைபெற்ற செய்தியாளர் சந்திப்பில் எஸ்.பி. சரண் கூறியதாவது:

அப்பா மருத்துவமனையில் அனுமதிக்கப்பட்டது முதல் வதந்திகள் உருவாகி வருகின்றன. அப்பாவுக்குச் சிகிச்சை அளித்த நான்கு மருத்துவர்களும் இங்கு உள்ளார்கள். இவர்களுக்கு நாங்கள் நன்றிக்கடன்பட்டுள்ளோம். அவர்கள் எங்கள் குடும்பத்தில் ஒருவராகிவிட்டார்கள். அப்பாவை நன்குக் கவனித்துக்கொண்டார்கள். என்னிடம் தினமும் பேசுவார்கள், கேட்டுக்கொள்வார்கள். மருத்துவ அறிக்கை அளிப்பதாக இருந்தாலும் எங்கள் குடும்பத்தினரிடம் ஆலோசனை செய்துகொள்வார்கள். எங்களிடம் ஆலோசித்துவிட்டுத்தான் எல்லா சிகிச்சைகளையும் செய்தார்கள். 

அப்பாவை இழந்த பாதிப்பிலிருந்து மீள்வதற்கு கால அவகாசம் கூட இல்லாமல் தினமும் ஏதாவது ஒரு பிரச்னைகளைக் கிளப்பி வருகிறார்கள். மருத்துவமனையை முழுவதுமாக நம்பினோம். அதில் எந்த வருத்தமும் இல்லை. எங்களுக்கு ஒன்று என்றால் இந்த மருத்துவமனை நிற்கும். இந்த மருத்துவமனைக்கு ஒன்று என்றால் நாங்கள் நிற்போம்.

மருத்துவக் கட்டணம் அதிகமாக இருந்தது. எங்களால் அதைச் செலுத்த முடியவில்லை. தமிழக அரசிடம் பேசினோம். அவர்கள் உடனடியாகப் பதில் அளிக்கவில்லை. இதனால் குடியரசுத் துணைத் தலைவரிடம் நான் பேசினேன். அவர்கள் களத்தில் இறங்கி, குடியரசுத் துணைத் தலைவரின் மகள் மருத்துவக் கட்டணத்தைச் செலுத்தினார்கள் என்கிற அருமையான ஒரு கதை வந்தது. நீங்கள் என்னிடம் கேட்கும்போதே அது உண்மை இல்லை என்பது உங்களுக்குத் தெரிகிறது. இந்த வதந்திக்குத் தேவையில்லாமல் இவ்வளவு முக்கியத்துவம் கொடுத்துவிட்டோம். 

மருத்துவமனையில் அப்பாவின் சிகிச்சைக்கு என்ன கட்டணம் சொன்னார்களோ அதன் ஒரு பகுதியை நாங்கள் தொடர்ந்து செலுத்திக்கொண்டு வந்தோம். மருத்துவக் காப்பீடு கட்டணத்தின் ஒரு பகுதியைப் பார்த்துக்கொண்டது. பணம் எங்களுக்கு முக்கியம் இல்லை. அப்பா திரும்ப வரவேண்டும் என நினைத்தோம். ஒவ்வொரு வாரமும் நாங்கள் பணம் செலுத்தி வந்தோம். அப்பா இறந்த பிறகு மீதிக் கட்டணம் எதுவும் செலுத்தவேண்டுமா என நெருங்கிய நண்பராக உள்ள மருத்துவரிடம் தான் கேட்டேன். கடைசி நாளன்று எங்களுடைய கணக்காளரும் மருத்துவமனையில் இருந்தார். நாங்கள் பணத்துடன் அங்கே சென்றிருந்தோம். ஆனால், மருத்துவமனை சேர்மனிடமிருந்து வந்த தகவல் - அவர்களிடம் எந்தக் காசும் வாங்கவேண்டாம். எவ்வளவு சுமூகமாக எஸ்.பி.பி. உடலை வீட்டுக்குக் கொண்டுபோக முடியுமோ அந்த வசதிகளைச் செய்து தரவும். இவ்வாறு அவர் கூறியிருந்தார். இதுதான் நடந்த விஷயம். 

மருத்துவமனை நிர்வாகம் கோரும் எந்தவிதமான உதவியையும் தமிழக அரசு செய்ய முன்வந்துள்ளதாகத் தகவல் வந்தது. அது என்னவிதமான உதவி என்பதைத் தெளிவாகப் புரிந்துகொள்வதற்காக மருத்துவத்துறைச் செயலாளரிடம் பேசினேன். அமைச்சரிம் விசாரித்து பேசுகிறேன் என்றார். மருத்துவக் கட்டணம் தொடர்பாக எங்களுக்கு ஒத்துழைக்க முடியுமா எனத் தமிழக அரசு சார்பாக மருத்துவமனையிடம் பேசியிருந்தார்கள். இப்போது எந்தப் பிரச்னையும் இல்லை. இதை நாங்கள் பார்த்துக்கொள்கிறோம் என சேர்மன் பதில் கூறியுள்ளார். இந்த முடிவை எப்போது எடுத்தார்கள் என்று தெரியாது. எங்களுக்கும் மருத்துவமனைக்கும் மருத்துவக் கட்டணம் தொடர்பாக எந்தப் பிரச்னையும் இல்லை. மருத்துவக் கட்டணத்தைச் செலுத்தாததால் தான் நான் அடுத்த நாள் எஸ்.பி.பி. இறந்தது பற்றி அறிவித்தேன் என்றும் கதை கூறியுள்ளார்கள். அப்பா இறந்த நேரத்தையும் அன்றைக்குக் சொல்லியிருந்தேனே! இறப்புச் சான்றிதழிலும் அந்த நேரம் தான் இருக்கும். அதற்குள் ஏன் கதை கட்டவேண்டும்?

அப்பாவுக்குப் பிரமாண்டமாக நினைவு இல்லம் கட்டவேண்டும் என்கிற எண்ணம் உள்ளது. அதற்கான திட்டமிடல் நடந்து கொண்டிருக்கிறது. என் சக்தியால் முடிந்ததைச் செய்வேன். இப்போது பண்ணை வீட்டில் அப்பாவுக்கு இறுதி அஞ்சலி செலுத்த பொது மக்கள் அனுமதிக்கப்படுகிறார்கள். பாதுகாப்பு கருதி நான்கு நான்கு பேராக அனுமதிக்கிறார்கள். அனைவரும் இறுதி அஞ்சலி செலுத்தக்கூடிய விதத்தில் ஏற்பாடுகள் நடைபெற்று வருகின்றன. அனைத்துத் துறைகளிடமும் பேசி ஒரு வாரத்தில் முழு விவரத்தையும் அறிவிக்கிறேன். 

அஜித் எனக்கும் அப்பாவுக்கும் நல்ல நண்பர். அவர் வந்து பார்த்தால் என்ன, பார்க்காவிட்டால் என்ன! அவர் வரவேண்டிய அவசியம் இல்லை. அவர் மரியாதை எங்கு செலுத்தினால் என்ன? அது ஒரு பிரச்னை இல்லை இப்போது.

அப்பா சைகையில் பேசினார். நகைச்சுவை உணர்வுடன் இருந்தார். சொல்ல வேண்டியதை எழுதிக் காண்பித்தார்.

அப்பா இறந்தது கரோனாவால் அல்ல. நுரையீரல் பாதிப்பை சரிசெய்வதுதான் எங்களுக்குப் பிரச்னையாக இருந்தது.

தினமும் ஏதாவது ஒரு வதந்தி வந்து அதற்கு நாங்கள் பதில் அளிக்கவேண்டியதாக உள்ளது. அப்பாவை இழந்த பாதிப்பிலிருந்து மீண்டு வர எங்கள் குடும்பத்துக்குக் கால அவகாசம் கொடுங்கள் என்றார்.

விபச்சாரம் கன்னியாகுமரியை அதிர்ச்சிக்குள்ளாக்குகிறது ! -ஒரு பெண் போலீஸ் இன்ஸ்பெக்டரின் கணவர் கைது

No comments


கன்னியாகுமரி மாவட்டம் தக்கலையில் மகள்களை பாலியல் தொழிலில் ஈடுபடுத்திய தாயும் காவல் ஆய்வாளரின் கணவர் உள்பட பட மூன்று பேர் கைது செய்யப்பட்டுள்ளனர்.

கன்னியாகுமரி மாவட்டம் தக்கலை மேட்டுக்கடை பகுதியில் உள்ள ஒரு வீட்டில் பகல் மற்றும் இரவு நேரங்களில் வெளியூரை சேர்ந்த ஆண்கள் வந்து சென்றுள்ளனர். இந்த வீட்டில் பாலியல் தொழில் நடைபெற்று வருவதாகவும் புகார் எழுந்ததையடுத்து, போலீசார் அந்த வீட்டை ரகசியமாக கண்காணித்தனர். இந்த நிலையில், நேற்று மாலை தக்கலை டி.எஸ்.பி ராமச்சந்திரன் தலைமையிலான போலீசார் வீட்டுக்குள் புகுந்து அதிரடி சோதனை மேற்கொண்டனர் அப்போது , வீட்டில் இரண்டு தனித்தனி அறைகளில் பெண்களுடன் இருந்த ஆண்கள் இரண்டு பேர்  தப்பி ஓட முயன்றனர் . போலீஸார் அவர்களை சுற்றி வளைத்த பிடித்தனர்.

பிடிபட்டவர்களில் ராஜ்மோகன் என்பவர் வீரவ நல்லூர் காவல் நிலைய பெண் காவல் ஆய்வாளரின் கணவர் என்பதும் மற்றோருவர் தக்கலை பகுதியை சேர்ந்த கூலித் தொழிலாளி சுனில் என்பதும் விசாரணையில் தெரிய வந்தது, பெண்களை விபசாரத்தில் ஈடுபடுத்தியதாக லதா என்ற பெண்ணும் பிடிபட்டார். இவர், தன் சொந்த மகள்கள் மூன்று பேரையும் ஆடம்பரமாக வாழலாம் என்று ஆசை வார்த்தை கூறி பாலியல் தொழிலில் ஈடுபடுத்தியுள்ளார்.அதோடு, தன் மகளின் தோழி ஒருவரையும் இந்த தொழிலில் ஈடுபடுத்தி பாதகம் செய்துள்ளார்.

இதையடுத்து விபாரத்தில் ஈடுபட்டவர்களை போலீஸார் ஆசாரிப்பள்ளம் மருத்துவகல்லூரி மருத்துவமனைக்கு மருத்துவ பரிசோதனைக்கு அனுப்பி வைத்தனர். இது குறித்து தக்கலை டி.எஸ்.பி கூறுகையில், '' நான்கு பேருக்கும் மருத்துவ பரிசோதனை நடைபெற்று வருகிறது. சிறுமிகளிடம் பாலியல் ரீதியிலான தொடர்பில் இருந்த பல ஆண்களிடம் விசாரணை நடத்தப்பட்டு வருகிறது. பல முக்கிய நபர்கள் சிக்க வாய்ப்புள்ளது என்று தெரிவித்துள்ளார்.

எதிர்வரும் சட்டமன்றத் தேர்தலில் அதிமுக முதலமைச்சர் வேட்பாளர் யார்?

No comments


எதிர்வரும் சட்டமன்றத் தேர்தலில் அதிமுக முதலமைச்சர் வேட்பாளர் யார்?

அதிமுக முதலமைச்சர் வேட்பாளர் யார் என்பதை கட்சித் தலைமையலகம் 7ஆம் தேதியன்று அறிவிக்கும். அடுத்த ஆண்டு நடைபெறவுள்ள தமிழக சட்டமன்ற தேர்தலில் அதிமுக வேட்பாளர் யார் என்பது எதிர்வரும் அக்டோபர் 7ஆம் தேதி அறிவிக்கப்படும் என்று கட்சியின் துணை ஒருங்கிணைப்பாளர் கே.பி. முனுசாமி தெரிவித்தார்.

கூட்டத்தின் முடிவில் செய்தியாளர்களிடம் பேசிய கே.பி. முனுசாமி, சட்டமன்ற தேர்தலில் அதிமுக வேட்பாளர் என்பது குறித்து வரும் அக்டோபர் 7ஆம் தேதி முதல்வர் எடப்பாடி பழனிசாமியும் துணை முதல்வர் ஓ.பன்னீர்செல்வமும் இணைந்து அறிவிப்பார்கள் என்று தெரிவித்தார்.

தேர்தலுக்கு முன்னதாக, கட்சியை அமைப்பு ரீதியாகவும் மாவட்டம், வட்டாரம் மற்றும் வார்டு அளவில் வலுப்படுத்துவது குறித்தும் இந்தக் கூட்டத்தில் ஆலோசனை நடத்தப்பட்டது.  

சென்னை ராயப்பேட்டையில் இருக்கும் அதிமுக தலைமை அலுவலகத்தில் இன்று செயற்குழு கூட்டம்  நடைபெற்றது. கட்சியின் அவைத்தலைவர் மதுசூதனன் தலைமையில் நடைபெற்ற கூட்டத்தில் கட்சியின் ஒருங்கிணைப்பாளரும், துணை முதலமைச்சருமான ஓ.பன்னீர்செல்வம், இணை ஒருங்கிணைப்பாளரும், முதலமைச்சருமான எடப்பாடி பழனிசாமி, முன்னணி நிர்வாகிகள் உள்பட செயற்குழு உறுப்பினர்கள் பலரும் பங்கேற்றுள்ளனர்.

அதிமுகவின் முதலமைச்சர் வேட்பாளர் யார் என்பது குறித்து கடந்த சில வாரங்களாக விவாதங்கள் எழுந்துள்ளன. இந்த நிலையில், இன்று நடைபெற்ற செயற்குழு கூட்டம் சுமார் 5 மணி நேரத்திற்கும் மேலாக நடைபெற்றது.  

11 பேர் கொண்ட வழிகாட்டுதல் குழுவை அமைக்க வேண்டும் என்றும் வழிகாட்டுதல் குழுவே முதல்வர் வேட்பாளரை தேர்வு செய்ய வேண்டும் என்பது குறித்தும் செயற்குழுவில் விவாதிக்கப்பட்டது.  

அதிமுக-வின் முதலமைச்சர் வேட்பாளர் யார்? அறிவிப்பு திகதி குறித்து அதிகாரப்பூர்வ தகவல்

No comments


அதிமுக-வின் முதல்வர் வேட்பாளர் யார் என்பது வரும் 7-ஆம் திகதி அறிவிக்கப்படும் என்று, அக்கட்சியின் இணை ஒருங்கிணைப்பாளர் கே.பி. முனுசாமி அறிவித்துள்ளார்.

முன்னாள் முதல்வர் ஜெயலலிதா மறைவுக்கு பின், அதிமுக இரு அணிகளாக பிரிந்து, அதன் பின் ஓர் அணியாக இணைந்தது.
இருப்பினும் துணை முதல்வரான ஓ.பி.பன்னீர் செல்வத்திற்கும், முதல்வர் எடப்பாடி பழனிச்சாமிக்கும், இடையே பனிப்போர் நடைபெற்று வருகிறது.

அதிமுக-வில் முதல்வர் வேட்பாளர் குறித்து பல்வேறு கருத்துகள் உலா வருவதால், இதற்கு முற்றுப்புள்ளி வைக்கும் வகையில், இன்று சென்னை ராயப்பேட்டையில் உள்ள கட்சி தலைமையகத்தில் அதிமுக செயற்குழு கூட்டம் கூடியது.

இதில் முதல்வர் வேட்பாளர் யார் என்பது குறித்து ஆலோசனை நடத்தப்படும் என்றும் பொதுச் செயலாளர் குறித்த விவகாரமும் பேசப்படும் என எதிர்பார்க்கப்பட்டது.

தலைமையகம் முன்பு, ஓபிஎஸ் ஆதரவாளர்கள், வருங்கால முதல்வரே, மும்முறை முதல்வரே என பதாகைகள் ஏந்தியும் முழக்கங்களை எழுப்பினர். இதற்கு போட்டியால ஈபிஎஸ் ஆதரவாளர்களோ, நிரந்தர முதல்வரே என முழக்கம் எழுப்பி பதாகைகளை பிடித்து நின்றனர்.

இதையடுத்து தொடர்ந்த செயற்குழு கூட்டத்தில், 15 தீர்மானங்கள் நிறைவேற்றப்பட்டன. இருமொழிக்கொள்கை, நீட் தேர்வை கைவிட வேண்டும், ஜிஎஸ்டி தொகையை வழங்க வேண்டும், கலாச்சார ஆய்வுக்குழுவில் தமிழ் அறிஞர்களை சேர்க்கவேண்டும், கச்சத்தீவு மீட்பு, இலங்கைத்தமிழர் பாதுகாப்பு என மத்திய அரசுக்கு வேண்டுகோள் வைக்கும் தீர்மானங்கள் இயற்றப்பட்டன

அதேநேரத்தில் முதல்வர் எடப்பாடிக்கு பாராட்டு தெரிவிக்கும் தீர்மானங்கள் அதிகம் இருந்தன

இருப்பினும் முதல்வர் வேட்பாளராக முதல்வர் எடப்பாடி பழனிசாமியை அறிவிக்கும் தீர்மானம் நிறைவேற்றப்படவில்லை. இதற்கு ஓபிஎஸ் தரப்பு கடும் எதிர்ப்பு தெரிவித்த காரணத்தாலேயே இந்த தீர்மானம் நிறைவேற்றப்படவில்லை.

காலை 10 மணி முதல் தொடர்ந்து 5 மணி நேரம் நடந்த இந்த செயற்குழு கூட்டம் சில நிமிடங்களுக்கு முன்பு முடிவு பெற்றது.

அப்போது, அதிமுக-வின் முதல்வர் வேட்பாளர் யார் என்பது வரும் 7-ஆம் திகதி அறிவிக்கப்படும் என்று, அக்கட்சியின் இணை ஒருங்கிணைப்பாளர் கே.பி. முனுசாமி தெரிவித்தார்.

கடந்த 18-ஆம் திகதி அதிமுக தலைமை அலுவலகத்தில் உயர்நிலை ஆலோசனைக் கூட்டம் நடைபெற்றது. அப்போது அந்த கூட்டத்திலும் முதல்வர் வேட்பாளராக முதல்வர் எடப்பாடி பழனிசாமியை தீர்மானிப்பது தொடர்பாக விவாதிக்கப்பட்டது.

அப்போதும் ஓபிஎஸ் தரப்பு அதை ஏற்கவில்லை என்பது குறிப்பிடத்தக்கது.

அதிமுக-வில் ஆரம்பித்தது முதல்வர் வேட்பாளர் பிரச்சனை! ஓ.பி.எஸ்-ஈ.பி.எஸ் கடும் வாக்குவாதம்: வெளியான முழு தகவல்

No comments


அதிமுக செயற்குழுவில் முதல்வர் வேட்பாளர் யார் என்பது குறித்து எடப்பாடி பழனிசாமி, ஓபிஎஸ் இடையே வாக்குவாதம் ஏற்பட்டதாக பரபரப்பு தகவல் வெளியாகியுள்ளது.

சென்னை ராயப்பேட்டையில் உள்ள தலைமை அலுவலகத்தில் அ.தி.மு.க. செயற்குழு கூட்டம் இன்று நடைபெற்று முடிந்தது.

கட்சியின் அவைத்தலைவர் இ.மதுசூதனன் தலைமையில் நடைபெற்ற இக்கூட்டத்தில் அ.தி.மு.க. ஒருங்கிணைப்பாளரும், துணை முதல்-அமைச்சருமான ஓ.பன்னீர்செல்வம், இணை ஒருங்கிணைப்பாளரும், முதல்-அமைச்சருமான எடப்பாடி பழனிசாமி, முன்னணி நிர்வாகிகள் உள்பட செயற்குழு உறுப்பினர்கள் பங்கேற்றனர்.

இந்த நிலையில் செயற்குழுவில் நடந்த பல விடயங்கள் குறித்து தற்போது தகவல் வெளியாகியுள்ளது.

அதன்படி வருகிற சட்டமன்ற தேர்தலில் முதல்வர் வேட்பாளர் யார் என்பது குறித்து எடப்பாடி பழனிசாமி,ஓபிஎஸ் இடையே வாக்குவாதம் ஏற்பட்டிருக்கிறது.

அப்போது என்னை முதல்வர் ஆக்கியது ஜெயலலிதா, உங்களை முதல்வர் ஆக்கியது சசிகலா என ஓபிஸ், எடப்பாடி பழனிசாமியிடம் காட்டமாக பேசியுள்ளார்.

இதோடு தற்போது நடக்கும் ஆட்சிக்கு மட்டுமே துணை முதல்வராக இருக்க சம்மதித்தேன் என கூறியுள்ளார். அதற்கு பதிலடி கொடுத்த பழனிச்சாமி இருவரையும் முதல்வர் ஆக்கியது சசிகலாதான் என கூறியிருக்கிறார்.

தொடர்ந்து பேசிய பழனிச்சாமி கொரோனா காலத்திலும் சிறப்பாக செயல்பட்டு வருகிறேன்.

முதல்வராக நான் சிறப்பாக செயல்பட்டுள்ளதை பிரதமரே பாராட்டியுள்ளார் என கூறினார் என தெரியவந்துள்ளது.

இருமொழிக் கொள்கையே பிரதானம்; ‘நீட்’ தேர்வைக் கைவிட வேண்டும்: அதிமுக செயற்குழுவில் 15 தீர்மானம்

No comments


இருமொழிக் கொள்கையே எங்கள் பிரதான கொள்கை. ஏழை மாணவர்களுக்கு மருத்துவக் கல்வியை எட்டாக்கனியாக்கும், மாநிலங்களின் கல்வி உரிமையில் மத்திய அரசு நுழைய வழிவகுக்கும் நீட் தேர்வைக் கைவிட வேண்டும் என அதிமுக செயற்குழுக் கூட்டத்தில் தீர்மானங்கள் நிறைவேற்றப்பட்டன.

அதிமுக செயற்குழுக் கூட்டம் இன்று அவைத்தலைவர் மதுசூதனன் தலைமையில் நடந்தது. அதில் 15 தீர்மானங்கள் நிறைவேற்றப்பட்டன. அதில் இருமொழிக் கொள்கை, நீட் தேர்வைக் கைவிட வலியுறுத்தி தீர்மானங்கள் நிறைவேற்றப்பட்டன. இது தவிர, மத்திய அரசை வலியுறுத்தி மேலும் 3 தீர்மானங்கள் நிறைவேற்றப்பட்டன.

இருமொழிக் கொள்கையே பிரதான கொள்கை:

தாய்மொழி -தமிழ், உலகத்தோடு உறவாட ஆங்கிலம் என்ற இணைப்பு மொழி என்ற இருமொழிக் கொள்கையே என்றென்றைக்கும் அதிமுகவின் மொழிக் கொள்கை.

எந்த மொழிக்கும் அதிமுக எதிரானதல்ல. எந்த மொழியும் எம் மீது திணிக்கப்படுவதை எம்மால் ஏற்க இயலாது என்ற கருத்தில் அதிமுக உறுதியாய் இருக்கும்.

'யாதும் ஊரே, யாவரும் கேளிர்' என்ற உயர்ந்த மனிதாபிமான சிந்தனையும், சகோதரத்துவ உணர்வும், உலகப் பார்வையும் கொண்ட பண்பாடு தமிழர் பண்பாடு. எல்லோரையும் உற்றார் உறவினராகப் போற்றி, அனைவரிடத்தும் அன்பு பாராட்டி, அறவழிப்பட்ட வாழ்க்கை முறையை பல ஆயிரம் ஆண்டுகளாகக் கொண்டிருப்பவர்கள் தமிழர்கள். அன்னைத் தமிழ் மொழியை ஆர்வத்துடன் கற்று, அதன் இலக்கியச் சுவையையும், அதுகூறும் அற உணர்வுகளையும் கற்றறிதல் வேண்டும். உலகெங்கும் சென்று உறவாட ஆங்கிலம் என்னும் இணைப்பு மொழியையும் படித்திடல் வேண்டும் என்ற இருமொழிக் கொள்கை அண்ணா நமக்குக் காட்டிச் சென்ற லட்சிய வழியாகும்.

இருமொழிக் கொள்கை ஆய்ந்து, அறிந்து மேற்கொள்ளப்பட்ட அறிவுவழிக் கொள்கை. வெறுப்பால் உருவான கொள்கையல்ல. மாறாக, அறிவியல் உண்மைகளின் அடிப்படையில் உருவான கொள்கை என்பதை அண்ணா விளக்கியுள்ளார்.

ஒருமொழி பேசப்படாத சூழலில் வாழும் மாணவச் செல்வங்கள் அந்த மொழியைக் கற்றுக் கொள்வது மிகவும் கடினமானது என்பதை பல்வேறு ஆய்வுகள் வழியாக நாம் அறியலாம். அதிலும் தொடக்கக் கல்வி மற்றும் இடைநிலைக் கல்வி பயிலும் பருவத்தில் உள்ள மாணவ, மாணவியர், தங்கள் வாழ்க்கைச் சூழலில், வழக்கத்தில் இல்லாத மொழியைப் புதிதாகப் படிப்பதென்பது அவர்களுடைய சுமையைப் பலமடங்கு அதிகரிக்கும்.

கூடுதலாக ஒரு மொழியை ஒருவர் தெரிந்துகொள்வதால், அவர் அந்தமொழி தெரியாதவரை விட அறிவில் சிறந்தவர் என்பதை யாரும் ஏற்க முடியாது. பள்ளிகளில் கல்வி பயிலும் மாணவ, மாணவியர் இன்றைய தேவைகளுக்கும், எதிர்கால வாழ்க்கைக்கும் இன்றியமையாத பாடத் திட்டங்களைப் பயில்கின்றனர். இந்தப் பாடத் திட்டங்களில் மாணாக்கர்கள் தங்கள் மனதைச் செலுத்தி, மனச் சுமை இன்றி கற்றலின் இனிமையை உணர்ந்து படித்தல் மிகவும் கவனத்தில் கொள்ளப்பட வேண்டும்.


பள்ளிக்கு வெளியே பேசி, பழக வாய்ப்பில்லாத ஒருமொழியைக் கூடுதலாகப் படிக்க வேண்டிய நிலை ஏற்பட்டால், அது மாணாக்கர்களுக்கு பெரும் சுமையாக அமைந்துவிடும். ஏற்கெனவே உலக இணைப்பு மொழியாக ஆங்கிலத்தைப் பயில வேண்டிய இன்றியமையாத கடமை மாணாக்கர்களுக்கு இருக்கிறது. இந்தியர்கள், குறிப்பாகத் தமிழர்கள் இன்று உலகம் முழுவதும் அறிவுசார் தொழில்களில் முதன்மை பெற்றிருப்பதற்கு அவர்கள் பெற்ற ஆங்கிலக் கல்வி அடிப்படையாகத் திகழ்வதை யாரும் மறுக்க முடியுமா?

எனவே, இருமொழிக் கொள்கை (தாய்மொழியாம் தமிழ் மொழியும், ஆங்கிலமும்) நடைமுறையில் இருப்பதுவே சாலச் சிறந்தது. இருமொழிக் கொள்கையில் தமிழ்நாடு என்றைக்கும் உறுதியாக இருக்கும் என்று முதல்வர் பழனிசாமி, தமிழ்நாடு சட்டப்பேரவையில் திட்டவட்டமாக அறிவித்திருப்பது வரவேற்கத்தக்கது.

தமிழ் மக்கள், தங்கள் மீது ஒரு மாற்றுமொழி திணிக்கப்படுவதை ஒருபோதும் ஏற்கமாட்டார்கள். அனைத்து மொழிகளையும் மதிக்கும் தமிழ்நாடு என்றென்றைக்கும் இருமொழிக் கொள்கையை உயிர் மூச்சாகக் கொண்டிருக்கும் என்பதை இச்செயற்குழு உறுதிபடத் தெரிவித்துக் கொள்கிறது.

நீட் தேர்வைக் கைவிட வேண்டும்:

'நீட்' என்ற மருத்துவக் கல்லூரி சேர்க்கைக்கான அகில இந்திய பொது நுழைவு மற்றும் தகுதித் தேர்வை அதிமுக ஆரம்பத்திலிருந்து தொடர்ந்து எதிர்க்கிறது.

மாநிலங்களின் கல்வி உரிமையில் நீட் தேர்வு மூலம் மத்திய அரசு தலையிடுவதாலும், கிராமப்புற, ஏழை, எளிய, முதல் தலைமுறை மாணாக்கர்கள் மருத்துவக் கல்வி பெறுவதைத் தடுக்கும் வகையில் இருப்பதாலும், கல்வி வணிகமயமாக்கப்படுவதை ஊக்குவிக்கும் வகையில் உள்ளதாலும், நீட் தேர்வு முறையைக் கைவிடுமாறு மத்திய அரசை அதிமுக வலியுறுத்திக் கேட்டுக் கொள்கிறது.

நீட் தேர்வு முறை அமல்படுத்தப்பட காரணமாக இருந்த மத்திய கூட்டணி அரசில் பங்குபெற்றிருந்த திமுக இப்பொழுது உண்மைகளை மறைத்துவிட்டு நீட் தேர்வுகளைக் காட்டி அரசியல் சுயலாபங்களுக்காக கபட நாடகம் ஆடுவதை இச்செயற்குழு வன்மையாகக் கண்டிக்கிறது.

காங்கிரஸ்-திமுக கூட்டணி அரசு மத்தியில் ஆட்சிப் பொறுப்பில் இருந்தபோது, தமிழ்நாட்டில் திமுக மைனாரிட்டி ஆட்சி நடத்திக் கொண்டிருந்தபோதுதான் 2010 ஆம் ஆண்டு நீட் தேர்வுக்கான அறிவிப்பு, மத்திய அரசின் அரசிதழில் வெளியிடப்பட்டது என்பதை இச்செயற்குழு சுட்டிக்காட்டுகிறது.

மாநிலங்களின் சுயாட்சியைக் காப்பாற்றுவதிலும், மாணவச் செல்வங்கள் தரமான கல்வி பெறும் உரிமையை நிலைநாட்டுவதிலும் தன்னிகரில்லாத தலைவியாய் செயல்பட்ட ஜெயலலிதா, காங்கிரஸ்-திமுக கூட்டணி ஆட்சி மத்தியில் நடைபெற்றபோது, 2012-ல் அறிமுகம் செய்யப்பட்ட நீட் தேர்வை அன்றைக்கே மிகக் கடுமையாக எதிர்த்தார்.

காங்கிரஸ்-திமுக கூட்டணி அரசு 2013 ஆம் ஆண்டு மே மாதம் 5 ஆம் தேதி நீட் தேர்வை நடத்தியபோது, தமிழ்நாடு அரசு உச்ச நீதிமன்றத்தை அணுகி, மாநிலங்களின் கல்வித் திட்டத்திற்கும், நீட் தேர்வுக்கு இந்திய மருத்துவக் கவுன்சில் முன்வைத்திருக்கும் கல்வித் திட்டத்திற்கும் இடையே பெருத்த வேறுபாடு இருப்பதால் பெரும்பாலான இந்திய மாணாக்கர்களால் நீட் தேர்வை எதிர்கொள்ள இயலாது என்பதை ஆந்திரா, கர்நாடகா, குஜராத், மேற்கு வங்கம் ஆகிய மாநிலங்களோடு சேர்ந்து, வலிமையான வாதங்களை வைத்ததின் அடிப்படையில், திமுக-காங்கிரஸ் கூட்டணி அரசு நடத்திய நீட் தேர்வு முற்றிலும் சட்ட விரோதமானது, அரசியல் சட்டத்தின் அம்சங்களுக்கு எதிரானது என்று 18.7.2013-ல் உச்ச நீதிமன்றத்தின் வரலாற்றுச் சிறப்புமிக்க தீர்ப்பு கிடைத்தது.

இத்தீர்ப்பின் விளைவாக, அடுத்து வரும் ஆண்டுகளிலும் தமிழ்நாட்டில் மருத்துவக் கல்லூரிகளில் மாணவர் சேர்க்கை, அவர்களது கட் ஆப் மதிப்பெண் அடிப்படையிலேயே நடைபெற்றது குறிப்பிடத்தக்கது. இந்த நிலையில், 2013 ஆம் ஆண்டு, தான் அளித்த நீட் தேர்வு சட்ட விரோதமானது என்ற தீர்ப்பை உச்ச நீதிமன்றம் 2016 ஆம் ஆண்டு திரும்பப் பெற்றுக் கொண்டதோடு, இதுகுறித்த தனது அடுத்த உத்தரவு வரும்வரை நீட் தேர்வை நடத்தலாம் என்று மத்திய அரசுக்கும், இந்திய மருத்துவ கவுன்சிலுக்கும் 11.04.2016-ல் அனுமதி அளித்தது.

ஐந்து நீதிபதிகள் கொண்ட அமர்வு இந்த அனுமதியை அளித்தபோதிலும் அது முடிவான இறுதித் தீர்ப்பல்ல என்பதையும், புதிதாக விசாரணை மேற்கொள்ளப்பட்டு இறுதித் தீர்ப்பு அளிக்கப்படும் என்பதையும் உச்ச நீதிமன்றம் தெரிவித்திருந்தது. ஊழல் குற்றச்சாட்டுகளால் பெரும் அச்சத்தில் உறைந்திருந்த திமுக அரசு 1972-ல் கச்சத்தீவு இலங்கைக்குத் தாரை வார்க்கப்பட்டபோது அதைத் தடுக்க மத்திய அரசைத் தட்டிக்கேட்க முடியாமல் தலைகுனிந்திருந்ததைப் போல, 2ஜி ஊழல் குற்றச்சாட்டில் பழி சுமந்திருந்த திமுக 2012, 2013 ஆம் ஆண்டுகளில் நீட் தேர்வு என்னும் ஏழை, எளிய மாணாக்கர்களின் எதிரி தலைதூக்கியபோது, மத்திய அரசிடம் வாய்மூடி மௌனியாக இருந்து, மாநிலங்களின் உரிமைகளைத் தனது சொந்த நலன்களுக்காகப் பலியிட்டது என்பதுதான் வரலாற்று உண்மை.



நீட் தேர்வு முறைக்கான பாடத்திட்டம் மாநிலங்களின் தனித்துவமான கல்வித் திட்டங்களுக்கு முரணாக இருப்பதாலும், நீட் தேர்வு மாநில அரசுகள் மற்றும் சிறுபான்மையினரின் கல்வி உரிமைக்கு அரசியல் சட்டம் அளித்திருக்கும் பாதுகாப்பையும், அங்கீகாரத்தையும் மீறுவதாலும், கிராமப்புற ஏழை, எளிய முதல் தலைமுறை மாணவர்கள் மருத்துவக் கல்வி பெறும் வாய்ப்பை தட்டிப் பறிப்பதாலும், நீட் தேர்வுக்கான சிறப்பு பயிற்சி மையங்கள் மூலம் மருத்துவக் கல்வி முற்றிலும் வணிகமயமாக்கப்படும் அபாயம் நிலவுவதாலும், பன்முகத் தன்மையும், தனித்துவமும் கொண்ட பரந்து விரிந்த பெரிய நாடான நம் நாட்டில் ஒரு குறிப்பிட்ட பாடத் திட்டத்தின் அடிப்படையில் நீட் தேர்வு நடத்தப்படுவது இயற்கை நீதிக்கும், யதார்த்த நிலைகளுக்கும் எதிரானது என்பதாலும் நீட் தேர்வை ரத்துசெய்ய வேண்டும் என்ற வாதத்தை மத்திய அரசிடமும், உச்ச நீதிமன்றத்திலும் தமிழ்நாடு அரசு முன்வைத்து வந்திருக்கிறது.

நீட் தேர்வு குறித்து விசாரிக்கும் அமர்வு, புதிய நீதிபதிகள் நியமனத்தோடு விரைந்து விசாரணையை மேற்கொண்டு, 2016-ல் வாக்களித்தவாறு, வாதங்களின் நியாயங்கள் அடிப்படையில் இறுதித் தீர்ப்பை வழங்க வேண்டும் என்று தமிழ்நாடு அரசு போராடிக் கொண்டிருக்கிறது.

இந்திய மருத்துவக் கவுன்சிலுக்கு மாற்றாக, இந்திய மருத்துவ ஆணையத்தை மத்திய அரசு உருவாக்கி, அதன் வழியாக நீட் தேர்வைத் தொடர்ந்து நடத்த இருப்பதாக சூழல் மாறியிருப்பினும், இதனையும் சட்டரீதியாக தமிழ்நாடு அரசு எதிர்க்கும் என்பதில் அதிமுக உறுதியாக உள்ளது. மத்திய அரசு தமிழ்நாடு அரசின் வாதங்களின் வலிமையைப் புரிந்து, ஏற்றுக்கொண்டு நீட் தேர்வு முறையைக் கைவிட வேண்டும் என்று இச்செயற்குழு கேட்டுக்கொள்கிறது.

எல்லா நேரத்திலும் தங்கள் சுயநலத்தை மட்டுமே முன்னிறுத்தி, சந்தர்ப்பவாத அரசியல் செய்யும் திமுகவும், அதன் கோர நிழல்படிந்த வேறுசில கட்சிகளும் நீட் தேர்வு குறித்த உண்மைகளை மறைத்துவிட்டு மக்களிடம் கபட நாடகம் ஆடிவருவதை இச்செயற்குழு வன்மையாகக் கண்டிக்கிறது.

இவ்வாறு அதிமுக செயற்குழு தெரிவித்துள்ளது.

'பாரத மாதாவின் தவப்புதல்வர் பகத் சிங்': பிரதமர் மோடி புகழாரம்

No comments

இந்திய விடுதலை போராட்ட மாவீரன் பகத் சிங்கின், 113வது பிறந்தநாள் இன்று கொண்டாடப்படுகிறது. இதையொட்டி, அவருக்கு பிரதமர் நரேந்திர மோடி, உள்துறை அமைச்சர் அமித் ஷா உள்ளிட்ட பல்வேறு தலைவர்கள் மரியாதை செலுத்தி உள்ளனர்.

பிரதமர் மோடி தனது டுவிட்டர் பக்கத்தில், ''பாரத மாதாவின் தவப்புதல்வரான அமரர் பகத் சிங்கின் பிறந்த நாளன்று, அவருக்கு கோடானு கோடி அஞ்சலிகள். வீரம் மற்றும் துணிச்சலின் எடுத்துக்காட்டான அவரது வரலாறு நாட்டு மக்களுக்கு என்றும் ஊக்கமளிக்கும்,'' எனப் பதிவிட்டுள்ளார்.

அமித் ஷா தனது டுவிட்டர் பக்கத்தில், ''ஷாஹீது பகத் சிங் எப்போதுமே இந்தியர்களுக்கு உத்வேகம் அளிப்பவராகவே இருப்பார். தனது புரட்சிகர சிந்தனைகள், தியாகத்தின் மூலம் சுதந்திரப் போராட்டத்திற்கு புதிய பாதையை உருவாக்கிய பகத் சிங்கிற்கு எனது நன்றியைத் தெரிவித்துக் கொள்கிறேன். அவர் எப்போதும் நமக்கு உத்வேகம் அளிப்பவராகவே இருப்பார்,'' எனத் தெரிவித்துள்ளார்.

எச்.ராஜாவுக்கு ராஜ்யசபா எம்.பி. பதவி

No comments


பா.ஜ.க தேசிய செயலர் பொறுப்பில் இருந்து விடுவிக்கப்பட்ட எச்.ராஜாவுக்கு ராஜ்யசபா எம்.பி. பதவி வழங்கப்பட உள்ளதாக தகவல் வெளியாகி உள்ளது.

பா.ஜ.க தேசிய நிர்வாகிகள் பட்டியல் நேற்று முன்தினம் வெளியானது. இதில் தமிழகத்தை சேர்ந்தவர்களுக்கு இடம் அளிக்கப்படவில்லை. ஏற்கனவே தேசிய செயலராக இருந்த எச்.ராஜாவும் அந்த பொறுப்பில் இருந்து விடுவிக்கப்பட்டார். இது தமிழக பா.ஜ.கவினரிடம் கடும் அதிர்ச்சியை ஏற்படுத்தியது.

எச்.ராஜாவுக்கு வேறு பொறுப்பு வழங்கப்படாதது எதிர்க்கட்சியினரிடம் மகிழ்ச்சியையும் பா.ஜ.வினரிடம் ஏமாற்றத்தையும் ஏற்படுத்தி உள்ளது. பா.ஜ.கவில் ஒரே பதவியில் தொடர்ந்து இரு முறை இருந்ததால் அவர் விடுவிக்கப்பட்டுள்ளார். அதேநேரத்தில் அவரை ராஜ்யசபா எம்.பி.யாக்க கட்சி தலைமை ஆலோசித்து வருகிறது.

விரைவில் வேறு மாநிலத்தில் இருந்து அவர் ராஜ்யசபா எம்.பி.யாக தேர்வு செய்யப்பட வாய்ப்பள்ளதாக கட்சி நிர்வாகிகள் தெரிவித்தனர்.

தடுப்பூசி பற்றி பேச்சு: பிரதமர் மோடிக்கு உலக சுகாதார அமைப்பு பாராட்டு

No comments


ஐ.நா., பொதுச் சபை கூட்டத்தில், கொரோனா தடுப்பூசி பற்றி பிரதமர் மோடி பேசியதற்கு, உலக சுகாதார அமைப்பு பாராட்டு தெரிவித்துஉள்ளது.

ஐக்கிய நாடுகள் சபை எனப்படும், ஐ.நா., சபையின், 75ம் ஆண்டு பொதுச் சபை கூட்டம், அமெரிக்காவின் நியூயார்க் நகரில் நடந்து வருகிறது. இதில், பிரதமர் மோடி, நேற்று முன்தினம் பேசினார்.

அப்போது, 'உலகில், தடுப்பூசிகளை அதிகமாக உற்பத்தி செய்யும் நாடு இந்தியா. அதன் சார்பில், உலக சமூககத்துக்கு ஒரு உறுதியை வழங்குகிறேன். கொரோனா தொற்றை எதிர்த்துப் போராடுவதற்கு, அனைத்து மனிதர்களுக்கும் உதவ, இந்தியாவின் தடுப்பூசி உற்பத்தி மற்றும் வினியோக திறன் முழுமையாக பயன்படுத்தப்படும்' என்றார்.

பிரதமர் மோடியின் இந்த வாக்குறுதிக்கு, உலக சுகாதார அமைப்பு பாராட்டு தெரிவித்துள்ளது. உலக சுகாதார அமைப்பின் தலைவர் டெட்ரோஸ் அதானோம் கெப்ரியாசிஸ், 'டுவிட்டரில்' பதிவிட்டுள்ளதாவது:

ஐ.நா., பொதுச் சபை கூட்டத்தில், தடுப்பூசி குறித்து, இந்திய பிரதமர் மோடி அளித்துள்ள வாக்குறுதிக்கு, என் நன்றி. நம் வளங்கள் மற்றும் திறமையை ஒன்றாக திரட்டி பணியாற்றினால் தான், கொரோனா தொற்றுக்கு முடிவு காண முடியும்.இவ்வாறு, அவர் பதிவிட்டுள்ளார்.

ராமர் கோவில் பூமி பூஜைக்குப்பின் அயோத்தியில் சூடு பிடித்த ரியல் எஸ்டேட்

No comments


ராமர் கோவில் பூமி பூஜை நடத்தப்பட்டபின், அயோத்தியில், நிலத்தின் மதிப்பு பல மடங்கு அதிகரித்துள்ளது; ரியல் எஸ்டேட் வியாபாரமும் சூடு பிடித்துள்ளது.

உ.பி., மாநிலம் அயோத்தியில், ராமர் கோவில் கட்ட, உச்ச நீதிமன்றம் கடந்த ஆண்டு நவம்பரில் அனுமதியளித்து, தீர்ப்பு வழங்கியது. இதையடுத்து, ராமர் கோவில் கட்ட, 'ராம ஜன்மபூமி தீர்த்த ஷேத்ரா' என்ற பெயரில் அறக்கட்டளையை, மத்திய அரசு கடந்த பிப்ரவரியில் அமைத்தது.

அயோத்தியில் ராமர் கோவில் கட்டுவதற்கான பூமி பூஜை, கடந்த மாதம், 5ம் தேதி நடந்தது. பூஜையில் பிரதமர் மோடி பங்கேற்று, கோவில் கட்டுவதற்கான அடிக்கல்லை நாட்டினார். இந்நிலையில், தீர்ப்புக்குப்பின் அயோத்தியில் நிலத்தின் மதிப்பு அதிகரித்து வந்த நிலையில், பூமி பூஜைக்குப்பின், மேலும் அதிகரித்துள்ளது.

இதற்கு காரணம், அயோத்தியில் விரைவில் பெரிய ரயில் நிலையம், சர்வதேச விமான நிலையம் போன்ற சர்வதேச தரத்திலான வசதிகள் வர உள்ளதே ஆகும். இதனால் அயோத்தியில், ஏராளமானோர் நிலத்தை வாங்கி வருகின்றனர். அயோத்தி தீர்ப்புக்குப்பின் 40 சதவீதம் நிலத்தின் மதிப்பு அதிகரித்த நிலையில், பூமி பூஜைக்குப்பின் பின், 3 மடங்கு விலை உயர்ந்துள்ளது.

அயோத்தி புறநகர் பகுதியில், கடந்த ஆண்டு ரூ.400 முதல் ரூ.500 வரை விற்கப்பட்ட ஒரு சதுர அடி நிலத்தின் விலை, தற்போது ரூ.1000 வரை விற்கப்படுகிறது. அயோத்தி தீர்ப்புக்கு முன் அயோத்தி நகர் பகுதியில், சதுர அடி ரூ.1000க்கு விற்கப்பட்ட நிலையில், தற்போது ரூ.3 ஆயிரம் வரை விற்கப்படுகிறது.

தமிழகத்தில் இன்று கொரோனா உறுதியானவர்களில் 3,544 பேர் ஆண்கள், 2,247 பேர் பெண்கள்.

No comments

Sunday, 27 September 2020



தமிழகத்தில் மேலும் 5,706 பேர் குணமடைந்ததை தொடர்ந்து, கொரோனாவில் இருந்து மீண்டவர்களின் எண்ணிக்கை 5,25,154 ஆக அதிகரித்துள்ளது.

சுகாதாரத்துறை அமைச்சகம் வெளியிட்ட அறிக்கை:தமிழகத்தை சேர்ந்த 5,786 பேருக்கும், வெளிமாநிலத்தை சேர்ந்த 5 பேர் என மொத்தம் 5,786 பேருக்கு கடந்த 24 மணி நேரத்தில் கொரோனா உறுதியாகியுள்ளது. இதனையடுத்து தமிழகத்தில் பாதிக்கப்பட்டவர்களின் எண்ணிக்கை 5,80, 808 ஆக உயர்ந்துள்ளது.

இன்று மட்டும், 94,200 பேருக்கும், 96,102 பேருக்கும் கொரோனா பரிசோதனை செய்யப்பட்டது. இதனையடுத்து பரிசோதனை செய்யப்பட்ட மொத்த மாதிரிகளின் எண்ணிக்கை 71,00,660 ஆகவும், 68,88,043 ஆகவும் அதிகரித்துள்ளது.

இன்று கொரோனா உறுதியானவர்களில் 3,544 பேர் ஆண்கள், 2,247 பேர் பெண்கள். இதனையடுத்து கொரோனா பாதிக்கப்பட்ட ஆண்களின் எண்ணிக்கை 3,50,462 ஆகவும், பெண்களின் எண்ணிக்கை 2,30,316 ஆகவும் மூன்றாம் பாலினத்தவர்களின் எண்ணிக்கை 30 ஆகவும் அதிகரித்துள்ளது.

கடந்த 24 மணி நேரத்தில் 5,706 பேர் கொரோனாவிலிருந்து மீண்டனர். இதனையடுத்து மீண்டவர்களின் எண்ணிக்கை 5,25,154 ஆக அதிகாரித்துள்ளது. கொரோனா பாதிக்கப்பட்ட 80 பேர் உயிரிழந்தனர். அதில் 27 பேர் தனியார் மருத்துவமனையிலும் 53 பேர் அரசு மருத்துவமனையிலும் உயிரிழந்தனர். இதனையடுத்து இறந்தவர்களின் எண்ணிக்கை 9,313 ஆக அதிகரித்துள்ளது.

சென்னையில் 1,280 பேருக்கு கொரோனா உறுதியாகியுள்ளது. பிற மாவட்டங்களில் 4,511 பேருக்கு கொரோனா உறுதியாகியுள்ளது. கோவையில் 596, சேலத்தில் 378, திருப்பூரில் 282 பேருக்கும், செங்கல்பட்டில் 296 பேருக்கும், கடலூரில் 256 பேருக்கும் கடந்த 24 மணி நேரத்தில் கொரோனா உறுதியாகியுள்ளது.

ராஜஸ்தான் சாதனை வெற்றி: பஞ்சாப் பவுலர்கள் ஏமாற்றம்

No comments


பஞ்சாப் அணிக்கு எதிரான ஐ.பி.எல்., லீக் போட்டியில் சஞ்சு சாம்சன், ஸ்டீவ் ஸ்மித், திவாட்டியா அரைசதமடித்து கைகொடுக்க ராஜஸ்தான் அணி 4 விக்கெட் வித்தியாசத்தில் சாதனை வெற்றி பெற்றது.

இந்தியன் பிரிமியர் லீக் (ஐ.பி.எல்.,) தொடரின் 13வது சீசன் ஐக்கிய அரபு எமிரேட்சில் நடக்கிறது. சார்ஜாவில் நடந்த லீக் போட்டியில் ராஜஸ்தான், பஞ்சாப் அணிகள் மோதின. ‘டாஸ்’ வென்ற ராஜஸ்தான் அணி கேப்டன் ஸ்டீவ் ஸ்மித் ‘பீல்டிங்’ தேர்வு செய்தார்.

 நல்ல துவக்கம்: பஞ்சாப் அணிக்கு மயங்க் அகர்வால், கேப்டன் லோகேஷ் ராகுல் ஜோடி சூப்பர் துவக்கம் தந்தது. ஜோப்ரா ஆர்ச்சர் வீசிய 4வது ஓவரில் ராகுல் ‘ஹாட்ரிக்’ பவுண்டரி விளாசினார். இவருக்கு ஒத்துழைப்பு தந்த அகர்வால், ராஜ்பூத் பந்தில் தொடர்ச்சியாக 2 பவுண்டரி விரட்ட, பஞ்சாப் அணி 4.3 ஓவரில் 50 ரன்களை எட்டியது.

அகர்வால் அபாரம்: ராகுல் திவாட்டியா  வீசிய 8வது ஓவரில் 2 சிக்சர், ஒரு பவுண்டரி அடித்த அகர்வால், ஸ்ரேயாஸ் கோபால் பந்தை சிக்சருக்கு அனுப்பி 26 பந்தில் 50 ரன்னை எட்டினார். டாம் கர்ரான் வீசிய 12வது ஓவரில் ஒரு சிக்சர், ஒரு பவுண்டரி அடித்த ராகுல், தன்பங்கிற்கு அரைசதமடித்தார். இவர்களை பிரிக்க முடியாமல் ராஜஸ்தான் பவுலர்கள் திணறினர்.

அபாரமாக ஆடிய அகர்வால், ஸ்ரேயாஸ் கோபால் பந்தை பவுண்டரிக்கு விரட்டி ஐ.பி.எல்., அரங்கில் தனது முதல் சதத்தை பதிவு செய்தார். முதல் விக்கெட்டுக்கு 183 ரன்கள் சேர்த்த போது டாம் கர்ரான் பந்தில் அகர்வால் (106 ரன், 7 சிக்சர், 10 பவுண்டரி) அவுட்டானார். ராஜ்பூத் பந்தில் ராகுல் (69) வெளியேறினார். ஆர்ச்சர் வீசிய கடைசி ஓவரில் நிகோலஸ் பூரன், 2 சிக்சர், ஒரு பவுண்டரி விளாசினார்.

பஞ்சாப் அணி 20 ஓவரில் 2 விக்கெட்டுக்கு 223 ரன்கள் எடுத்தது. மேக்ஸ்வெல் (13), பூரன் (25) அவுட்டாகாமல் இருந்தனர்.

சாம்சன் அபாரம்: கடின இலக்கை விரட்டிய ராஜஸ்தான் அணிக்கு பட்லர் (4) ஏமாற்றினார். கேப்டன் ஸ்டீவ் ஸ்மித் (50) அரைசதமடித்தார். சிக்சர் மழை பொழிந்த சாம்சன், தொடர்ந்து 2வது அரைசதத்தை பதிவு செய்தார். ஷமி பந்தில் சாம்சன் (85 ரன், 7 சிக்சர்) சரணடைந்தார்.
 
திவாட்டியா திருப்பம்: மறுமுனையில் அசத்திய ராகுல் திவாட்டியா, காட்ரெல் வீசிய 18வது ஓவரில் 5 சிக்சர் விளாசினார். உத்தப்பா (9) ஏமாற்றினார். அடுத்து வந்த ஆர்ச்சர், ஷமி வீசிய 19வது ஓவரில் 2 சிக்சர் அடித்தார். ஷமி பந்தை சிக்சருக்கு அனுப்பிய திவாட்டியா (53), அரைசதம் கடந்தார். முருகன் அஷ்வின் பந்தை பவுண்டரிக்கு விரட்டிய டாம் கர்ரான் வெற்றிக்கு உதவினார்.

ராஜஸ்தான் அணி 19.3 ஓவரில் 6 விக்கெட்டுக்கு 226 ரன்கள் எடுத்து வெற்றி பெற்றது. ஆர்ச்சர் (13), டாம் (4) அவுட்டாகமல் இருந்தனர்.

எல்லையில் டாங்குகள், பீரங்கிகளை நிறுத்தியுள்ள இந்திய ராணுவம்

No comments


லடாக்கில் சீன எல்லையில் கடந்த 5 மாதங்களாக பதற்றம் நிலவி வரும் நிலையில், அங்கு பாதுகாப்பை பலப்படுத்தவும் 14,500 அடி உயரத்தில் லடாக்கின் கிழக்குப்பகுதியில் எல்லைக்கட்டுப்பாட்டு கோட்டு பகுதியில், டாங்கிகள், பீரங்கிகளை இந்திய ராணுவம் நிறுத்தியுள்ளது. மேலும், எல்லையை ஒட்டிய பகுதியில் முகாம்கள் மற்றும் கட்டமைப்புகளை ஏற்படுத்தும் பணியில் இந்திய வீரர்கள் போர்க்கால அடிப்படையில் செயல்பட்டு வருகின்றனர்.

எல்லைக்கட்டுப்பாட்டு கோட்டு பகுதியில் , லடாக்கின் கிழக்கே உள்ள சுமர் - டெம்சோக் பகுதியில், ஆயுதங்களுடன் குவிக்கப்பட்டுள்ள சீன ராணுவத்திற்கு பதிலடி கொடுக்கும் வகையில், அங்கு டி 90 மற்றும் டி 72 டாங்குகளுடன் பிஎம்பி-2 ரக பீரங்கிகளையும் நிறுத்தியுள்ளது. இந்த பீரங்கிகளை மைனஸ் 40 டிகிரி செல்சியஸ் வெப்பநிலையிலும் இயக்க முடியும்.

குளிர்காலத்தில், லடாக்கின் கிழக்கு பகுதியில் வெப்பநிலையானது மைனஸ் 35 டிகிரி வரை செல்வதுடன், அதிகளவு பனிக்காற்றும் வீசும். லடாக்கின் கிழக்கு பகுதியில் உள்ள இந்தூஸ் நதியில் பாயும் வெள்ளத்தை தாண்டியும், பல்வேறு தடைகளை மீறியும் இந்திய டாங்குகள், கொண்டு வரப்பட்டுள்ளன.இந்திய ஆயுதப்படைகள், இந்திய எல்லைக்கட்டுப்பாட்டு கோட்டை விரைவில் செல்லும் வகையில் தயார் நிலையில் வைக்கப்பட்டுள்ளது.அதன்படி, கடந்த ஆக.,2 9- 30 தேதிகளில் பாங்காங் ஏரியின் தெற்கு பகுதியில் சீன வீரர்கள் அத்துமீறிய போது, இந்திய வீரர்கள் உடனடியாக அங்கு சென்றனர்

இது தொடர்பாக ராணுவ மேஜர் ஜெனரல் அர்விந்த் கபூர் ஏஎன்ஐ செய்தி நிறுவனத்திற்கு அளித்த பேட்டியில் கூறியுள்ளதாவது: டாங்குகள், பீரங்கிகள் மற்றும் கனரக துப்பாக்கிகளை இந்த பகுதியில் பராமரிப்பது என்பது சவாலான விஷயம். வீரர்கள் மற்றும் ஆயுதங்களை தயாராக உள்ளதை உறுதி செய்ய, ஆட்கள் மற்றும் இயந்திரங்கள் ஆகியவை தயார் நிலையில் வைக்கப்பட்டுள்ளது. இந்த குளிர்காலம், லடாக்கில் பாதுகாப்பு பணியில் உள்ள வீரர்களுக்கு சவாலாக இருக்கும் என்பது மறுக்க முடியாதது. இந்த சவலை சந்திக்கும் வகையில், ரேசன் பொருட்கள், எரிபொருள், உடைகள், டென்ட்கள் உள்ளிட்டவையுடன் தயாராக உள்ளோம். இவ்வாறு அவர் கூறினார்.

வில்லுப்பாட்டு மூலம் கதை சொல்லும் பாரம்பரியம் சிறப்பானது: பிரதமர்

No comments


தமிழகத்தில் வில்லுப்பாட்டு மூலம் கதை சொல்லும் பாரம்பரியம் சிறப்பானது என பிரதமர் மோடி கூறியுள்ளார்.

'மன் கி பாத்' நிகழ்ச்சி மூலம் பிரதமர் மோடி பேசியதாவது:
*நமது முன்னோர்கள் ஏற்படுத்தி இருந்த நெறிமுறைகள் இன்று எத்தனை தேவையானதாகவும், மகத்துவம் வாய்ந்தவையாகவும் இருக்கின்றன என்பது அவை இல்லாதபோது இன்று நமக்கு உரைக்கிறது.

*மனித நாகரீகம் எத்தனை தொன்மையானதோ, அதே அளவுக்கு தொன்மையானது கதைகளின் வரலாறும்.

*எங்கே ஆன்மா இருக்கிறதோ அங்கே ஒரு கதையும் உண்டு. கதைகள், மனிதர்களின் படைப்பாற்றலையும் புரிந்துணர்வையும் முன்னுறுத்துகினறன. கதை சொல்லுவது என்ற ஒரு வளமான பாரம்பரியத்தின் சொந்தக்காரர்கள் நாம்.

*நாம் ஹிதோபதேசம், பஞ்சதந்திரம் போன்ற பாரம்பரியம் உடையவர்கள் என்பது நமக்கு பெருமிதம் அளிக்கும் விஷயம். இவற்றின் மூலம் விவேகம், புத்திக்கூர்மை நிறைந்த விஷயங்களை எளிதாக புரிந்து கொள்ள ஏதுவாகிறது.

*நம் நாட்டில், பல வகையான நாட்டுப்புறக் கதைகள் புழக்கத்தில் உள்ளது. தமிழகம், கேரளாவில் கதைகள் சொல்லும் மிக சுவாரசியமான பாணி உள்ளது. இதனை வில்லுப்பாட்டு என அழைக்கிறோம். இதில், கதைகளும், இசையும் என்ற மிகக் கவர்ச்சிகரமான இணைவு காணப்படுகிறது.

*இப்போதெல்லாம் இணையவழியில் கதை சொல்லும் பாணி உருவாகியுள்ளது.

*தமிழக்தை சேர்ந்த வித்யா வீரராகவன், கீதா ராமானுஜன் ஆகியோர் இதில் ஈடுபட்டுள்ளனர். கண்டிப்பாக, அவர்களை பற்றி சமூக ஊடகங்களில் பகரிந்து கொள்ளுங்கள்.

*நமது நாட்டின் புதிய தலைமுறையினருக்கு நமது மகத்தான மனிதர்கள், மகத்தான தாய்மார்கள்- சகோதரிகளைப் பற்றி கதைகள் மூலம் தெரிவித்து, அவர்களோடு இணைந்து இந்தக் கதை சொல்லுதல் கலையை எவ்வாறு பிரபலபடுத்துவது என்பதை அறிய வேண்டும்

*வீடுகள் தோறும் நல்ல கதைகள் சொல்லப்பட வேண்டும். நல்ல கதைகளை குழந்தைகள் கேட்க வேண்டும். இவ்வாறு செய்தால் மக்கள் அனைவருக்கும் பெரும்உபயோகரமாக இருக்கும். இப்படிப்பட்டதொரு சூழலை எப்படி ஏற்படுத்துவத என்ற திசையில் நாம் அனைவரும் இணைந்து பணியாற்ற வேண்டும்.

*ஒவ்வொரு குடும்பமும் வாரத்தில் ஒரு நாள் ஒன்றாக அமர்ந்து குழந்தைகளுக்கு கதை சொல்லாம். சுதந்திர போராட்டத்தில் இந்தியா சந்தித்த பிரச்னைகளை கதைகள் மூலம் எடுத்துரைக்க வேண்டும்

*கருணை, புரிந்துணர்வு, பராக்கிரமம், தியாகம், வீரம் ஆகியவற்றில் ஏதாவது ஒரு தலைப்பை தேர்வு செய்து குடும்ப உறுப்பினர்கள் ஆளுக்கொரு கதையை கூற வேண்டும்.

*நாடு சுதந்திரம் அடைந்து 75 ஆண்டுகள் நிறைவைக் கொண்டாட இருக்கிறோம். நாம் அடிமைப்பட்டுக் கிடந்த இருண்ட காலகட்டம் தொடர்பான உத்வேகம் அளிக்கும் சம்பவங்களை உங்கள் கதைகள் வாயிலாக பிரசாரம் செய்ய முடியுமா? குறிப்பாக 1857 முதல் 1947 வரையிலான அனைத்து சிறிய பெரிய சம்பவங்களை நமது புதிய தலைமுறையினருக்கு கதைகள் வாயிலாக அறிமுகப்படுத்தலாம்.

*நாட்டின் வேளாண்துறை நமது விவசாயிகள், நமது கிராமங்கள் ஆகியன சுயசார்பு இந்தியாவின் ஆதாரங்கள். இவை வலுவாக இருந்தால் தான் சுயசார்பு இந்தியாவின் அஸ்திவாரம் பலமாக இருக்கும்.

*யார் நிலத்தில் வலுவாக கால் பதித்திருக்கிறார்களோ அவர்கள் எந்த புயலையும் எதிர்கொள்ளும் உறுதிப்பாட்டோடு விளங்குவார்கள்

*கொரோனாவின் இந்த கடினமான இந்த வேளையில் நமது விவசாயத்துறையில், நமது விவசாயிகள் இந்த உறுதிப்பாட்டிற்கான உயிர்ப்புடைய எடுத்துக்காட்டுகள்.

*பகத் சிங்கின் பிறந்த நாள் நாளை கொண்டாட உள்ளோம். மக்களுடன் இணைந்து நானும் பகத் சிங்கிற்கு அஞ்சலி செலுத்துகிறேன். அவர் தைரியம் மற்றும் தியாகத்திற்கு முன்னுதாரணமாக திகழ்கிறார். பகத் சிங்கின் தேசப்பற்றை முன்னுதாரணமாக வைத்து நாட்டிற்காக நாமும் ஏதாவது செய்ய வேண்டும் என்ற தீபத்தை நம் மனதில் ஏற்றி, அதன் வழியில் பயணிப்போம்.

*அக்., 2 ஆனது நமக்கு தூய எண்ணங்களை தரும் நாட்களாக உள்ளது. அன்னை இந்தியாவின் சிறந்த இரண்டு மகன்களான மஹாத்மா காந்தி மற்றும் லால் பகதூர் சாஸ்திரியை நினைவில் கொள்வோம். மஹாத்மா காந்தியின் எண்ணங்களும் கருத்துகளும் இன்றும் பொருந்துவதாக உள்ளது.

*மஹாத்மா காந்தியின் பொருளாதார கருத்துகளின் உணர்வினை நாம் புரிந்து கொண்டு அந்த பாதையில் பயணித்திருந்தால், இன்று சுயசார்பு இந்தியா இயக்கத்திற்கான தேவை ஏற்பட்டிருக்காது. மஹாத்மாவின் பொருளாதார சிந்தனையில் பாரதத்தின் நாடி நரம்புகளை பற்றிய புரிதல் இருந்தது. அதில் இந்தியாவின் மனம் கமழ்ந்தது. நமது அனைத்து செயல்களும் பரம ஏழைகளுக்கும் நலன் ஏற்படுத்துவனவாக இருக்க வேண்டும் என்பதை உறுதி செய்து கொள்ள வேண்டும் என்பதை தான் மஹாத்மாவின் வாழ்க்கை வரலாறு நமக்கு நினைவூட்டுகிறது.

*தமிழகத்தில் விவசாயிகள் கூட்டுறவு அமைப்பு மூலம் வாழை காய்கறிகள் கொள்முதல் செய்தனர்.

*வாழை மற்றும் காய்கறிகளை கொள்முதல் செய்து சென்னை நகருக்கு அனுப்பி வைத்தனர்

*கொரோனா பிரச்னை காலகட்டம், குடும்ப உறுப்பினர்களிடையே பிணைப்பை அதிகப்படுத்தியுள்ளதுடன், அவர்களின் நெருக்கத்தை இன்னும் அதிகப்படுத்தியுள்ளது.

*லால் பகதூர் சாஸ்திரியின் வாழ்க்கை, பணிவு மற்றும் எளிமை பற்றிய செய்தியை நமக்களித்து செல்கிறது.

*அக்., 11 என்பது நமக்கெல்லாம் மிகவும் விசேஷம் நிறைந்த ஒன்றாகும்.

*இந்த நாறன்று தான், பாரத் ரத்னா லோக்நாயக் ஜெய் பிரகாஷ் அவர்களை, அவர்களுடைய பிறந்த நாளன்று நாம் நினைவில் கொள்வோம். ஜெய்பிரகாஷ், நமது ஜனநாயக விழுமியங்களைக் காக்க முதன்மையான பங்குப்பாணி ஆற்றியிருக்கிறார்.

*கொரோனா பீடித்திருக்கும் இந்த காலகட்டத்தில் அனைவரும் மாஸ்க் அணியுங்கள் என்பதை உங்களுக்கு நினைவூட்ட விரும்புகிறேன். நான் அனைவரும் ஒரு மீட்டர் இடைவெளி என்ற விதிமுறை உங்களை மட்டுமல்ல உங்கள் குடும்பத்தாரையும் காக்க வல்லது. இவ்வாறு பிரதமர் பேசினார்.
Don't Miss
© 2017 -2021 AthibAn Tv Network Pvt Ltd