Responsive Ad Slot

குடும்ப பிரச்சினை குடி போதையில் ஒன்றரை வயது குழந்தையை எரித்துக் கொன்ற தந்தை கைது

No comments

Monday, 31 August 2020





*குடும்ப பிரச்சினை குடி போதையில்  ஒன்றரை வயது குழந்தையை எரித்துக் கொன்ற தந்தை கைது;*


ராமநாதபுரம் மாவட்டம்:மண்டபம் அருகே மது போதையில் தனது ஒன்னறைவயது குழந்தையை எரித்துகொன்ற தந்தைமுனியசாமி (30) யை  போலீசார் கைதுசெய்து விசாரணை.



 கணவருக்கும் மனைவிக்கும் இடையே நேற்று முன்தினம் தகறாறு ஏற்பட்டதை தொடர்ந்து மனைவி தாயார் வீட்டுக்குச் சென்றுவிட்டார்.
இந்நிலையில்  குழந்தையை கேட்டு தகராறு செய்து குழந்தையை பறித்துக்கொண்டு வந்து  மண்டபம் முகாம் இரயில்வே தண்டாவாளம் அருகே எரிந்து கொலை செய்ததாக விசாரணையில் தெரியவந்துள்ளது.

தமிழகத்தில் மேலும் 5,956 பேருக்கு கொரோனா

No comments



தமிழகத்தில் மேலும் 5,956 பேருக்கு கொரோனா

தமிழகத்தில் புதிதாக 5,956 பேருக்கு கொரோனா வைரஸ் தொற்று உறுதி

சென்னையில் ஒரே நாளில் 1150 பேருக்கு கொரோனா வைரஸ் பாதிப்பு

கொரோனா தொற்று பாதிப்பால் தமிழகத்தில் மேலும் 91 பேர் உயிரிழப்பு

நோய் தொற்றில் இருந்து மேலும் 6,008 பேர் குணமடைந்தனர்

வெளிநாடுகள், வெளி மாநிலங்களில் இருந்து வந்த 31 பேருக்கு கொரோனா பாதிப்பு

தமிழகத்தில் இன்று கொரோனா தொற்றால் பாதிக்கப்பட்டவர்களின் எண்ணிக்கையானது 4.28 லட்சத்தினை கடந்துள்ளது. இன்று பரிசோதனை செய்யப்பட்ட 75,100 மாதிரிகளில் 5,956 பேர் கொரோனா தொற்றால் பாதிக்கப்பட்டிருப்பதாக  சுகாதாரத்துறை தெரிவித்துள்ளது. இந்நிலையில் ஒட்டு மொத்த பாதிப்பு 4,28,041 ஆக அதிகரித்துள்ளது.

இன்று மட்டும் 6,008 நபர்கள் குணமடைந்து டிஸ்சார்ஜ் செய்யப்பட்டுள்ளனர். இதன் காரணமாக ஒட்டு மொத்த டிஸ்சார்ஜ் எண்ணிக்கையானது 3,68,141 ஆக அதிகரித்துள்ளது. இன்று 91 நோயாளிகள் சிகிச்சை பலனின்றி உயிரிழந்துள்ளனர். தொடர்ந்து கடந்த சில நாட்களாக 100க்கும் அதிகமான உயிரிழப்பு பதிவாகியிருந்த நிலையில் தற்போது உயிரிழப்பு 100க்கும் குறைவாக பதிவாகியுள்ளது. இதன் காரணமாக ஒட்டு மொத்த உயிரிழப்பு 7,322 ஆக அதிகரித்துள்ளது. தற்போது 52,578 பேர் சிகிச்சை பெற்று வருகின்றனர்.

சென்னையை பொறுத்த அளவில் இன்றும் 1,000க்கும் அதிகமாக கொரோனா பாதிப்பு எண்ணிக்கை பதிவாகியுள்ளது. இன்று பாதிக்கப்பட்ட 5,956 நபர்களில் 1,150 பேர் சென்னையை சேர்ந்தவர்களாவார்கள். இதன் காரணமாக சென்னையின் ஒட்டு மொத்த பாதிப்பு 1,35,597 ஆக அதிகரித்துள்ளது. இதுவரை சென்னையில் மட்டும் 2,747 பேர் உயிரிழந்துள்ளனர். இன்று 19 பேர் உயிரிழந்துள்ளனர்.

பாஜக தனித்து நின்றாலும் 60 இடங்களில் வெற்றி பெறும் - எல்.முருகன்

No comments




பாஜக தனித்து நின்றாலும் 60 இடங்களில் வெற்றி பெறும் என தமிழக பாஜக தலைவர் எல்.முருகன் நம்பிக்கை தெரிவித்துள்ளார்.

திருச்சி கருமண்டபம் பகுதியில் பாஜக இளைஞர் அணி மாநில செயற்குழு கூட்டம் நடைபெற்றது. அதில் பங்கேற்க வந்த எல்.முருகன் முன்னதாக செய்தியாளர்களை சந்தித்த போது, அதிமுக-பாஜக உறவு சுமுகமாகவே உள்ளது என்றார்.

மேலும் குற்றப்பின்னணி உடையவர்கள் பாஜகவில் இணைவதாக எழுப்பப்பட்ட கேள்விக்கு பதிலளித்த அவர், அனைவரும் மிஸ்டு கால் மூலமே கட்சியில் இணைவதால் பின்புலம் குறித்து ஆராய முடிவதில்லை என்றும், கட்சியில் சேர்ந்த பின்னர் குற்றச்சாட்டு எழுந்தால் கடும் நடவடிக்கை எடுக்கப்படும் எனவும்  கூறினார்.

முன்னாள் குடியரசு தலைவர் பிரணாப் முகர்ஜி காலமானார்..!

No comments




பிரணாப் முகர்ஜி காலமானார்

முன்னாள் குடியரசு தலைவர் பிரணாப் முகர்ஜி காலமானார்

பிரணாப் முகர்ஜி காலமானதாக மகன் அபிஜித் முகர்ஜி டிவிட்டரில் தகவல்

டெல்லி ராணுவ மருத்துவமனையில் கடந்த ஆக.10 ஆம் தேதி பிரணாப் அனுமதிக்கப்பட்டார்

மூளையில் அறுவை சிகிச்சை செய்யப்பட்ட நிலையில் கொரோனா உறுதியானது

21 நாட்களாக சிகிச்சை பெற்று வந்த நிலையில் இன்று பிரணாப் முகர்ஜி உயிரிழப்பு

கடந்த சில நாட்களாகவே ஆழ்ந்த கோமா நிலையில் இருந்தார் பிரணாப் முகர்ஜி

பிரணாப் உடல்நிலை நேற்று பின்னடைவை சந்தித்ததாக மருத்துவமனை தெரிவித்தது

2012 - 2017 ஜூலை வரை குடியரசு தலைவராக இருந்தார் பிரணாப் முகர்ஜி

நாட்டின் உயரிய பாரத ரத்னா விருது பெற்றவர் பிரணாப் முகர்ஜி

2019 ஆம் ஆண்டு பிரணாப்புக்கு பாரத ரத்னா விருது வழங்கி கவுரவித்தது மோடி அரசு

நாட்டின் 13வது குடியரசு தலைவராக இருந்தவர் பிரணாப் முகர்ஜி

84 வயதில் காலமானார் முன்னாள் குடியரசு தலைவர் பிரணாப் முகர்ஜி

மத்திய அரசில் பல்வேறு துறைகளை வகித்தவர் பிரணாப் முகர்ஜி

2008 ஆம் ஆண்டு பிரணாப் முகர்ஜிக்கு பத்ம விபூஷன் விருது வழங்கப்பட்டது

ஜியோவின் அடுத்த அதிரடி; 'அன்லிமிட்டெட் பிராட்பேண்ட்' திட்டங்கள் அறிவிப்பு

No comments



ரிலையன்ஸ் ஜியோ பைபர் பிராட்பேண்ட், நுகர்வோருக்கு அன்லிமிட்டெட் இணையதள சேவையை வழங்கும் திட்டங்களை அறிமுகப்படுத்தியுள்ளது.
இந்த புதிய பிராட்பேண்ட் திட்டங்கள், மாதத்திற்கு 399 ரூபாயிலிருந்து தொடங்குகின்றன. இந்த புதிய திட்டங்களின் கீழ், வரம்பற்ற இணைய சேவையை, சமச்சீரான வேகத்தில் பெற முடியும். மேலும், 12 ஓ.டி.டி., (OTT) தளங்களுக்கான சந்தாவையும் பெறலாம்.

அதன்படி, ரூ.399 திட்டத்தில், 30 எம்.பி.பி.எஸ்., (Mbps) வேகத்தில் அன்லிமிட்டெட் இணைய மற்றும் வாய்ஸ்கால் வசதி வழங்கப்படுகிறது. ரூ.699 திட்டத்தில், 100 எம்.பி.பி.எஸ்., வேகத்தில் அன்லிமிட்டெட் இணைய மற்றும் வரம்பற்ற வாய்ஸ்கால் வசதியையும் பெறலாம். ரூ.999 திட்டத்தில் வரம்பற்ற இணையத்தை 150 எம்.பி.பி.எஸ்., வேகத்துடன் வழங்குகிறது. மேலும் இதில், வரம்பற்ற வாய்ஸ்கால் வசதியும் 11 ஓ.டி.டி., தள பயன்பாடுகளுக்கான சந்தாவும் வழங்கப்பட்டுள்ளது. ரூ.1,499 திட்டத்தில், வாடிக்கையாளர்கள் வரம்பற்ற வாய்ஸ்கால் சலுகையும், 12 ஓ.டி.டி., தள பயன்பாடுகளுக்கான சலுகையும் 300 எம்.பி.பி.எஸ்., வேகத்தில் இணைய சேவையையும் பெற முடியும்.

ஓ.டி.டி., தள பயன்பாடுகளை பெற ஜியோ டிவி பிளஸ் (JioTV Plus) வழியாக அணுகலாம். இதில், நெட்பிக்ஸ், அமேசான் பிரைம் வீடியோ, டிஸ்னி + ஹாட்ஸ்டார் வி.ஐ.பி., ஜியோ சினிமா, ஜீ5, சோனி லிவ், வூ, ஆல்ட்பாலாஜி, சன் என்.எக்ஸ்.டி., லயன்ஸ்கேட் பிளே, ஷெமரூ மற்றும் ஹோய்சோய் ஆகியவை அடங்கும்.ஓ.டி.டி., சேவையை ஆன்லைனில் அணுக, ஜியோ பைபர் செட்டாப் பாக்சைப் பெறுவதும் இந்த திட்டங்களில் அடங்கும். செப்., 1 முதல் இந்த புதிய திட்டங்கள் நடைமுறைக்கு வருகிறது. இதன் புதிய வாடிக்கையாளர்களுக்கு 30 நாள் இலவச சேவையை ஜியோ வழங்குகிறது. அதில், 150 எம்.பி.பி.எஸ்., வேகத்தில் இணைய சேவையையும், 4கே செட்டாப் பாக்சும் வழங்கப்படுகிறது. மேலும் அன்லிமிட்டெட் வாய்ஸ்கால் வசதியும் கிடைக்கும்.

'இதைப் பெற, புதிய வாடிக்கையாளர்கள் திருப்பிப் பெறக்கூடிய தொகையை முதலில் டெபாசிட் செய்ய வேண்டும். அதன் பிறகு அவர்கள் செட்-டாப் பாக்ஸ் மற்றும் ஜியோ பைபர் மோடம் ஆகியவற்றைப் பெறலாம்' என, ஜியோ பைபர் தெரிவித்துள்ளது.

"ஓணம் பண்டிகை நல்வாழ்த்துக்கள்" - கொச்சி வந்திறங்கிய நயன் மற்றும் விக்னேஷ்..!

No comments

நானும் ரௌடி தான் படத்தில் இணைந்து பணியாற்றியதிலிருந்து, நயன்தாராவும் இயக்குனர் விக்னேஷ் சிவனும் மிகவும் நெருக்கமாக பழகிவருகின்றனர். இருவரும் காதலிப்பதாக வெளிப்படையாக தெரிவிக்கவில்லை என்றாலும், அதனை உறுதி செய்யும் விதமாக, வெளிநாடு, கோவில், சுற்றுளா, விருது விழா என எங்கு சென்றாலும் இருவரும் ஜோடியாகவே செல்வது மற்றும் மிக நெருக்கமான புகைப்படங்களையும் இணையத்தில் வெளியிட்டு வருகின்றனர். 

இந்நிலையில் சில தினங்களுக்கு முன்பு நடிகை நயன்தாரா மற்றும் விக்னேஷ் சிவன் ஆகிய இருவருக்கும் கொரோனா தொற்றுக்கான அறிகுறி இருப்பதாகவும் ஆதலால் அவர்கள் தனிமையில் இருப்பதாகவும் செய்திகள் வெளியாகின. இந்நிலையில் தனது ட்வீட் மூலம் அதற்கு அப்போது முற்றுப்புள்ளி வைத்துள்ளார் விக்னேஷ் சிவன் மற்றும் நயன். அவர்கள் வெளியிட்டுள்ள ட்விட்டர் பதிவில் "எங்களுக்கு கொரோனா இருக்கிறது என்று கூறி வெளியாகும் செய்திகளை கண்டு நகைப்பாக உள்ளது. நாங்கள் நல்ல ஆரோக்கியத்துடனும் நலமுடன் இருக்கிறோம் என்று அவர் அந்த பதிவில் கூறியுள்ளார்.

தற்போது இன்று இந்தியா முழுவதும் ஓணம் பண்டிகை பெரிய அளவில் கொண்டாட்டங்கள் இன்றி கொண்டாடப்பட்டு வரும் நிலையில் நயன்தாரா மற்றும் விக்னேஷ் சிவன் ஆகிய இருவரும் விமான மூலம் கொச்சி சென்றுள்ளார். அங்கு அவர்கள் ஓணம் பண்டிகையை கொண்டாட உள்ளனர். விமானத்தில் பறக்கும் காணொளி ஒன்றையும் கொச்சியில் தரையிறங்கிய ஒரு புகைப்படத்தையும் நயன்தாரா தற்போது வெளியிட்டுள்ளார்..


பிரேக் ஃபாஸ்டுக்கு ஏற்ற சுவையான 5 ரவை ரெசிபிகள்!

No comments



ரவை உப்புமா என்றாலே பெரும்பாலானோருக்குப் பிடிப்பதில்லை. அதே நேரத்தில், ரவையில் செய்யப்படும் கேசரி, அல்வா, லட்டு போன்ற மற்ற பதாரத்தங்கள் அனைவரும் விரும்பி சாப்பிடுவதுண்டு. ஆனால், அவை உணவல்ல, சாதாரண ஒரு ஸ்வீட் ரெசிபி தான். ரவையில் அனைவரும் விரும்பும் பிரேக் ஃபாஸ்ட் செய்வது தான் சவால். 

அந்த வகையில், நல்ல சூப்பரான, டேஸ்டியான 5 ரவை பிரேக் ஃபாஸ்ட் ரெசிபிகள் குறித்த சிறுகுறிப்பை இங்குக் காணலாம். இனி ரவையில் இதுபோன்ற விதவிதமான பிரேக்பாஸ்ட் ரெசிபிகளையும் செய்து அசத்தலாம்.

1. ரவை தோசை

தோசை  அனைவருக்கும் பிடிக்கும். தோசையில் நிறைய வெரிட்டிகள் உள்ளன. அவற்றில் ஒன்று தான் ரவை தோசை. அரிசி மாவோடு ரவையும் சேர்த்து, நல்ல கிரிஸ்பியான ரவை தோசை செய்யலாம். 

2. காய்கறி ரவை உப்புமா

ரவை உப்புமா சாதாரணமாக செய்தால் சிலருக்குப் பிடிக்காது. அதுவே பீன்ஸ், கேரட் துண்டுகளை சிறிதாக வெட்டி, காய்கறிகள், நெய் சேர்த்து செய்யப்படும் ரவை உப்புமாக நல்ல டேஸ்டாக அமையும். மேலும், உடல்எடையைக் குறைக்க முயற்சி செய்பவர்கள், தங்கள் பிரேக் பாஸ்ட் பட்டியலில் காய்கறி ரவை உப்புமா சேர்த்துக்கொள்ளலாம். 

3. மசாலா ரவை இட்லி

இதுவும் ஒரு புது ரெசிபி தான். சாதாரணமாக ரவை இட்லி கேள்விப்படிருப்போம். அதே போன்று தான், மசாலா ரவை இட்லியும். தினமும் சாதாரணமான இட்லி, தோசை சாப்பிட்டவர்களுக்கு இது ஒரு புது விருந்தாக அமையும். இதற்கு தேங்காய் சட்னி, சாம்பார் ஆகியவை சைடிஷ் ஆக வைத்துக்கொள்ளலாம்..

4. ஆனியன் ரவை தோசை

ரவை தோசையில் வெங்காயம் இல்லையென்றால் எப்படி? சாதாரணமாக ரவை தோசை சுட்டப்பிறகு, சிறிது வெங்காயத்தையும் சேர்த்து, ஆனியன் ரவை தோசையை சூப்பராக செய்யலாம். இதற்கு இடிசாம்பார் நல்ல செம்ம டேஸ்டியான சைடிஷ் ஆகும்.

5. திடீர் ரவை ஊத்தாப்பம்

ரவையில் தோசை, இட்லி செய்வது போலவே ஊத்தாப்பமும் செய்யலாம். இது தோசையைக் காட்டிலும் சிறிது தடிமனாக வரும். ஊத்தாப்பம் பிரியர்கள், ரவையில் செய்து புதியதொரு அனுபவத்தைப் பெறலாம்.

பிரசாந்த் பூஷனுக்கு உச்ச நீதிமன்றம் ரூ.1 அபராதம்!

No comments



மூத்த வழக்கறிஞரும், சமூக ஆர்வலருமான பிரசாந்த்  பூஷன் உச்ச நீதிமன்றத்தையும், அதன் தலைமை நீதிபதியையும் விமர்சித்ததாக நீதிமன்றம் அவரை அமவதிப்பு குற்றவாளி என தீர்ப்பளித்திருந்தது.
இந்நிலையில் தண்டனை குறித்த விவரங்கள் தற்போது வெளி வந்துள்ளன.

குற்றவாளியாக தீர்ப்பளிக்கப்பட்ட பிரசாந்த் பூஷனுக்கு உச்சநீதிமன்றம் ஒரு ரூபாய் அபராதம் விதித்துள்ளது. இந்த தொகையை செப்.15ம் தேதிக்கு முன்னதாக செலுத்தவும் தீர்ப்பில் குறிப்பிடப்பட்டுள்ளது.

மேலும், அபராதத் தொகையை செலுத்தத் தவறினால் மூன்று மாத சிறை தண்டனையையும், மூன்று ஆண்டுகளுக்கு வழக்கறிஞராக பணியாற்ற தடையும் விதிக்கப்படும் என நீதிபதிகள் எச்சரித்துள்ளனர்.

முன்னதாக பூஷன், வழக்கிற்கு ஆதாரமாக இருந்த தன்னுடைய டிவிட் குறித்து பரிசீலனை செய்யவும், அப்படியொரு டிவிட் போட்டதற்காக அவர் மன்னிப்புகோரவும் மறுத்துவிட்டார். நீதிமன்றம் அவர் தன்னுடைய டிவிட் குறித்து பரிசீலனை செய்யவும், மன்னிப்புகோரவும் மூன்று நாட்கள் கால அவகாசம் வழங்கியிருந்தது என்பது குறிப்பிடத்தக்கது.

“உயிரோட இருக்கணும் குமாரு..” தனது ஸ்டைலில் மாஸ்க் அணிய சொல்லும் செல்வராகவன்!

No comments



இயக்குநர் செல்வராகவன் தமிழ் சினிமாவின் மிகவும் பாராட்டப்பட்ட இயக்குநர்களில் ஒருவர். புதுப்பேட்டை, ஆயிரத்தில் ஒருவன், மயக்கம் என்ன, இரண்டாம் உலகம் என்று பல தரப்பட்ட வித்தியாசமான படங்களை மக்களுக்கு ஜனரஞ்சகமாக வழங்கியுள்ளார். இவர் இயக்கிய படங்கள் வியாபார ரீதியாக பெரிய அளவில் வெற்றி பெறவில்லை என்றபோதம் அவர் இயக்கத்திற்கு நிகர் அவரே என்ற அளவிற்கு எல்லா படங்களும் தரமான திரைப்படங்களாகவே இருந்துவருகின்றன. இவருடைய ரசிகர்களும் இவரது படத்தை எப்போதும் கொண்டாட மறந்ததில்லை. சரியான அங்கீகாரம் கிடைக்காமல் காலம் தாழ்ந்து கொண்டாடப்படும் சில படங்களும் உள்ளன. கடந்த ஆண்டு மே மாதம் சூர்யா நடிப்பில் செல்வராகவன் இயக்கத்தில் வெளியான என்.ஜி.கே. ரசிகர்களிடையே பெரும் வரவேற்பைப் பெற்றது.

பொதுவாக அமைதியாக இருக்கும் செல்வராகவன் இந்த லாக்டவுன் காலத்தில் தனது சமூகவலைத்தளத்தில் ஆக்டிவாக இருப்பது அவரது ரசிகர்களை பெரும் மகிழ்ச்சியில் ஆழ்த்தியுள்ளது. குறிப்பாக செல்வராகவன் இந்த லாக் டவுன் காலத்தில் தன்னுடைய பழைய திரைப்படங்களை குறித்து பல விஷயங்களை பகிர்ந்து வருகின்றார். மேலும் அவர் தனது வரவிருக்கும் அடுத்தடுத்த திட்டத்திற்காக தயாராக உள்ளார் என்பதும் ரசிகர்களுக்கு மகிழ்ச்சியைக் கொடுக்கின்றன.

இப்போது அவர் தனது ட்விட்டர் பக்கத்தில் கொரோனா விழிப்புணவுக்காக போட்ட பதிவு இணையத்தில் வைரலாகிவருகிறது. தனது இயக்கத்தில் தனுஷ் நடித்து இன்று வரை பாரட்டப்படும் திரைப்படமான ‘புதுப்பேட்டை' படத்திலிருந்து தனுஷுடைய லேட்டஸ்ட் கொரோனா வெர்ஷன் புகைப்படத்தை பகிர்ந்துள்ளார் செல்வா. அதாவது, அனைவரும் மாஸ்க் அணியவேண்டும் என்பதை வலியுறுத்தி, ‘கொக்கி குமாரு' மாஸ்க் அணிந்திருப்பது போன்ற படத்தை வெளியிட்டுள்ளார். அந்த பதிவில் “இப்பல்லாம் உயிரோட இருக்கணும் குமாரு.. அது மட்டும்தான் மேட்டரு !!” என்று கூறியுள்ளார்.

செல்வராகவன் ‘புதுப்பேட்டை-2'வுடன் இன்னும் சில கதைகளை எழுதிக்கொண்டிருப்பதாக தகவல் உள்ளது. மேலும், அவர் ‘சாணிக் காயிதம்' எனும் திரைப்படத்தின் மூலம் ஹீரோவாக அறிமுகமாகிறார். இப்படத்தில் அவருக்கு ஜோடியாக கேர்த்தி சுரேஷ் நடிக்கிறார்.

அமைச்சர்கள் செல்லூர் ராஜூ மற்றும் ஜெயக்குமார் பேசுவது சரியல்ல

No comments



அமைச்சர்கள் செல்லூர் ராஜூ மற்றும் ஜெயக்குமார் பேசுவது சரியல்ல என பா.ஜ., தேசிய பொது செயலர் எச்.ராஜா தெரிவித்துள்ளார்.

கொரோனா பாதிப்பு காரணமாக விநாயகர் சதுர்த்தி ஊர்வலத்திற்கு தமிழக அரசு தடை விதித்தது. இதற்கு பா.ஜ., எதிர்ப்பு தெரிவித்தது. இது தொடர்பாக பா.ஜ., தேசிய செயலர் எச்.ராஜா கூறும் போது, கர்நாடகாவில் விநாயகர் சிலைகளை பிரதிஷ்டை செய்யவும் சதுர்த்தி கொண்டாடவும் அனுமதி. ஆண்மையுள்ள அரசு''என டுவிட்டரில் பதிவிட்டிரந்தார். இதற்கு கண்டனம் தெரிவித்த அமைச்சர் ஜெயக்குமார், அதிமுகவை உரசி பார்க்கக்கூடாது. எச்.ராஜா சொன்ன சொற்கள் அவருக்கு தான் பொருந்தும் என பதிலடி கொடுத்தார். அமைச்சர் செல்லூர் ராஜூ மதுரையில் அளித்த பேட்டி ஒன்றில், டில்லிக்கு பா.ஜ., ராஜாவாக இருந்தாலும், தமிழகத்தில் இன்னும் வளர வேண்டும் என தெரிவித்திருந்தார்.

இது தொடர்பாக பா.ஜ., தேசிய செயலர் எச்.ராஜா கூறியதாவது: எல்லை மீறி பேசுவதும் கூட்டணியில் பிரச்னை ஏற்படுத்தும். அமைச்சர்கள் செல்லூர் ராஜூ, ஜெயக்குமார் பேசுவது சரியல்ல. அதிமுக அரசை நான் விமர்சனம் செய்வது கிடையாது. தோழமை சுட்டுதலோடு குறைகளை சொல்கிறேன். தமிழகத்தில் பா.ஜ., ஆதரவு இல்லாமல் யாரும் ஆட்சியமைக்க முடியாது. எங்களுடைய தேர்தல் பணி நாடு முழுவதும் இருப்பதை போல், தமிழகத்திலும் இருக்கும். இவ்வாறு அவர் கூறினார்.

கரசேவகர்களின் தியாகத்தை சித்தரிக்கும் நினைவகம்: ராமர் கோவிலில் அமைக்க திட்டம்!

No comments



பல ஆண்டுகளாக நீடித்த அயோத்தி நிலப்பிரச்சினை, கடந்த ஆண்டு நவம்பரில் முடிவுக்கு வந்தது. இவ்வழக்கில் உச்ச நீதிமன்ற உத்தரவுப்படி, ராம ஜென்மபூமி தீர்த்த ஷேத்ரா அறக்கட்டளை அமைக்கப்பட்டு, கோவில் கட்டும் பணி துவங்கியுள்ளது.

இந்நிலையில் கடந்த 500 ஆண்டுகளாக ராமர் கோவில் போராட்டத்தில் கலந்துகொண்ட கரசேவகர்களின் தியாகத்தை அங்கீகரிக்க அறக்கட்டளை முடிவு செய்துள்ளது. இதற்காக ராமர் கோவில் வளாகத்தில் கரசேவகர்களின் போராட்ட வரலாற்றை பதிவு செய்யும் வகையில் ஒரு நினைவகம் அமைக்கும் திட்டம் உள்ளதாக தெரிவித்துள்ளது.

இது குறித்து ராமஜென்மபூமி அறக்கட்டளை நிர்வாகிகள் கூறுகையில், 'ராம ஜென்ம பூமி வளாகத்தில் அமையும் அனைத்திலும் நவீன வசதிகள் செய்யப்பட உள்ளன. இக்கோவிலுக்காக கடந்த 500 ஆண்டுகளாக போராடிய கரவேகர்கள் உழைப்பை அங்கீகரிக்கும் வகையில் நினைவகம் அமைக்க ஆலோசித்து வருகிறோம். ராமாயணத்தின் காட்சிகளை சித்தரிக்கும் ஒரு அருங்காட்சியகமும் அமைக்கப்படவுள்ளது' என்றனர்.

இதன்மூலம், ராமர் கோவிலுக்கு வருபவர்கள் இடையே விஸ்வ இந்து பரிஷத்தின் (வி.எச்.பி.,) புகழை பரப்பும் நோக்கமும் இருப்பதாகக் கூறப்படுகிறது. இந்த நினைவகத்தில் வி.எச்.பி., தலைவர் அசோக் சிங்கால், வி.எச்.பி., அறக்கட்டளை தலைவர் ஸ்ரீராமச்சந்திர பரமஹம்ஸ் ஆகியோரின் வரலாறும் இடம்பெற உள்ளது. கரசேவை செய்து உயிர்நீத்த கோத்தாரி சகோதரர்கள் உள்ளிட்டோரின் படங்களும் அதில் இடம்பெற இருப்பதாக தெரிவிக்கப்பட்டுள்ளது.

நாடு முழுவதும் ஒரே நாளில் 78,512 பேருக்கு கொரோனா! 36 லட்சத்தினை கடந்தது மொத்த பாதிப்பு

No comments



இதுவரை, 4,23,07,914 மாதிரிகள் நாடு முழுவதும் பரிசோதிக்கப்பட்டுள்ளதாகவும், கடந்த 24 மணி நேரத்தில் 8,46,278 மாதிரிகள் பரிசோதிக்கப்பட்டுள்ளதாகவும் ஐசிஎம்ஆர் தெரிவித்துள்ளது.

நாடு முழுவதும் கொரோனா தொற்றால் பாதிக்கப்பட்டவர்களின் எண்ணிக்கையானது 36 லட்சத்தினை தற்போது கடந்துள்ளது. கடந்த 24 மணி நேரத்தில், 78,512 பேர் புதியதாக கொரோனா தொற்றால் பாதிக்கப்பட்டவர்களாக கண்டறியப்பட்டுள்ளனர். 971 பேர் உயிரிழந்துள்ளனர்.

இதன் காரணமாக ஒட்டு மொத்த பாதிப்பானது 36,21,246 ஆக அதிகரித்துள்ளது. தற்போது 7,81,975 பேர் சிகிச்சை பெற்று வருகின்றனர். இதுவரை 27,74,802 பேர் குணமடைந்துள்ளனர். அதே போல 64,469 பேர் உயிரிழந்துள்ளதாக மத்திய சுகாதாரத்துறை தெரிவித்துள்ளது.

பரிசோதனைகளை பொறுத்த அளவில் இதுவரை, 4,23,07,914 மாதிரிகள் நாடு முழுவதும் பரிசோதிக்கப்பட்டுள்ளதாகவும், கடந்த 24 மணி நேரத்தில் 8,46,278 மாதிரிகள் பரிசோதிக்கப்பட்டுள்ளதாகவும் ஐசிஎம்ஆர் தெரிவித்துள்ளது.

லடாக்கில் அத்துமீறிய சீன வீரர்களை விரட்டியடித்த இந்திய வீரர்கள்

No comments



லடாக்கின் கிழக்கு பகுதி அருகே பாங்காங் சோ ஏரி அருகே அத்துமீறலில் ஈடுபட்ட சீன ராணுவத்தினரை இந்திய வீரர்கள் விரட்டியடித்தனர். இதனால், எல்லையில் மீண்டும் பதற்றம் ஏற்பட்டுள்ளது.

கடந்த சில மாதங்களுக்கு முன்பு லடாக்கின் கிழக்கு பகுதியில், அத்துமீறிய சீன ராணுவத்தினர் கடுமையாக தாக்கியதில் 20 இந்திய வீரர்கள் வீரமரணம் அடைந்தனர். பலர் காயமடைந்தனர். இந்த மோதலில் சீன தரப்பில் எத்தனை பேர் இறந்தனர் என்ற தகவல் இல்லை. இதனால், ஏற்பட்ட பதற்றத்தை தணிக்க இரு நாட்டு ராணுவ உயர் அதிகாரிகள் பேச்சுவார்த்தை நடத்தி வருகின்றனர்.

இந்நிலையில், மீண்டும் சீன வீரர்கள், லடாக்கின் கிழக்கு பகுதியில் அத்துமீறலில் ஈடுபட்ட சம்பவம், எல்லையில் பதற்றத்தை ஏற்படுத்தியுள்ளது.

இது தொடர்பாக இந்திய ராணுவத்தின் செய்தி தொடர்பாளர் கூறுகையில், கடந்த ஆக.,29/30 இரவுகளில், லடாக்கின் கிழக்கு பகுதிகளில் சீன ராணுவ வீரர்கள் அத்துமீறலில் ஈடுபட்டு, தற்போதைய நிலையை மாற்ற முயன்றனர். அவர்களை இந்திய வீரர்கள் விரட்டியடித்தனர்.
சீன வீரர்களின் செயல், கடந்த காலங்களில் ராணுவம் மற்றும் தூதரகம் ரீதியில் நடந்த பேச்சுவார்த்தையில் எடுக்கப்பட்ட முடிவுகளுக்கு எதிரானது. பாங்காங் சோ ஏரியின் தெற்கு பகுதியில், சீன ராணுவத்தின் அத்துமீறலை தடுத்ததுடன், நமது நிலையை வலுப்படுத்த நடவடிக்கை எடுத்துள்ளோம். அங்கு நிலவும் சூழலை சிதைக்க முயன்ற சீனாவின் நோக்கத்தையும் தடுத்து நிறுத்தினோம்.

பேச்சுவார்த்தை மூலம் அமைதி மற்றும் ஸ்திரத்தன்மை நிலவ இந்திய ராணுவம் உறுதிபூண்டுள்ளது. அதேநேரத்தில், நமது எல்லையின் இறையாண்மையை பாதுகாக்கவும் உறுதிபூண்டுள்ளோம். பிரச்னையை தீர்க்க சுசூல் பகுதியில் இரு நாட்டு ராணுவ கமாண்டர்கள் மட்டத்திலான பேச்சுவார்த்தை நடத்தி வருகின்றனர். இவ்வாறு அந்த அறிக்கையில் தெரிவிக்கப்பட்டுள்ளது.

மருத்துவமனையிலிருந்து வீடு திரும்பினார் அமித்ஷா

No comments



உடல்நலன் தேறியதை தொடர்ந்து, மத்திய உள்துறை அமைச்சர் அமித்ஷா, எய்ம்ஸ் மருத்துவமனையில் இருந்து டிஸ்சார்ஜ் செய்யப்பட்டார்.

கடந்த ஆக.,2ம் தேதி கொரோனாவினால் பாதிக்கப்பட்ட உள்துறை அமைச்சர் அமித்ஷா, ஹரியானா மாநிலம் கூர்கானில் உள்ள தனியார் மருத்துவமனையில் சிகிச்சை பெற்றார். அங்கு குணமடைந்து வீடு திரும்பிய நிலையில், கடந்த 18 ம் தேதி, மயக்கம் மற்றும் உடல் சோர்வு காரணமாக, டில்லி எய்ம்ஸ் மருத்துவமனையில், கொரோனா அல்லாதவர்களுக்கான சிகிச்சை பிரிவில் அனுமதிக்கப்பட்டார்.

டாக்டர்கள் சிகிச்சை அளித்து வந்த நிலையில், அவர் குணமடைந்துவிட்டதாகவும், விரைவில் டிஸ்சார்ஜ் செய்யப்படுவார் என நேற்று முன்தினம் எய்ம்ஸ் மருத்துவமனை அறிவித்தது.இந்நிலையில், இன்று காலை அமித்ஷா எய்ம்ஸ் மருத்துவமனையில் இருந்து டிஸ்சார்ஜ் செய்யப்பட்டதாக மருத்துவமனை வட்டாரங்கள் தெரிவித்துள்ளன.

முதல்வர் பெயர் புறக்கணிப்பா?: தேனியில் சலசலப்பு

No comments



ஆண்டிபட்டி அருகே உயர்கோபுர மின்விளக்கு திட்ட மதிப்பீட்டு கல்வெட்டில், முதல்வர் பழனிசாமி பெயர் புறக்கணிக்கப்பட்டது பரபரப்பை ஏற்படுத்தியுள்ளது.

தேனி மாவட்டம், ஆண்டிபட்டி அருகே க.விலக்கில் கடந்தாண்டு நாடாளுமன்ற உறுப்பினர் தொகுதி மேம்பாட்டு நிதியில் உயர்கோபுர மின்விளக்கு அமைக்கப்பட்டது. இதற்காக கடந்த சில நாட்களுக்கு முன்பு, கல்வெட்டு வைக்கப்பட்டது. அதில் முன்னாள் முதல்வர் ஜெயலலிதா, தற்போதைய துணை முதல்வர் ஓ.பன்னீர்செல்வம், தேனி தொகுதி முன்னாள் எம்பி பார்த்திபன் உள்ளிட்டோர் பெயர் பொறிக்கப்பட்டுள்ளது.

கல்வெட்டில் முதல்வர் பழனிசாமி பெயர் இல்லாததால், அதிமுக.,வினர் இடையே சலசலப்பு ஏற்பட்டுள்ளது. சமீபத்தில் தேனி மாவட்டத்தில் முதல்வர் ஓபிஎஸ்., என ஓ.பன்னீர்செல்வத்திற்கு ஆதரவாக போஸ்டர் ஒட்டியதால் பரபரப்பு ஏற்பட்டது. இது அக்கட்சியில் மிகப்பெரிய பரபரப்பை ஏற்படுத்தியதுடன், கட்சிக்குள் இருக்கும் கோஷ்டி பூசல் வெளிப்பட்டது. ஆனாலும், முதல்வர் மற்றும் துணை முதல்வர் இணைந்து இந்த பிரச்னைக்கு முற்றுப்புள்ளி வைத்தது குறிப்பிடத்தக்கது. ஆனால், அதற்குள் கல்வெட்டில் பெயர் புறக்கணிக்கப்பட்டது மேலும் பிரச்னையை கிளப்பியுள்ளது.

தமிழகத்தில் 4.22 லட்சத்தினை கடந்தது கொரோனா பாதிப்பு! 6,495 பேருக்கு தொற்று

No comments

Sunday, 30 August 2020




தமிழகத்தில் இன்று கொரோனா தொற்றால் பாதிக்கப்பட்டவர்களின் எண்ணிக்கையானது 4.22 லட்சத்தினை கடந்துள்ளது. இன்று பரிசோதனை செய்யப்பட்ட 83,250 மாதிரிகளில் 6,495 பேர் கொரோனா தொற்றால் பாதிக்கப்பட்டிருப்பதாக  சுகாதாரத்துறை தெரிவித்துள்ளது. தொடர்ந்து 31 நாட்களாக தமிழகத்தில் 6 ஆயிரத்திற்கும் குறைவாக தொற்று எண்ணிக்கை பதிவாகியிருந்த நிலையில் தற்போது மீண்டும் 6 ஆயிரத்தை கடந்துள்ளது. இந்நிலையில் ஒட்டு மொத்த பாதிப்பு 4,22,085 ஆக அதிகரித்துள்ளது.

இன்று மட்டும் 6,406 நபர்கள் குணமடைந்து டிஸ்சார்ஜ் செய்யப்பட்டுள்ளனர். இதன் காரணமாக ஒட்டு மொத்த டிஸ்சார்ஜ் எண்ணிக்கையானது 3,62,133 ஆக அதிகரித்துள்ளது. இன்று 94 பேர் சிகிச்சை பலனின்றி உயிரிழந்துள்ளனர். தொடர்ந்து கடந்த சில நாட்களாக 100க்கும் அதிகமான உயிரிழப்பு பதிவாகியிருந்த நிலையில் தற்போது உயிரிழப்பு 100க்கும் குறைவாக பதிவாகியுள்ளது. இதன் காரணமாக ஒட்டு மொத்த உயிரிழப்பு 7,231 ஆக அதிகரித்துள்ளது. தற்போது 52,721 பேர் சிகிச்சை பெற்று வருகின்றனர்.

சென்னையை பொறுத்த அளவில் இன்றும் 1,000க்கும் அதிகமாக கொரோனா பாதிப்பு எண்ணிக்கை பதிவாகியுள்ளது. இன்று பாதிக்கப்பட்ட 6,495 நபர்களில் 1,249 பேர் சென்னையை சேர்ந்தவர்களாவார்கள். இதன் காரணமாக சென்னையின் ஒட்டு மொத்த பாதிப்பு 1,34,436 ஆக அதிகரித்துள்ளது. இதுவரை சென்னையில் மட்டும் 2,729 பேர் உயிரிழந்துள்ளனர். இன்று 16 பேர் உயிரிழந்துள்ளனர்.

செப்டம்பர் மாதம் திருப்பதியில் நடைபெற்ற பண்டிகைகளின் பட்டியல் இங்கே

No comments



செப்டம்பர் மாதம் ஏறக்குறைய துவங்க உள்ள நிலையில், ஏழுமலையான் கோயில் அமைந்துள்ள திருப்பதி திருமலை வரை அமைந்துள்ள மத நிகழ்வுகள் மற்றும் பண்டிகைகளின் பட்டியலை நாங்கள் தொகுத்துள்ளோம்.

ஸ்ரீ வெங்கடேஸ்வர பிரம்மோற்சவங்கள் திருப்பதி திருமலையின் மிக முக்கியமான திருவிழா. இது ஆண்டுதோறும் செப்டம்பர் / அக்டோபர் மாதங்களில் கொண்டாடப்படுகிறது. திருவிழாவின் போது லட்சக்கணக்கான பக்தர்கள் கோயிலுக்கு வருகை தருகின்றனர்.

திருப்பதி திருமலை அனைத்து முக்கிய இந்து பண்டிகைகளையும் கொண்டாடுகிறது. திருமலை திருப்பதி தேவஸ்தானங்கள்  (TTD) என்பது ஆந்திராவின் திருப்பதி திருமலையில் உள்ள திருமலை வெங்கடேஸ்வரர் கோயிலை நிர்வகிக்கும் சுயாதீன அறக்கட்டளை ஆகும்.

இப்போது, இங்கே பண்டிகைகளின் பட்டியலைப் பாருங்கள்:
செப்டம்பர் 1: அனந்தபத்மநாப விரதம்

செப்டம்பர் 17: மகாளய அமாவாசை

செப்டம்பர் 18: ஆண்டு பிரம்மோற்சவம் அங்குரர்பணம்

செப்டம்பர் 19: த்வாஜரோஹனத்துடன் பிரம்மோற்சவம் தொடங்குகிறது

செப்டம்பர் 23: கருட சேவை 

செப்டம்பர் 24: ராதரங்கா டோலோட்சவம் (தங்கத் தேர்)

செப்டம்பர் 26: ரத்தோட்சவம் (மரத் தேர்)

செப்டம்பர் 27: சக்ரஸ்நனம், பிரம்மோற்சவம் த்வஜவரோஹனத்துடன் நிறைவடைகிறது

செப்டம்பர் 28: பாக் சவாரி
பிரதமர் மோடியின் மான்கி பாத் நிகழ்ச்சி தமிழாக்கம்

பிரதமர் மோடியின் மான்கி பாத் நிகழ்ச்சி தமிழாக்கம்

Posted by AthibAn Tv on Sunday, August 30, 2020

வசந்தகுமாரின் உடல் அடக்கம் : வீட்டிலிருந்து கல்லறை வரை ஒலித்த கண்ணீர் கோஷம்....!

No comments



மறைந்த வசந்தகுமார் எம்.பி.யின் சொந்த கிராமமான அகஸ்தீஸ்வரத்தில் அவரது உடல் இன்று அடக்கம் செய்யப்பட்டது. பொதுமக்கள், உள்ளூர் பிரமுகர்கள் அவரது உடலுக்கு இறுதி அஞ்சலி செலுத்தினர்.

வசந்தகுமார் எம்.பி. (70) கரோனா தொற்றால் பாதிக்கப்பட்டு சென்னையில் தனியார் மருத்துவமனையில் சிகிச்சை பெற்று வந்த நிலையில் சிகிச்சை பலனின்றி கடந்த 28-ம் தேதி காலமானார். சென்னை தி.நகரில் உள்ள அவரது இல்லத்தில் நேற்று (ஆக.29) அவரது உடல் அஞ்சலிக்காக வைக்கப்பட்டிருந்தது. காங்கிரஸார், மற்றும் பிரமுகர்கள் அவரது உடலுக்கு அஞ்சலி செலுத்தினர். பின்னர் அவரது உடல் ஆம்புலன்ஸ் மூலம் சொந்த ஊரான கன்னியாகுமரி மாவட்டம் அகஸ்தீஸ்வரத்திற்கு நேற்று நள்ளிரவு 12 மணியளவில் கொண்டு வரப்பட்டது. பின்னர் அவரது வீட்டின் முன்பு வசந்தகுமாரின் உடல் பொதுமக்கள் அஞ்சலிக்காக வைக்கப்பட்டது.

அங்கு வீட்டின் முன்பு காத்து நின்ற மக்கள், நள்ளிரவில் இருந்தே விடிய விடிய வசந்தகுமாரின் உடலுக்கு அஞ்சலி செலுத்தினர். பின்னர், அகஸ்தீஸ்வரம் மற்றும் சுற்றுப்புற கிராம மக்கள், குமரி மாவட்டத்தின் பிற பகுதியை சேர்ந்த மக்கள் வரிசையில் காத்து நின்று விடிய விடிய அஞ்சலி செலுத்தினர். கரோனா ஊரடங்கு என்பதால் தனிமனித இடைவெளியை கடைபிடிக்கும் வகையில் அஞ்சலி செலுத்த வந்த மக்களை காவல்துறையினர் ஒழுங்குபடுத்தினர்.

வசந்தகுமாரின் உடல் அருகே அவரது மனைவி தமிழ்செல்வி, மகள் தங்கமலர், மகன்கள் விஜய் வசந்த், வினோத்குமார் ஆகியோர் சோகத்துடன் அழுதவாறு இருந்தனர்.

வசந்தகுமாரின் உடலுக்கு அருகே சோகத்துடன் அவரது குடும்பத்தினர்
வசந்தகுமாரின் உடலுக்குக் காங்கிரஸ் தேசிய பொதுச் செயலாளர் வேணுகோபால், எம்.பி.க்கள் ஜோதிமணி, கொடிக்குன்னில் சுரேஷ், முன்னாள் மத்திய அமைச்சர் பொன். ராதாகிருஷ்ணன்,  தமிழக அரசின் டெல்லி பிரதிநிதி தளவாய் சுந்தரம், கன்னியாகுமரி மாவட்ட ஆட்சியர் பிரசாந்த் மு.வடநேரே, முன்னாள் அமைச்சர் பூங்கோதை, எம்எல்ஏக்கள் ஆஸ்டின், சுரேஷ்ராஜன், பிரின்ஸ், ராஜேஷ்குமார், மனோதங்கராஜ், குமரி கிழக்கு மாவட்ட காங்கிரஸ் தலைவர் ராதாகிருஷ்ணன், மயூரா ஜெயக்குமார் மற்றும் பிரமுகர்கள் அஞ்சலி செலுத்தினர்.


அஞ்சலி செலுத்திய பொன். ராதாகிருஷ்ணன் கூறுகையில், "வசந்தகுமார் எம்.பி., காங்கிரஸில் சாதாரண தொண்டராக வந்து மாநில பொறுப்புகளை வகித்து சட்டப்பேரவை, நாடாளுமன்ற உறுப்பினராக உயர்ந்துள்ளார். இதைப்போல் தொழிலிலும் சிறிய அளவில் தொடங்கி உழைப்பால் பெரும் தொழிலதிபராக உயர்ந்துள்ளார். அவரை இழந்து வாடும் குடும்பத்தார், மற்றும் நண்பர்கள் மனஅமைதி பெற இறைவனை பிரார்த்திக்கிறேன்" என்றார்.

பொதுமக்கள், பிரமுகர்கள் அஞ்சலிக்குப் பின்னர் காங்கிரஸ் கொடி போர்த்தப்பட்ட வசந்தகுமாரின் உடல் சந்தனபெட்டியில் வைத்து 10 மணியளவில் வீட்டில் இருந்து அவரது பெற்றோர் அடக்கம் செய்யப்பட்டுள்ள சுக்குப்பாறை தேரிவிளை தோட்டத்திற்கு அலங்கரிக்கப்பட்ட வாகனத்தில் ஊர்வலமாக எடுத்துச் செல்லப்பட்டது. ஒரு கிலோ மீட்டர் தூரம் வரை வசந்தகுமாரின் உடல் கொண்டு செல்லப்பட்ட வாகனத்தின் பின்னால் ஏராளமான பொதுமக்கள் ஊர்வலமாக சென்றனர்.

அங்கு பெற்றோரின் கல்லறை அருகே பகல் 11.30 மணிக்கு இந்து முறைப்படி வசந்தகுமாரின் உடல் அடக்கம் செய்யப்பட்டது. வசந்தகுமாரின் மகன்கள் விஜய்வசந்த், வினோத்குமார் ஆகியோர் இறுதி சடங்குகளை செய்தனர்.

இறுதிச்சடங்கின் போது
இறுதிச்சடங்கின் போது

அப்போது அவர்கள் துக்கம் தாளாமல் கண்ணீர்விட்டு அழுதனர். கரோனா ஊரடங்குக்கு மத்தியிலும் அகஸ்தீஸ்வரம் மட்டுமின்றி சுற்றுப்புற கிராமத்தைச் சேர்ந்த பெண்கள், பொதுமக்கள் என ஏராளானோர் வந்து வசந்தகுமாரின் உடல் அடக்கம் முடியும் வரை இருந்து, பின்னர் சோகத்துடன் திரும்பி சென்றனர். அப்போது வழிநெடுகிலும் சிரித்த முகத்துடன் வசந்தகுமாரின் படங்களுடன் காணப்பட்ட சுவரொட்டிகளை பார்த்தவாறு அவர்கள் கண்கலங்கியதை காண முடிந்தது.



இறுதி ஊர்வலத்தில் திரண்ட பொதுமக்கள்

அப்பச்சி தம்பி... வீட்டிலிருந்து கல்லறை வரை ஒலித்த கண்ணீர் கோஷம்!

வசந்தகுமாரின் உடல் அகஸ்தீஸ்வரத்தில் அவரது வீட்டில் இருந்து அடக்கம் செய்யும் தோட்டத்திற்கு ஊர்வலமாக எடுத்து வந்தபோது, வாகனத்தை பின்தொடர்ந்து வந்த மக்கள் துக்கம் தாளாமல் கண்ணீர் விட்டு அழுததை காண முடிந்தது. இறுதி அஞ்சலியில் பங்கேற்ற முதியவர்கள், பெண்கள் திரண்டு வசந்தகுமார் செய்த உதவிகளை நினைவு கூர்ந்து ஆவேசமாக கோஷம் எழுப்பினர். அப்போது "வீரவணக்கம்... அப்பச்சி தம்பிக்கு வீரவணக்கம்" என்ற கோஷத்தைத் தொடர்ந்து ஒலித்தவாறு வந்தனர். ஒரு கிலோ மீட்டர் தூரத்திற்கு கல்லறை தோட்டம் வரும் வரை இந்த கோஷத்தை எழுப்பியவாறு வந்தனர். காமராஜரை 'அப்பச்சி' என்றே கன்னியாகுமரி மாவட்ட மக்கள் அழைப்பது வழக்கம்.

பிரதமர் மோடியின் மான்கி பாத் நிகழ்ச்சி தமிழாக்கம்

பிரதமர் மோடியின் மான்கி பாத் நிகழ்ச்சி தமிழாக்கம்

Posted by AthibAn Tv on Sunday, August 30, 2020

2 க்கும் மேற்பட்ட குழந்தைகளைக் கொண்டவர்கள் பஞ்சாயத்து தேர்தலில் போட்டியிட அனுமதியில்லை : உ.பி., முதலமைச்சர் நடவடிக்கை!

No comments

உ.பி.,யில் மக்கள் தொகை கட்டுப்படுத்துவதன் மீதான பேச்சுக்கள் சமீப நாட்களாக எழுந்துள்ளன. மக்கள் தொகை அதிகரிப்பால் உ.பி.,யின் சிறுபான்மையினர், பெரும்பான்மையினராகி வருவதாக அகில இந்திய சாதுக்கள் சபையின் தலைவர் மஹந்த் நரேந்திர கிரி கருத்து கூறி இருந்தார்.

இப்பிரச்சனையில் நடவடிக்கை எடுக்குமாறு மத்திய இணை அமைச்சரும் உ.பி., - பா.ஜ., தலைவருமான சஞ்சீவ் பலியானும் முதல்வர் யோகி ஆதித்யநாத்திற்கு கடிதம் எழுதியிருந்தார். இந்நிலையில், பா.ஜ., ஆளும் உ.பி., அரசும் மக்கள் தொகை கட்டுப்படுத்துவதில் நடவடிக்கை எடுக்க முடிவு செய்துள்ளது.

இதற்காக, அங்கு இவ்வருட இறுதியில் வரவிருக்கும் பஞ்சாயத்து தேர்தலில் சில முக்கிய மாற்றங்கள் செய்யத் திட்டமிட்டிருக்கிறது. அதன்படி, இரண்டு குழந்தைகளுக்கும் அதிகம் பெற்றவர்களை தேர்தலில் போட்டியிடத் தடை விதிக்க ஆலோசனை செய்யப்பட்டு வருகிறது. இதற்காக அம்மாநிலத்தின் பஞ்சாயத்து ராஜ் சட்டத்தில் திருத்தம் செய்யவும் முடிவெடுக்கப்பட்டுள்ளது.

இதற்காக நேற்று உ.பி., மாநிலப் பஞ்சாயத்து ராஜ் துறையின் அமைச்சர் பூபேந்தரா சிங் சவுத்ரி, முதல் அமைச்சர் யோகி ஆதித்யநாத்தை சந்தித்து ஆலோசனை நடத்தினார். இந்த தேர்தலில் சுமார் 30 லட்சம் பேர் போட்டியிடுவர் என்பது குறிப்பிடத்தக்கது. இதனால், அதில் இரண்டு குழந்தைகளுக்கும் அதிகமாகப் பெற்றவர்கள் போட்டியிடத் தடை விதிக்கப்பட்டால் பலன் இருக்கும் என எதிர்பார்க்கப்படுகிறது.

பிரதமர் மோடியின் மான்கி பாத் நிகழ்ச்சி தமிழாக்கம்

பிரதமர் மோடியின் மான்கி பாத் நிகழ்ச்சி தமிழாக்கம்

Posted by AthibAn Tv on Sunday, August 30, 2020


கல்வான் பள்ளத்தாக்கில் பலியான சீன வீரர்களின் கல்லறை புகைப்படம்

No comments



கல்வான் பள்ளத்தாக்கில் நடந்த இந்திய - சீன வீரர்களின் மோதலில் பலியான சீன வீரர்களின் கல்லறை புகைப்படம் சமூக வலைதளங்களில் வைரலாக பரவி வருகிறது.

கடந்த ஜூன் 15ம் தேதி இரவில், லடாக் அருகே, சீன எல்லையில், கல்வான் பள்ளத்தாக்கு பகுதியில், இந்திய - சீன தரப்பு வீரர்கள் இடையே கைகலப்பு ஏற்பட்டு, பெரும் மோதலாக மாறியது. சீன வீரர்கள், இரும்புத் தடி, இரும்புக் கம்பி, கற்கள் ஆகியவற்றின் மூலம் கொடூரமாக தாக்கியதில், நம் வீரர்கள், 20 பேர் வீர மரணம் அடைந்தனர். பதில் தாக்குதலில், சீன வீரர்கள், 43 பேர் இறந்ததாக கூறப்படுகிறது. அந்த நாட்டு ராணுவம் இது குறித்து அதிகாரப்பூர்வ அறிக்கையை வெளியிடவில்லை.

இந்நிலையில், கல்வான் மோதலில் பலியான சீன வீரர்களின் கல்லறை புகைப்படம் சமூக வலைதளங்களில் வேகமாக பரவி வருகிறது. இந்த புகைப்படத்தின் உண்மைதன்மை குறித்து சீன தரப்போ, இந்திய தரப்போ உறுதி செய்யவில்லை. சீன மோதலில் தங்கள் தரப்பில் உயிர் பலி இல்லை என சீனா கூறி வந்த நிலையில், சீன சமூக ஊடக தளமான வெய்போவில் கல்லறை புகைப்படங்கள் பகிரப்பட்டன.

அதில் சென் சியாங்ரோ என்ற சீன வீரரின் கல்லறையில், மாண்டரின் மொழியில் எழுதப்பட்டிருப்பதாவது: சென் சியாங்ரோவின் கல்லறை. 69316 துருப்புக்களின் சிப்பாய், பிங்னான், புஜியான் பகுதியில் ஜூன் 2020ல் இந்திய எல்லைப்படையினருக்கு எதிரான போராட்டத்தில் தனது உயிரை தியாகம் செய்தவர். மரணத்துக்கு பின் ராணுவத்தால் நினைவு கூரப்பட்டுள்ளார். இவ்வாறு கல்லறையில் எழுதப்பட்டுள்ளது. உயிரிழந்த வீரரின் வயது 19 எனவும் கல்லறையில் பொறிக்கப்பட்டுள்ளது. இந்நிலையில், இப்புகைப்படத்தை பகிர்ந்த சீன வீரர் கைது செய்யப்பட்டு, சிறையில் அடைக்கப்பட்டுள்ளதாக தகவல்கள் வெளியாகி உள்ளன.

பிரதமர் மோடியின் மான்கி பாத் நிகழ்ச்சி தமிழாக்கம்

பிரதமர் மோடியின் மான்கி பாத் நிகழ்ச்சி தமிழாக்கம்

Posted by AthibAn Tv on Sunday, August 30, 2020

இயற்கையை காப்பதற்காகவே விழாக்கள் கொண்டாடப்படுகின்றன : மன் கி பாத் நிகழ்ச்சியில் பிரதமர் மோடி

No comments
பிரதமர் மோடியின் மான்கி பாத் நிகழ்ச்சி தமிழாக்கம்

பிரதமர் மோடியின் மான்கி பாத் நிகழ்ச்சி தமிழாக்கம்

Posted by AthibAn Tv on Sunday, August 30, 2020



இயற்கையை காப்பதற்காகவே விழாக்கள் கொண்டாடப்படுகின்றன, புதிய கல்வி கொள்கை, நாட்டில் பெரும் மாற்றத்தை ஏற்படுத்த போகிறது
 என பிரதமர் மோடி கூறியுள்ளார்.

மன் கி பாத் நிகழ்ச்சியில் அவர் மேலும் பேசியதாவது:

*ஓணம் பண்டிகை மிக சிறப்பாக கொண்டாடப்பட்டு வருகிறது. சர்வதேச பண்டிகையாக மாறிவிட்டது.

*அமெரிக்க ஐரோப்பிய அரபு நாடுகளில் கூட ஓணம் பண்டிகை கொண்டாடப்பட்டது

*இயற்கையை காப்பதற்காகவே விழாக்கள் கொண்டாடப்படுகின்றன.

*நாட்டின் ஒவ்வொரு நிகழ்விலும் பொறுமை எளிமை காணப்படுகிறது.

*விநாயகர் சதுர்த்தியின்போது இயற்கை முறையில் செய்த சிலைகளை பல இடங்களில் காண முடிந்தது

*பண்டிகை காலம் களைகட்டதொடங்கியுள்ளதால் மக்கள் பொறுப்புடன் நடந்து கொள்ள வேண்டும்

*அதிக எச்சரிக்கையுடன் இந்த பண்டிகைகளை மக்கள் கொண்டாட வேண்டும்

*விவசாயிகளுக்கும் உணவு அளிப்பவர்களுக்கும் எனது வணக்கத்தை தெரிவித்து கொள்கிறேன்.

*நெல் மற்றும் கோதுமை உள்ளிட்ட தானியங்கள் இந்த ஆண்டு அதிக பரப்பளவில் பயிரிடப்பட்டுள்ளது.

*குழந்தைகள் ஒன்று சேர்ந்து விளையாடும் போது ஒற்றுமை வளர்கிறது.

*இந்த முயற்சி நல்ல கட்டமைப்பை உருவாக்கி உள்ளது.

*விளையாட்டு என்பது வெறும் பொழுது போக்கு அல்ல

*தேசிய கல்விக் கொள்கையில் கூட இது பற்றி விவரிக்கப்பட்டுள்ளது.

*நமது நாட்டின் பாரம்பரிய விளையாட்டுகளை கணிணிமயமாக்குவது சிறப்பாக இருக்கும்

*நமது பழங்கால விளையாட்டுகளை புதிய டிஜிட்டல் கேம்களாக உருவாக்க வேண்டும்

*குழந்தைகளின் சிந்திக்கும் திறன் வளர்ந்துள்ளது.

*5 மாதங்கள் சிறுவர்கள் வீட்டிலேயே முடங்கி கிடக்கின்றனர்.

*உள்நாட்டு விளையாட்டு பொம்மைகளுக்கு நல்ல பாரம்பரியம் உள்ளது.

*தமிழகத்தில் பொம்மைகள் செய்யும் மையமாக தஞ்சாவூர் விளங்குகிறது

*கடந்த காலத்தை நினைவூட்டுவதும், எதிர்காலத்தை பிரகாசமாக்குவதும் பொம்மைகள்.

*இந்தியாவில் தயாரிக்கப்படும் விளையாட்டு பொருட்கள் ஒற்றுமையை பறைசாற்றுகிறது.

*விளையாட்டு பொம்மைகள் என்பது குழந்தைகளின் அறிவுத்திறனை வளர்க்கும் வகையில் இருக்க வேண்டும்.

*பொம்மைகள் உருவாக்குவதை புதிய கல்வி கொள்கையில் ஒரு பாடமாக சேர்க்கப்பட்டுள்ளது

*இந்தியாவில் தயாரிக்கப்படும் பொம்மைகள் உலகம் முழுவதும் ஏற்றுமதி யெ்ய வேண்டும்

*உள்நாட்டு விளையாட்டு பொருட்களை வாங்க ஊக்கவிக்க வேண்டும்

*நாடு பல்வேறு விதமான சவால்களை சந்தித்து வருகிறது.

*வருகிற செப்., மாதம் ஊட்டச்சத்து மாதமாக கடைபிடிக்கப்பட உள்ளது

*செப்., ஊட்டச்சத்து தொடர்பான விழிப்புணர்வு நிகழ்ச்சிகள் போட்டிகள் நடத்தப்பட உள்ளது. அதற்கு மக்கள் ஒத்துழைப்பு தேவை

*புதிய கல்வி கொள்கை இந்தியாவில் பெரும் மாற்றத்தை ஏற்படுத்த போகிறது

*கொரோனா காலத்தில் இந்திய ஆசிரியர்கள் பெரும் சவாலான பணிகளை மேற்கொண்டு வருகின்றனர்.

*மாணவர்கள் ஆசிரியர்கள் இணைந்து பெரும் மாற்றத்தை ஏற்படுத்தியுள்ளனர்.
இவ்வாறு பிரதமர் பேசினார்.

இந்திய ரக நாய்களை வளருங்கள்

பிரதமர் மேலும் பேசியதாவது: இந்திய ரக நாய்கள் மிக சிறப்பாக செயல்படுகின்றன என்று எனக்கு தெரிவிக்கப்பட்டிருக்கிறது. இந்திய ரக நாய்களில் முதோல் ஹவுண்ட்கள், ஹிமாச்சலில் ஹவுண்டுகள் இருக்கின்றன. இவை மிகவும் அருமையான ரகங்கள். ராஜபாளையம், கன்னி, சிப்பிப்பாறை, கோம்பை போன்ற மிக அருமையான இந்திய ரக நாய்கள் உண்டு. இவற்றை பராமரிப்பதில் அதிக செலவு பிடிப்பதில்லை. இவை இந்திய சூழலுக்கு ஏற்றவாறு இருக்கின்றன.

நமது பாதுகாப்பு படையினர் இந்த இந்தியரக நாய்களை தங்கள் பாதுகாப்பு பணிகளில் ஈடுபடுத்தி வருகிறார்கள். கடந்த சில காலமாகவே, ராணுவம், மத்திய தொழிலக பாதுகாப்பு படை தேசிய பாதுகாப்பு குழு ஆகியோர் முதோல் ஹவுண்ட் ரக நாய்களுக்கு பயிற்சி கொடுத்து அவற்றை நாய் படைப்பிரிவில் இணைந்திருக்கிறார்கள். மத்திய ரிசர்வ் போலீஸ் படையினர் கோம்பை ரக நாயகளை சேர்த்துள்ளார்கள்.

இந்திய விவசாய ஆய்வுக்கழகமும், இந்திய ரக நாய்கள் மீது ஆய்வுகள் மேற்கொண்டு வருகிறது. அதாவது இந்திய ரக நாய்களை மேலும் சிறப்பானதாக ஆக்குவதும் பயனுள்ளதாக ஆக்குவதும் தான் இதன் நோக்கம். நீங்கள் இணையத்தில் இவற்றை தேடி பாருங்கள். இவற்றை பற்றி தெரிந்து கொள்ளுங்கள். இவற்றின் நேர்த்தி குணங்கள் ஆகியவற்றை பார்த்து உங்களுக்கு ஆச்சர்ய உணர்வு மேலிடும். அடுத்த முறை ந ாய் வளர்ப்பு பற்றி நீங்கள் எண்ணமிடும் போது கண்டிப்பாக இவற்றில் ஏதாவது ஒரு இந்திய ரக நாயை நீங்கள் வீட்டுக்கு கொண்டு செல்லுங்கள். தற்சார்பு பாரதம், மக்களின் மனங்களில் மந்திரமாக ஒலிக்கும் போது, எந்த ஒரு துறையும் இதிலிருந்து விடுபட முடியாது. இவ்வாறு பிரதமர் பேசினார் .
பிரதமர் மோடியின் மான்கி பாத் நிகழ்ச்சி தமிழாக்கம்

பிரதமர் மோடியின் மான்கி பாத் நிகழ்ச்சி தமிழாக்கம்

Posted by AthibAn Tv on Sunday, August 30, 2020
Don't Miss
© 2017 -2021 AthibAn Tv Network Pvt Ltd